2 SAMIELE 3:8 - Xitsonga (Bibele)

⁸ Kutani Abinere a kariha ngopfu hikwalaho ka marito ya Ixi-Boxete; a ku: “Xana ndzi nhloko ya mbyana ya Yuda xana? Namuntlha ndzi endla hi tintswalo ni yindlu ya Sawulo, tata wa wena, ni vamakwavo, ni vanakulobye va yena, kambe a ndzi ku nyiketangi emavokweni ya Davhida; kutani namuntlha u ndzi vekela nandzu wa nsati loyi!

BIBELE Mahungu Lamanene

⁸ Marito lawa ya Ixi-Boxete ma hlundzukisa Abinere ngopfu, kutani a ku ka yena: “Xana ndzo va mbyana mina, ndzi nga ta tirhela tiko ra Yuda, xana? Namuntlha, ndza ha tirha hi ku tshembeka endyangwini wa tata wa wena Sawulo, ndzi tshembekile eka maxaka ya yena ni ka vanakulobye. A ndzi ku nyiketanga emavokweni ya Davhida wena Ixi-Boxete, kambe sweswi wa ndzi lumbeta hi timhaka ta vavasati!

2 SAMIELE 3:8 Referans Kwoze

2 SAMIELE 9:8

Kavaloko a khinsama, a ku: “Nandza wa wena i yini, leswi u langutaka mbyana leyi feke leyi ndzi nga yona!”

2 SAMIELE 16:9

Kavaloko Abixayi, n'wana Seruya, a ku eka hosi: “Xana mbyana ya ku fa leyi yi rhuketela yini hosi, n'wini wanga? Ndzi pfumelele leswaku ndzi ya n'wi tsema nhloko!”

Esaya 37:23

U rhukanile mani, u sandzile mani xana? U tlakusile rito ra wena ehenhla ka mani? U tlakusile mahlo, ya wena ehenhla ku lwa ni Mukwetsimi wa Israele.

Pisalema 76:10

Na byona, vukari bya munhu bya ku dzunisa, Loko u ambala vukari bya wena hinkwabyo.

2 TIHOSI 8:13

Kutani Hazaele a ku: “Nandza wa wena hi yini, mbyana leyi, ku endla swilo leswo tano?” Elixa a hlamula, a ku: “Yehovha u ndzi kombisile leswaku u ta va hosi ya Siriya.”

2 SAMIELE 5:2

Khale, loko Sawulo a hi fuma, a a ri wena u tshamaka u humesa ni ku vuyisa Israele. Kutani Yehovha a ku eka wena: ‘Hi wena la nga ta risa tiko ra mina ra Israele; hi wena la nga ta va hosi ya Israele.’ ”

2 SAMIELE 3:18

swi endleni sweswi, hikuva Yehovha u vurisile ehenhla ka Davhida u te: ‘Hi voko ra Davhida, nandza wa mina, ndzi ta ponisa tiko ra mina ra Israele emavokweni ya Vafilista ni le mavokweni ya valala va yena hinkwavo.’ ”

2 SAMIELE 3:9

Xikwembu a xi endle hi matimba ni ku engetela eka Abinere! Kunene hi laha Xikwembu xi hlambanyeleke Davhida hakona, ndzi ta n'wi endlela sweswo,

1 SAMIELE 15:28

Samiele a ku eka yena: “Namuntlha Yehovha u handzurile vuhosi bya Israele ehenhla ka wena, u byi nyikile warikwenu la ku tlulaka.

Duteronoma 23:18

“U nga tshuki u tisa endlwini ya Yehovha Xikwembu xa wena hakelo ya nsati wa mbhisa, hambi mali ya mbyana, ku tiyisa rito rin'wana ra ku hlambanya; hikuva swilo leswimbirhi swa yila eka Yehovha, Xikwembu xa wena.

1 SAMIELE 17:43

Kavaloko Mufilista a ku eka Davhida: “Xana ndzi mbyana, leswi u taka ka mina hi tinhonga!” Kutani Mufilista a rhuketela Davhida hi swikwembu swa yena.

2 SAMIELE 2:8

Kambe Abinere, n'wana Neri, ndhuna ya nyimpi ya Sawulo, a teka Ixi-Boxete, n'wana Sawulo, a n'wi yisa eMahanayimi,