2 SAMIELE 23:3 - Xitsonga (Bibele)

³ Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

BIBELE Mahungu Lamanene

³ Xikwembu xa Israele xi vulavurile. Xona xi nga ribye ra vuchavelo bya Israele, xi te ka mina: ‘Loyi a fumaka vanhu hi ku lulama a fuma a ri karhi a xixima Xikwembu,

2 SAMIELE 23:3 Referans Kwoze

2 SAMIELE 22:32

I mani Xikwembu, loko a nga ri Yehovha? I mani ribye, loko xi nga ri Xikwembu xa hina?

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Vaheveru 1:8

kambe loko xi vula N'wana, xi te: “Xikwembu, xiluvelo xa wena xi tiyile hilaha ku nga heriki, kutani nhonga ya vuhosi bya wena i nhonga ya ku lulama.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Pisalema 72:2

U ta avanyisa tiko ra wena hi ku lulama, Ni va wena lava xanisekaka, u ta va avanyisa hi mfanelo.

Pisalema 42:9

Ndzi ku eka Xikwembu, ri nga ribye ra mina: “U ndzi rivele ha yini xana? Swi ndzi fanela ha yini ku famba hi xirilo, ndzi xanisiwa hi nala?”

Genesa 33:20

Kutani a aka gandzelo kona, a ri thya vito ra Eli-Elohe-Israele (Xikwembu, i Xikwembu xa Israele).

Yeremiya 23:5

“Vonani, ku vula Yehovha ma ta masiku lawa ndzi nga ta humesela Davhida ha wona xihluke xa ku lulama, yi va hosi ya vukosi leyi fumaka hi vutlhari, yi veka ku avanyisa ni ku lulama emisaveni.

Esaya 32:1

Vonani, hosi yi ta fuma hi ku lulama, tihosana, na tona, ti ta risa hi ku lulama.

Swivuriso 31:9

Ahlamisa nomu, u avanyisa hi ku lulama, U yingisa timhaka ta lowa khombo ni xisiwana.”

Pisalema 110:2

Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

Nehemiya 5:14

Naswona, ku sukela siku ndzi nga vekiwa hosi ya vona, etikweni ra Yuda, ku suka lembe ra makume mambirhi, ku fika lembe ra makume manharhu na mambirhi ra ku fuma ka Ataserkisi, ku nga hi malembe ya khume na mambirhi, mina ni vamakwerhu a hi dyangi vuswa lebyi averiwaka hosi;

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

1 TIHOSI 10:9

A ku khensiwe Yehovha, Xikwembu xa wena, loyi a titsakeleke ha wena ku ku veka exiluvelweni xa Israele! Leswi Yehovha a rhandzaka Israele hi masiku hi leswi a ku vekeke hosi ku avanyisa ni ku lulamisa timhaka.”

Ntirho 34:17

La vengaka ku lulama u ta fuma xana? Kumbe u nga kaneta lowo lulama ha kunene-ke?

Pisalema 72:1

Oho Xikwembu! Nyika hosi swiavanyiso swa wena, Ni ku lulama ka wena eka n'wana wa hosi,

2 SAMIELE 8:15

Davhida a a fuma Vaisraele hinkwavo, kutani Davhida a tshama a yingisa timhaka ta tiko hinkwaro ra yena, a va a ti lulamisa.