2 SAMIELE 2:6 - Xitsonga (Bibele)

⁶ Sweswi, Yehovha a a mi kombise tintswalo ni vunene! Na mina ndzi ta mi endlela leswinene hikuva mi endlile swona.

BIBELE Mahungu Lamanene

⁶ HOSI Xikwembu a xi mi kombise tintswalo ta xona leto tshembeka, leto tiya; kutani na mina ndzi ta khomana na n'wina hi moya lowunene, hikwalaho ka mhaka leyi mi yi endleke.

2 SAMIELE 2:6 Referans Kwoze

Swivuriso 14:22

Lava kanelaka swo biha a va lahleki xana? Kambe leswinene ni ntiyiso i swa lava kanelaka vunene.

Eksoda 34:6

Kutani Yehovha a hundza emahlweni ka yena, a ku: “Yehovha, Yehovha, Xikwembu xa tintswalo ni vunene, lexi hlwelaka ku kariha, lexi teleke tintswalo ni ku tshembeka,

Matewu 5:44

Kambe mina ndzi ri eka n'wina: Rhandzani lava nga valala eka n'wina; mi katekisa lava mi rhukanaka; lava mi vengaka mi va endla swinene; mi khongelela lava mi xanisaka;

Matewu 5:7

Ku katekile vona va tintswalo, hikuva va ta tweriwa vusiwana.

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Pisalema 57:3

Xi ta ndzi rhumela ku pfuna hi le tilweni, xi ndzi hlayisa, Hambi ku sola loyi a lavaka ku ndzi mita. Xikwembu xi ta rhumela tintswalo ta xona ni vunene bya xona.

2 SAMIELE 15:20

U fikile tolo, kutani namuntlha ndzi ta ku rhendzelekisa hinkwako na hina xana? Loko ndzi ri mina, ndzi ya laha ndzi nga ta ya kona. Tlhela u muka, u teka vamakwenu na wena. Tintswalo ni ntiyiso a swi ve na wena!”

2 SAMIELE 10:2

Kutani Davhida a ku: “Ndzi ta kombisa tintswalo eka Hanunu, n'wana Nahaxi, kukotisa leswi tata wa yena a ndzi kombiseke tintswalo.” Kavaloko Davhida a rhuma malandza ya yena ma ya n'wi chavelela hikwalaho ka tata wa yena; kutani malandza ya Davhida ma fika etikweni ra vana va Amoni.

2 SAMIELE 9:7

Davhida a ku eka yena: “U nga chavi, hikuva ndzi rhandza ku ku kombisa tintswalo hikwalaho ka Yonatani, tata wa wena, ndzi va ndzi ku nyika vurimo hinkwabyo bya Sawulo, tata wa wena, loko u ri wena u ta dya swakudya hi masiku hinkwawo etafuleni ra mina.”

2 SAMIELE 9:3

Kutani hosi yi ku: “Xana a ka ha salanga munhu ni un'we wa yindlu ya Sawulo, leswaku ndzi n'wi kombisa tintswalo ta Xikwembu?” Siba a ku eka hosi: “Ka ha sele n'wana un'wana wa wanuna wa Yonatani, a lamaleke milenge.”

2 SAMIELE 2:7

Sweswi, mavoko ya n'wina a ma tinyike matimba, mi va tinhenha, hikuva hosi ya n'wina, Sawulo, u file, kutani yindlu ya Yuda yi ndzi cherile ku ndzi veka hosi ehenhla ka yona.”

Yoxuwa 2:14

Vavanuna lava va ku eka yena: “Vutomi bya hina ematshan'weni ya n'wina ku fa loko mi nga byeli munhu timhaka ta hina kutakuloko Yehovha a hi nyikile tiko, hi ta mi tsetselela ni ku mi endlela leswinene.”

Rhuti 1:8

Kutani Nahumi a ku eka vingi va yena vambirhi: “Tlhelani, timukelani un'wana ni un'wana endlwini ya mana wakwe. Yehovha a mi endle hi tintswalo kukota leswi mi endleleke lava feke na mina.