2 SAMIELE 18:2 - Xitsonga (Bibele)

² kutani Davhida a rhuma tiko: ku avanyisa ka vunharhu a ku ri emavokweni ya Yowabu, ni ku avanyisa kun'wana emavokweni ya Abixayi, n'wana Seruya, makwa Yowabu, ni ku avanyisa ka vunharhu kun'wana emavokweni ya Itayi wa Gati, kutani hosi yi ku eka tiko: “Na mina ndzi ta huma na n'wina.”

BIBELE Mahungu Lamanene

² Kutani Davhida a avanyisa masocha, a vumba mavuthu manharhu lamakulu; ro sungula a ri fambisiwa hi Yowabu; ra vumbirhi, hi Abixayi makwavo wa Yowabu n'wana Seruya; ra vunharhu a ri fambisiwa hi Itayi lowa Mugiti. Kutani Davhida a byela masocha ya yena, a ku: “Na mina ndzi lava ku famba na n'wina.”

2 SAMIELE 18:2 Referans Kwoze

Vaavanyisi 7:16

Kutani a avanyisa lava madzana manharhu hi mitlawa minharhu, a nyika un'wana ni un'wana nanga evokweni ra yena, ni timbita leti nga hava nchumu, leti nga ni swisa endzeni ka tona.

Pisalema 3:6

A ndzi chavi vanhu va madzana ya madzana, Lava ndzi rhendzeleke hi matlhelo hinkwawo.

2 SAMIELE 17:11

Hikwalaho ndzi vula leswaku Vaisraele hinkwavo va hlengeletana eka wena, ku suka eDani ku fika eBerexeba, byi ri vunyingi lebyi fanaka ni sava leri nga eribuwini ra lwandle; kavaloko u ta famba u ri wena eku lweni.

1 SAMIELE 11:11

Siku leri tlhandlamaka, Sawulo a avanyisa tiko hi mavandla manharhu, kutani va nghena emixaxeni ya valala hi nkarhi wa ku langutela ka mixo kutani va lwa ni Vaamoni ri ko ri hisa; lava seleke va hangalasiwa; a ka ha salanga vambirhi va ri swin'we.

Vaavanyisi 9:43

Yena a teka vanhu va yena, a va avanyisa hi mitlawa minharhu, kutani a va veka ku etlelela ehandle. Kuteloko a languta, a vona tiko ri huma emutini, a tsutsumela eka vona, a lwa na vona.

Vaavanyisi 7:19

Kavaloko Gidiyoni a famba ni vanhu va dzana lava ingi a ri na vona, va fika emakun'wini ya mixaxa, ka ha ku sungula ku langutela ka vusiku lebyikulu, ka ha ku vekiwa valanguteri. Kutani va yimba tinanga, va faya timbita leti nga emavokweni ya vona.

2 SAMIELE 23:18

Abixayi, makwa Yowabu, n'wana Seruya, a a ri ndhuna ya lavanharhu. A tlakusa tlhari ra yena ehenhla ka vanhu va madzana manharhu, a va dlaya, kutani a va ni vito exikarhi ka lavanharhu.

1 TIHOSI 2:28

Kambe mpfumawulo wu fikela Yowabu (hikuva Yowabu a a landzile Adoniya, hambi a nga landzanga Abixalomu); kutani Yowabu a ya chavela eTabernakeleni ya Yehovha, a khoma timhondzo ta alitari.

2 SAMIELE 8:16

Yowabu n'wana Seruya, a a ri ndhuna ya nyimpi; na Yoxafati, n'wana Ahiludi a a ri muhlayisi wa matsalwa;

2 SAMIELE 21:17

Kambe Abixayi, n'wana Seruya a n'wi ponisa, a tlhava Mufilista a n'wi dlaya; kavaloko vanhu va Davhida va n'wi hlambanyela, va ku: “U nga ka u nga ha humi na hina enyimpini, u nga tshuki u tima rivoni ra Israele.”