2 SAMIELE 14:4 - Xitsonga (Bibele)

⁴ Wansati lowa Tekowa a ya vulavula ni hosi, a wela ehansi emombyeni, a khinsama, a ku: “Ndzi ponise, wee hosi!”

BIBELE Mahungu Lamanene

⁴ Kutani wansati lowa le Tekowa a ya vulavula na hosi, a fika a korhama mombo wa yena wu ko wu khumba misava, a nkhinsamela hosi, a ku ka yona: “Ndzi pfune, we hosi!”

2 SAMIELE 14:4 Referans Kwoze

2 SAMIELE 1:2

Siku ra vunharhu, ku fika munhu la humaka enyimpini, eka Sawulo, tinguvu ta yena ti handzuriwile, a a ri ni ntshuri enhlokweni; a ta eka Davhida, kutani a wela ehansi, a khinsama.

1 SAMIELE 25:23

Kuteloko Abigayele a vona Davhida, a hatlisa a xika mbhongolweni, a wela ehansi emombyeni, emahlweni ka Davhida, a khinsama.

1 SAMIELE 20:41

Kuteloko wandzisanyana a sukile, Davhida a yima a languta edzongeni, a tiwisa ehansi emombyeni, a khinsama kanharhu. Kutani va ntswontswana va rila swin'we; Davhida a rila ngopfu ku tlurisa.

2 SAMIELE 14:5

Kutani hosi yi ku eka yena: “U na yini xana? Mhaka ya wena i yihi xana?” Yena a ku: “Kunene ndzi nsati wa noni, nuna wa mina u file.

2 SAMIELE 18:28

Ahimaasi a huwelela, a ku eka hosi: “Ku rhula!” Kutani a khinsama emahlweni ka hosi, mombo wa yena wu ri hansi. Kambe a ku: “A ku dzunisiwe Yehovha, Xikwembu xa wena la hluleke vanhu lava tlakuseke voko ku lwa ni hosi, n'wini wanga.”

2 SAMIELE 14:22

Yowabu a wela ehansi emombyeni a khinsama, a katekisa hosi, kutani Yowabu a ku: “Namuntlha nandza wa wena a tiva leswaku ndzi kumile tintswalo emahlweni ka wena hosi, n'wini wanga, hikuva hosi yi endla hi rito ra nandza wa yona.”