2 SAMIELE 13:2 - Xitsonga (Bibele)

² Aminoni a xaniseka a ko a vabya hikwalaho ka Tamari, makwavo, hikuva a a nga si tivana ni wanuna, kutani a swi nonon'hwa ngopfu emahlweni ka Aminoni ku n'wi endla nchumu.

BIBELE Mahungu Lamanene

² Mhaka leyi ya ku rhandza Tamari yi n'wi karhata swinene, yi n'wi vabyisa. Tamari a a nga si tivana ni wanuna, kutani Aminoni a a swi vona leswaku swi ta n'wi nonon'hwela ngopfu ku endla nchumu eka yena.

2 SAMIELE 13:2 Referans Kwoze

2 Vakorinto 7:10

Hikuva ku khomiwa hi tingana hi mukhuva lowu rhandziwaka hi Xikwembu ku humesa ku tisola loku nga ni ku hanya ku nga loku nga soriwiki; kambe ku khomiwa hi tingana hi mukhuva wa misava, ku humesa rifu.

Risimu ra Tinsimu 5:8

Ndza mi khongotela n'wina, vanhwanyana va Yerusalema, ndzi ri: “Xana loko mi kuma murhandziwa wa mina, Xana mi ta ku yini eka yena?” Mi ta ku: “Ndza vabya hi rirhandzu.”

1 TIHOSI 21:4

Kutani Akabu a muka endlwini ya yena a ri ni gome, a hlundzuka hikwalaho ka rito ra Naboto, wa Yizriele, loko a te: “Ndzi nga ka ndzi nga ku nyiki ndzhaka ya vatata wa mina.” A ya etlela esangwini ra yena, a fularha mombo wa yena, a nga dyanga nchumu.

2 SAMIELE 13:1

Endzhaku ka sweswo, Abixalomu, n'wana Davhida, a a ri ni makwavo wa wanhwana la sasekeke; vito ra yena a a ri Tamari, kutani Aminoni, n'wana Davhida, a n'wi rhandza.

2 SAMIELE 13:3

Aminoni a a ri ni nakulobye, vito ra yena a a ri Yonadabu, n'wana Ximeya, makwa Davhida, kambe Yonadabu a a ri munhu wa ku tlhariha ngopfu.