2 SAMIELE 13:1 - Xitsonga (Bibele)

¹ Endzhaku ka sweswo, Abixalomu, n'wana Davhida, a a ri ni makwavo wa wanhwana la sasekeke; vito ra yena a a ri Tamari, kutani Aminoni, n'wana Davhida, a n'wi rhandza.

BIBELE Mahungu Lamanene

¹ Abixalomu n'wana Davhida a a ri ni makwavo wa xisati wo saseka ngopfu, loyi a va ku i Tamari. Aminoni mativula ya Davhida a a n'wi rhandza.

2 SAMIELE 13:1 Referans Kwoze

1 TIKRONIKA 3:9

Hi vona lava vana hinkwavo va xinuna va Davhida, loko ku nga hlayiwi vana va vasati lavatsongo; Tamari a a ri makwavo wa vona wa wansati.

1 TIKRONIKA 3:2

wa vunharhu i Abixalomu, n'wana Maaka, n'wana wa wansati wa Talimayi, hosi ya Gexuri; wa vumune i Adoniya, n'wana Hagiti;

2 SAMIELE 14:27

Vana vanharhu va varisanyana va tswaleriwe Abixalomu, ni wanhwanyana; vito ra yena a a ri Tamari; a a ri wansati wa mburhi.

2 SAMIELE 13:15

Kutani Aminoni a n'wi venga hi ku venga lokukulu, hikuva rivengo ra yena a ri tlula rirhandzu leri a n'wi rhandzeke ha rona. Kutani Animoni a ku eka yena: “Suka u famba!”

Swivuriso 31:30

Ku saseka ka kanganyisa, vumbhurhi i vusinge! Wansati la chavaka Yehovha hi yena la nga ta dzunisiwa.

Swivuriso 6:25

U nga tshiki mbilu ya wena yi navela vubombi bya yena, U nga kokiwi hi tinxiye ta yena.

1 TIHOSI 11:1

Hosi Solomoni a rhandza vavasati lavo tala va matiko man'wana, ehandle ka n'wana Faro; a va ri Vamowabu, ni Vaamoni, ni Vaedomu, ni Vasidoni, ni Vahiti,

2 SAMIELE 11:2

Siku rin'wana, nimadyambu Davhida a pfuka ebyetlelweni bya yena, a fambafamba elwangwini ra yindlu ya hosi, kutani a vona a ri elwangwini wansati la hlambaka; wansati loyi, a a sasekile ngopfu.

Genesa 34:3

Kutani mbilu ya yena yi namarhela na Dina, n'wana Yakobo, a rhandza lowa nhwanyana, a lava ku n'wi yenga hi marito yakwe.

Genesa 29:20

Kutani Yakobo a tirhela Rahele hi malembe ya ntlhanu na mambirhi; ma va eka yena masiku ma nga ri mangani, hikuva a a n'wi rhandza.

Genesa 29:18

Yakobo a a rhandza Rahele, a ku: “Ndzi ta ku tirhela hi malembe ya ntlhanu na mambirhi, u ta ndzi nyika Rahele, n'wana wa wena lowa ndzisana.”

Genesa 6:2

vana va Xikwembu va vona leswaku vanhwanyana va vanhu va sasekile, kutani va titekela eka vona vasati exikarhi ka hinkwavo lava va nga va hlawula.

2 SAMIELE 13:2

Aminoni a xaniseka a ko a vabya hikwalaho ka Tamari, makwavo, hikuva a a nga si tivana ni wanuna, kutani a swi nonon'hwa ngopfu emahlweni ka Aminoni ku n'wi endla nchumu.