2 SAMIELE 1:2 - Xitsonga (Bibele)

² Siku ra vunharhu, ku fika munhu la humaka enyimpini, eka Sawulo, tinguvu ta yena ti handzuriwile, a a ri ni ntshuri enhlokweni; a ta eka Davhida, kutani a wela ehansi, a khinsama.

BIBELE Mahungu Lamanene

² Hi siku leri tlhandlamaka, ku ta fika munhu loyi a a huma eka Sawulo emixaxeni ya nyimpi; a a handzulerile swiambalo swa yena, a ticherile misava enhlokweni. Loko a fika, a kongoma Davhida, a tiwisela ehansi, a n'wi nkhinsamela.

2 SAMIELE 1:2 Referans Kwoze

1 SAMIELE 4:12

Munhu wa Benjamini a tsutsuma, a sukile eku lweni, kutani a fika eXilo siku rolero, tinguvu ta yena ti handzuriwile, ni misava yi ri enhlokweni ya yena.

2 SAMIELE 4:10

‘Waswivo, Sawulo u file!’ A a tiringanisa emahlweni ya yena, ntsumi ya mahungu ya ku saseka, ndzi n'wi khomile, ndzi n'wi dlaya eSikilaga, ndzi n'wi nyika sweswo hakelo ya mahungu ya yena ya ku saseka!

1 SAMIELE 25:23

Kuteloko Abigayele a vona Davhida, a hatlisa a xika mbhongolweni, a wela ehansi emombyeni, emahlweni ka Davhida, a khinsama.

Yoxuwa 7:6

Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Matewu 16:21

Kavaloko Yesu a sungula ku hlamusela vadyondzisiwa va yena leswaku a fanele ku ya Yerusalema, a ya twisiwa ku vaviseka lokukulu hi vakulukumba, ni vaprista lavakulu, ni vatsari, a dlawa, a tlhela a pfuka hi siku ra vunharhu.

Matewu 12:40

Hikuva kukotisa loko Yonasi a tshame masiku manharhu, ni vusiku byinharhu ekhwirini ra nhlampfi leyikulu, N'wana wa Munhu, na yena, u ta va emarhumbyini ya misava masiku manharhu ni vusiku byinharhu.

Yuwele 2:13

Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.

Hosiya 6:2

Loko ku hele masiku mambirhi, u ta hi hanyisa; hi ra vunharhu, u ta hi yimisa leswaku hi hanya emahlweni ka yena.

Pisalema 66:3

Mi ku eka Xikwembu: “Mitirho ya wena yi chavisa swonghasi! Hikwalaho ka vukulu bya matimba ya wena, valala va wena va ku xengetela.

Estere 5:1

Hi siku ra vunharhu, Estere a funengela swifunengelo swa yena swa vukosikazi, kutani a ya yima erivaleni leri nga exikarhi ka yindlu ya hosi, emahlweni ka yindlu ya hosi, hosi a yi tshamisile exiluvelweni xa ku fuma ka yena, endlwini ya vuhosi, kusuhi ni nyangwa ya yindlu.

Estere 4:16

“Famba u ya hlengeleta Vayuda hinkwavo lava nga kona eXuxani; mi titsona swakudya ematshan'weni ya mina; mi nga tshuki mi dya, ni loko ku ri ku nwa hi masiku manharhu, vusiku ni nhlekanhi; na mina ni vanhwanyana va mina, hi ta titsona swakudya sweswo, ndzi ta nghena eka hosi, ni loko nawu wu nga pfumeri; hambi ndzi nga dlawa, a ndzi dlayiwe.”

2 SAMIELE 15:32

Davhida a ha ku fika enhlohlorhini laha va khinsamaka emahlweni ka Xikwembu, loko Huxayi wa Muariki a ta bakana na yena nguvu ya yena yi handzuriwile, ni misava yi ri enhlokweni ya yena.

2 SAMIELE 14:4

Wansati lowa Tekowa a ya vulavula ni hosi, a wela ehansi emombyeni, a khinsama, a ku: “Ndzi ponise, wee hosi!”

1 SAMIELE 20:41

Kuteloko wandzisanyana a sukile, Davhida a yima a languta edzongeni, a tiwisa ehansi emombyeni, a khinsama kanharhu. Kutani va ntswontswana va rila swin'we; Davhida a rila ngopfu ku tlurisa.

1 SAMIELE 4:16

Munhu loyi a ku eka Heli: “Ndzi sukile eku lweni, ndzi balekile kona namuntlha.”

Genesa 43:28

Va ku: “Nandza wa wena, tata wa hina, wa ha tsakile, wa ha tihanyela.” Va korhama, va n'wi khinsamela.

Genesa 37:34

Yakobo a handzula tinguvu ta yena, a titsimba hi saka lero khwaxa, a rila n'wana wa yena hi masiku layo tala.

Genesa 37:29

Kuteloko Rhuveni a tlhelela ekheleni, a kuma Yosefa a nga ha ri kona ekheleni.

Genesa 22:4

Hi siku ra vunharhu, Abrahama a tlakusa mahlo, a vona xivandla xexo a ha ri kule.

2 SAMIELE 1:3

Davhida a ku eka yena: “U pfa kwihi?” Kutani a ku eka yena: “Ndzi balekile enyimpini ya Israele.”

Ezekiele 27:30

Va ta twakarisa rito ra vona eka wena, va rila hi ku vaviseka, va ta tichela ntshuri ehenhla ka tinhloko ta vona, va puluvundza eminkumeni.

2 SAMIELE 13:19

Kavaloko Tamari a teka nkuma a wu hoxa enhlokweni ya yena, a handzula nguvu ya mavalavala leyi a yi ambaleke, a tlakusa voko enhlokweni ya yena, a suka a famba, a ri karhi a huwelela.

2 SAMIELE 24:20

Kutani Arawuna a languta a ri ehenhla, a vona hosi ni malandza ya yena lava nga ta eka yena; kutani Arawuna a huma, a ya khinsama emahlweni ka hosi.