2 Petro 1:4 - Xitsonga (Bibele)

⁴ ha swona hi nyikiwile ku tshembisa lokukulukumba, loko saseka, leswaku hakona mi va ni ku averiwa ka vukwembu, hi ku sukela ku bola loku nga emisaveni hi ku navela.

BIBELE Mahungu Lamanene

⁴ Hi ndlela leyi hi nyikiwile switshembiso swa Hosi leswikulu ngopfu, swa risima, leswaku ha swona mi ta kota ku pona eku onhakeni loku nga kona emisaveni hikwalaho ka ku navela loko biha, mi hundzuka lava averiweke vutomi lebyi humaka eka Xikwembu.

Testamente Leyimpsha Xichangana

⁴ Hi ndlela leyi hinyikiwile svitshembiso sva Hosi lesvikulu ngopfu, sva risima, lesvaku ha svona mitakota kupona kuwonhekeni lokunga kona misaveni hikolaho ka kunavela lokobiha, mihundzuka lavayaveliweke vutomi lebzi bzihumaka ka Xikwembu.

2 Petro 1:4 Referans Kwoze

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

Vakolosa 3:10

mi va mi funengele munhu lontshwa la dzuvulaka eku tiveni, hi xifaniso xa la n'wi tumbuluxeke.

Vaheveru 12:10

Kasi vona va hi layile hi mikarhi yi nga ri yingani, hilaha va nga ringanisa hakona; kambe yena u hi laya ku hi pfuna, leswaku hi va ni ku averiwa ka ku kwetsima ka yena.

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Vagalatiya 6:8

la byalelaka nyama ya yena, u ta tshovela enyameni leswo bola; kambe la byalelaka Moya, u ta tshovela eMoyeni vutomi lebyi nga heriki.

1 Yohane 2:25

Kutani ku tshembisa loku a hi nyikeke kona, i vutomi lebyi nga heriki.

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Vaheveru 9:15

Hikwalaho Kriste mulamuri wa ntwanano lowuntshwa, leswaku rifu ra yena, kuteloko ri humelele ku ta kutsula lava tluleke nawu hi nkarhi wa ntwanano lowo sungula, lava vitaniweke va nyikiwa ndzhaka leyi nga heriki, leyi va yi tshembisiweke.

2 Vakorinto 1:20

Hikuva ku hlayela ka Xikwembu hinkwako, hi loku nga ina eka xona, ni leswi nga Amen eka xona, leswaku Xikwembu xi dzunisiwa ha hina.

Vagalatiya 3:16

Kasi ku tshembisa ku endleriwe Abrahama ni rixaka ra yena; a nga vulanga, a ku: “Ni tinxaka ta yena,” kukotisa leswo ngi u vula leto tala; kambe a ku, “hi ku hlaya rin'we ntsena.” Ni rixaka ra wena, a nga Kriste.

Varhoma 9:4

va nga Vaisraele, volavo, ku hlayiwa vana ku nga ka vona, ni ku kwetsima, ni ntwanano, ni nawu, ni ku gandzela, ni ku tshembisiwa;

Vaefesa 4:13

hi ta kondza hi fika hinkwerhu evun'weni bya vupfumeri ni bya ku tiva N'wana wa Xikwembu; ni le vukulukumbeni bya wanuna la hetisekeke; ni le mpin'weni wa xiyimo lexi hetisekeke xa Kriste,

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

2 Petro 3:9

Hosi a yi hlweri ku endla leswi yi nga tshembisa swona, kukotisa loko van'wana va ehleketa leswaku ku hlwela ku kona, kambe wa ha lehisa mbilu hikwalaho ka n'wina, hikuva a nga rhandzi leswaku ku lova ni un'we, kambe u rhandza leswaku hinkwavo va ta eku hundzukeni.

2 Petro 3:13

Kambe hi langutela hi ku tshembisa ka yena matilo lamantshwa ni misava leyintshwa, laha ku lulama ku akeke kona.