2 Petro 1:21 - Xitsonga (Bibele)

²¹ Hikuva vuprofeta a byi tisiwanga hi ku rhandza ka munhu ni siku ni rin'we, kambe vanhu va Xikwembu lava hlawuriweke va vurile va ri karhi va susumetiwa hi Moya lowo Kwetsima.

BIBELE Mahungu Lamanene

²¹ Hikuva ku hava rito ni rin'we ra vaprofeta leri teke hi ku titwa ka munhu, kambe vanhu lava susumetiweke hi Moya lowo Kwetsima, va vurile leswi humaka eka Xikwembu.

Testamente Leyimpsha Xichangana

²¹ Hikuva kuhava rito ni rin'we ra vaprofeta leriteke hi kutitwa ka munhu, kambe vanhu lavahuhuteliweke hi Moya Lowokwetsima, vavulile lesvihumaka ka Xikwembu.

2 Petro 1:21 Referans Kwoze

1 Petro 1:11

va ri karhi va kamba xana nkarhi hi wihi, ni lowo yini lowu kombiweke hi Moya wa Kriste, lowu ngi wu ri ka vona, wu ri karhi wu endle vumbhoni bya nhlomulo wa Kriste, ni ku kwetsima loku nga ta wu landzela.

Luka 1:70

hilaha a nga vula hakona hi mikarhi hinkwavo hi milomu ya vaprofeta lavo kwetsima va yena, a ku:

2 SAMIELE 23:2

Moya wa Yehovha wu vulavula ha mina, Rito ra wona ri le ririmini ra mina.

Timhaka 1:16

“Vavanuna varikwerhu, a swi fanela leswaku Tsalwa ri hetiseka, leri nga bvumbhiwa hi Moya lowo Kwetsima, hi nomu wa Davhida, leri vuleke Yudasi, loyi a tiendleke mufambisi wa lava khomeke Yesu.

Vaheveru 10:15

Kutani Moya lowo Kwetsima, na wona, wu hi endlela vumbhoni bya mhaka leyi;

Timhaka 3:18

kambe Xikwembu xi hetisisile hi mukhuva wolowo timhaka leti xi nga rhanga xi ti vula hi milomu ya vaprofeta va xona hinkwavo, leswaku Kriste wa xona u ta twisiwa ku vaviseka.

Marka 12:36

Kasi yena Davhida u vurile hi Moya lowo kwetsima, a ku: ‘Hosi yi te eka Hosi yanga: Tshama evokweni ra mina ra xinene, ndzi kondza ndzi endla valala va wena vunavelo bya milenge ya wena.’

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

Vaheveru 3:7

Hikwalaho, hilaha Moya lowo Kwetsima wu vulaka hakona: “Namuntlha, loko mi twa rito ra yena,

Tinhlayo 16:28

Kavaloko Muxe a ku: “Mi ta tiva hi leswi leswaku Yehovha u ndzi rhumele ku endla swilo leswi hinkwaswo, ni leswaku a swi humi embilwini ya mina.

Timhaka 28:25

Kutani, hikuva a va nga twanani, va hambana loko Pawulo a va byerile mhaka leyi, yi ri yin'we, a te: “Moya lowo Kwetsima wu vurisile hi nomu wa muprofeta Esaya eka vatata wa hina, wu ku:

1 TIHOSI 17:18

Kavaloko wansati a ku eka Eliya: “Ndzi ni mhaka yihi na wena, wena, munhu wa Xikwembu-ke? Xana u tile eka mina ku ndzi tsundzuxa ku dyoha ka mina, ni ku dlaya n'wana wa mina-ke?”

Vaheveru 9:8

Moya lowo Kwetsima wu ri karhi wu hi kombisa hi sweswo leswaku ndlela ya xikwetsimisiso a yi nga si pfuriwa loko tabernakela yo rhanga ya ha yimile,

1 TIHOSI 13:1

Kakuloko Yerobuwamu a yimile ealitarini ku hisa mirhi ya risuna, maswivo, munhu wa Xikwembu, la humeke etikweni ra Yuda, a fika eBetele, hi ku lerisa ka Yehovha.

Yoxuwa 14:6

Vana va Yuda va tshinelela Yoxuwa eGiligala, kutani Kalebe n'wana Yefune, Mukenizi, a ku eka yena: “Wa tiva rito leri Yehovha a ri byeleke Muxe, munhu wa Xikwembu, ehenhla ka mina, ni le henhla ka wena loko a ri eKadexe-Bariniya.

Mikiya 3:7

Vavoni va ta tsana, vangoma va ta khomiwa hi tingana, kutani va ta fihla malebvu ya vona hikuva a ku na nhlamulo leyi humaka eka Xikwembu.

2 TIKRONIKA 8:14

Kutani a veka, hi ku lerisa ka Davhida, tata wa yena, mitlawa ya vaprista emitirhweni ya yona, ni Valevhi emitirhweni ya vona, ku dzunisa Yehovha ni ku tirha mitirho ya vona emahlweni ka vaprista siku rin'wana ni rin'wana; a veka ni valanguteri va tinyangwa, hi mitlawa ya vona enyangweni yin'wana ni yin'wana hikuva a ku ri ku lerisa ka Davhida, munhu wa Xikwembu.

2 TIHOSI 6:15

Nandza wa munhu wa Xikwembu a pfuka nimixo a huma, kutani maswivo, tinyimpi ti rhendzele muti, ti ri ni tihanci ni tigolonyi. Kutani nandza a ku eka munhu wa Xikwembu: “Yo! Hosi yanga. Hi ta endla yini-ke?”

2 TIHOSI 6:10

Kutani hosi ya Israele yi rhuma vanhu endhawini leyi munhu wa Xikwembu a n'wi byeleke ku yi langutela. Mhaka leyi, a yi humelelanga kan'we, hambi ku ri kambirhi.

1 TIHOSI 17:24

Kutani Eliya a ku: “Vona, n'wana wa wena wa hanya.” Wansati a ku eka Eliya: “Sweswi, ndzi tiva leswaku u munhu wa Xikwembu, ni leswaku rito ra Yehovha leri nga enon'wini wa wena ri tiyile.”

1 TIKRONIKA 23:14

Loko a ri Muxe, munhu wa Xikwembu, vana va yena va hlayiwile enyimbeni ya Levhi.

2 TIHOSI 4:22

A vitana nuna wa yena, a ku: “Ndzi rhumele un'wana wa malandza ni mbhongolo: ndzi tsutsuma ndzi ya fika eka munhu wa Xikwembu, ndzi tlhela ndzi vuya.”

2 TIHOSI 4:9

Kutani wansati a ku eka nuna wa yena: “Waswivo, ndza tiva leswaku munhu la hambukelaka eka hina hi masiku hinkwawo, i munhu wa Xikwembu.

Duteronoma 33:1

Hi kona ku katekisa ka Muxe wanuna wa Xikwembu, loko a katekisa vana va Israele, a nga si fa, a ku:

2 TIHOSI 4:7

Kavaloko a suka a ya tivisa munhu wa Xikwembu; yena a ku: “Famba u ya xavisa mafurha, u riha nandzu wa wena, kutani hi leswi seleke u ta hanya wena ni vana va wena.”

Yeremiya 23:26

Swoleswo, swi ta va tano ku fikela kwihi etimbilwini ta vaprofeta valavo, ku profeta mavunwa, ni ku profeta ku xisa ka timbilu ta vona xana?

Ezekiele 1:3

rito ra Yehovha ri fika eka Ezekiele, n'wana Buzi, muprista etikweni ra Vakalediya enambyeni wa Kebara; exivandleni lexi, voko ra Yehovha ri va ehenhla ka yena.

Mikiya 1:1

Rito ra Yehovha leri byeriweke Mikiya wa Morexeta, enkarhini wa Yotamu, ni wa Akazi ni wa Hezekiya tihosi ta Yuda, byi ri vuprofeta ehenhla ka Samariya na Yerusalema.