1 Yohane 5:4 - Xitsonga (Bibele)

⁴ Hikuva hinkwaswo leswi tswariweke hi Xikwembu, swi hlula misava: kutani ku hlula loku hlulaka misava, i ku pfumela ka hina.

BIBELE Mahungu Lamanene

⁴ Xin'wana ni xin'wana lexi tswariweke hi Xikwembu, xi hlula misava, kutani ku hlula loku hlulaka misava i ku pfumela ka hina.

Testamente Leyimpsha Xichangana

⁴ Hikuva mani na mani lweyi apsaliweke hi Xikwembu, ahlula misava, kutani kuhlula loku, hi loku kuhlulaka misava, angakupfumela ka hina.

1 Yohane 5:4 Referans Kwoze

1 Vakorinto 15:57

A hi khenseni Xikwembu lexi hi nyikeke ku hlula! Hi Hosi ya hina Yesu Kriste.

1 Yohane 4:4

Loko mi ri n'wina, vana vanga, mi va Xikwembu, kutani mi va hlurile hikuva la nga na n'wina, u tlula hi vukulu la nga emisaveni.

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

1 Yohane 3:9

Un'wana ni un'wana la tswariweke hi Xikwembu a nga tshami a dyoha, hikuva mbewu ya Xikwembu yi tshamile eka yena; kutani a nga swi koti ku dyoha, hikuva a tswariwe hi Xikwembu.

1 Yohane 5:5

I mani la hlulaka misava, loko a nga ri loyi a pfumelaka leswaku Yesu i N'wana wa Xikwembu?

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Nhlavutelo 12:11

Va n'wi hlurile hi ngati ya Xinyimpfana, ni rito ra vumbhoni bya vona, kutani a va rhandzangi vutomi bya vona, ku yisa eku feni.

Nhlavutelo 3:5

“ ‘La nga ta hlula, u ta ambala tinguvu leto basa, kutani ndzi nga ka ndzi nga hlanguri vito ra yena ebukwini ya vutomi, kambe ndzi ta vula vito ra yena emahlweni ka Tatana, ni le mahlweni ka tintsumi ta yena.

Nhlavutelo 2:11

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula, a nga ka a nga vavisiwi hi rifu ra vumbirhi.’

Nhlavutelo 3:12

“ ‘La nga ta hlula, ndzi ta n'wi endla xiphandze etempeleni ya Xikwembu xa mina, kutani a nga ka a nga humi kona kambe ndzi ta tsala ehenhla ka yena vito ra Xikwembu xanga, ni vito ra muti wa Xikwembu xanga, wu nga Yerusalema lowuntshwa, lowu xikaka hi le tilweni eka Xikwembu xa mina, na rona vito ra mina lerintshwa.

Nhlavutelo 2:26

“ ‘La nga ta hlula, a tiyisela ku tirha mitirho ya mina ku yisa emakumu, ndzi ta n'wi nyika ku fuma ehenhla ka matiko.

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

Nhlavutelo 15:2

Kutani ndzi vona leswi fanaka ni lwandle ra nghilazi leri hlanganeke ni ndzilo, kutani lava nga hlula xivandza, ni xifaniso xa xona, ni tinhlayo ta vito ra xona a va yimile elwandle ra nghilazi, va tamele tiharipa ta Xikwembu.

Nhlavutelo 2:7

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula ndzi ta n'wi nyika ku dya murhi wa ku hanya, lowu nga exikarhi ka Paradeyisi ya Xikwembu.’

Nhlavutelo 2:17

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula, ndzi ta n'wi nyika manna laya fihliweke; ndzi n'wi nyika ni ribye lero basa, leri ku tsariweke eka rona, vito lerintshwa leri nga tiviwiki hi munhu, loko a nga ri loyi a ri amukelaka.’

Yohane 1:13

lava nga velekiwangiki hi ngati, ni loko ku ri hi ku rhandza ka nyama, kumbe hi ku rhandza ka munhu, kambe va velekiwile hi Xikwembu.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

1 Yohane 2:29

Loko mi tiva leswaku u lulamile, tivani leswaku un'wana ni un'wana la endlaka leswi lulameke, u tswariwe hi yena.

1 Yohane 5:18

Ha swi tiva leswaku un'wana ni un'wana la tswariweke hi Xikwembu a nga dyohi; kambe la tswariweke hi Xikwembu wa tihlayisa, kutani lowo biha a nga n'wi khumbi.