1 Yohane 5:19 - Xitsonga (Bibele)

¹⁹ Ha swi tiva leswaku hi va Xikwembu, ni leswaku misava hinkwayo yi tshama eku biheni.

BIBELE Mahungu Lamanene

¹⁹ Ha swi tiva leswaku hi va Xikwembu, ni leswaku misava hinkwayo yi le hansi ka matimba ya Lowo biha.

Testamente Leyimpsha Xichangana

¹⁹ Hasvitiva lesvaku hi va Xikwembu, ni lesvaku misava hinkwayu yi le ka lweyi wobiha.

1 Yohane 5:19 Referans Kwoze

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

Vaefesa 2:2

leswi khale mi nga famba ka swona, hi maendlelo ya misava leyi, loko ma ha fumiwa hi hosi leyi fumaka matimba ya mimpfhuka, wu nga moya lowu tirhaka sweswi, eka vanhu lava tiarisaka;

Vagalatiya 1:4

la tinyiketeke hikwalaho ka ku dyoha ka hina, a ta hi simula emisaveni ya sweswi, leyo biha, hi ku rhandza ka Xikwembu la nga Tata wa hina;

Yohane 12:31

Sweswi, ku avanyisa ka misava leyi, ku kona; kutani hosi ya misava leyi, yi ta hlongoleriwa ehandle.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Yohane 16:11

ku avanyisa ku kona, hikuva hosi ya misava leyi, yi avanyisiwile.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

1 Yohane 5:13

Ndzi mi tsalerile timhaka teto, n'wina lava pfumelaka eka vito ra N'wana wa Xikwembu, mi ta tiva leswaku mi ni vutomi lebyi nga heriki.

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

Yohane 14:30

A ndzi nga ha tshami ndzi vulavula na n'wina ngopfu hikuva hosi ya misava leyi, ya ta, kambe a yi na matimba ehenhla ka mina.

1 Yohane 5:10

La pfumelaka eka N'wana wa Xikwembu, u ni vumbhoni eka yena; la nga pfumeriki Xikwembu, u xi endla wa mavunwa; hikuva a nga pfumeri vumbhoni lebyi Xikwembu xi yimeleke N'wana wa xona ha byona.

1 Yohane 3:24

La hlayisaka ku lerisa ka xona, u tshama eka xona, na xona xi tshama eka yena; kutani ha tiva leswaku xi tshame eka hina, hi Moya lowu xi hi nyikeke wona.

Nhlavutelo 20:3

Kutani yi n'wi cukumeta ekheleni, yi n'wi pfalela kona, yi ri tiyisa hi mfungho ehenhla ka rona, leswaku a nga tshuki a hambukisa matiko ku ko ku hetiseka malembe ya khume ra madzana; endzhaku ka swona u ta fanela ku tshunxiwa hi nkarhi wu nga ri wungani.

1 Yohane 5:18

Ha swi tiva leswaku un'wana ni un'wana la tswariweke hi Xikwembu a nga dyohi; kambe la tswariweke hi Xikwembu wa tihlayisa, kutani lowo biha a nga n'wi khumbi.

2 Vakorinto 5:1

Kambe ha swi tiva leswaku siku yindlu leyi ya hina ya misava, lexi nga xintsonganyana, yi onhakaka, hi ni vuako ematilweni eka Xikwembu, yi nga yindlu leyi nga endliwangiki hi mavoko, kambe yi ri leyi nga heriki.

Varhoma 8:16

Kambe na wona Moya wu yimelana ni moya wa hina, wu tiyisa leswaku hi vana va Xikwembu.

1 Yohane 3:14

Loko hi ri hina, ha tiva leswaku hi rhurhile eku feni ku ya nghena evutomini, hikuva hi rhandza vamakwerhu. La nga rhandziki makwavo, u tshame eku feni.

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

2 Timotiya 1:12

Na swona, hikwalaho ka mhaka leyi, ndzi twisiwa ku vaviseka loku; kambe a ndzi khomiwi hi tingana hakona, hikuva ndzi tiva loyi ndzi pfumeleke eka yena, kutani ndzi tshembisisa swinene leswaku u ni matimba ya ku ndzi hlayisela leswi ndzi swi vekeke eka yena; siku leri ri ko ri humelela.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Luka 4:6

“Ndzi ta ku nyika vuhosi hinkwabyo, ni ku kwetsima ka ku fuma loku, hikuva ndzi swi nyikiwile, kambe ndzi swi nyika loyi ndzi n'wi rhandzaka.

Yohane 17:15

A ndzi ku khongeri leswaku u va susa emisaveni, kambe swi ri leswaku u va sirhelela eka leswo biha.

1 Yohane 5:15

Kutani loko hi tiva leswaku xa hi yingisa loko hi kombela yini na yini ha swi tiva, hikuva hi kumile leswi hi swi kombeleke eka xona.