1 Yohane 5:10 - Xitsonga (Bibele)

¹⁰ La pfumelaka eka N'wana wa Xikwembu, u ni vumbhoni eka yena; la nga pfumeriki Xikwembu, u xi endla wa mavunwa; hikuva a nga pfumeri vumbhoni lebyi Xikwembu xi yimeleke N'wana wa xona ha byona.

BIBELE Mahungu Lamanene

¹⁰ Loyi a pfumelaka eka N'wana wa Xikwembu, vumbhoni byi le ka yena. Loyi a nga pfumeriki Xikwembu, ú xi endlile muhembi, hikuva a nga pfumelanga vumbhoni lebyi Xikwembu xi byi humeseke ehenhla ka N'wana wa xona.

Testamente Leyimpsha Xichangana

¹⁰ Lweyi apfumelaka ka N'wana wa Xikwembu, a ni vumboni le mbilwini, lweyi angapfumeliki ka Xikwembu axiyendla muhembi, hikuva angapfumelanga vumboni lebzi Xikwembu xibzinyikeke mayelanu ni N'wana wa xona.

1 Yohane 5:10 Referans Kwoze

Varhoma 8:16

Kambe na wona Moya wu yimelana ni moya wa hina, wu tiyisa leswaku hi vana va Xikwembu.

Vagalatiya 4:6

Kutani leswi mi nga vana, Xikwembu xi rhumile etimbilwini ta n'wina, Moya wa N'wana wa xona, lowu huwelelaka: “Abba,” hileswaku “Tatana!”

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Yohane 5:38

Kutani rito ra yena a ri tshami ka n'wina, hikuva a mi pfumeri ka loyi a n'wi rhumeke.

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

1 Yohane 1:10

Loko hi vula leswaku a hi dyohanga, hi xi endla muhembi, kutani rito ra xona a ri kona eka hina.

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Nhlavutelo 2:17

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula, ndzi ta n'wi nyika manna laya fihliweke; ndzi n'wi nyika ni ribye lero basa, leri ku tsariweke eka rona, vito lerintshwa leri nga tiviwiki hi munhu, loko a nga ri loyi a ri amukelaka.’

Vakolosa 3:3

hikuva mi file, kutani vutomi bya n'wina byi fihliwile na Kriste eka Xikwembu.

Swivuriso 3:32

Hikuva munhu wo homboloka i manyala eka Yehovha, Kambe xihundla xa yena, xi na lava lulameke.

Nhlavutelo 12:17

Kutani dragona yi karihela wansati, yi suka yi ya lwa ni leswi seleke swa vana va yena, lava hlayisaka milawu ya Xikwembu, lava nga ni vumbhoni bya Yesu Kriste.

Nhlavutelo 2:28

Ndzi ta n'wi nyika ni nyeleti ya mixo.

2 Petro 1:19

Kambe, na swona, hi ni timhaka ta vaprofeta leti tiyeke hi ku tlurisa, leti mi endlaka swona loko mi ti namarhela, kukotisa rivoni leri voningaka laha ku nga ni munyama, vurhonga byi kondza byi huma, kutani nyeleti ya mixo yi tsuvukela timbilu ta n'wina.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

Ntirho 24:25

Loko swi nga ri tano, i mani la nga ndzi landzulaka, Ku vulavula ka mina ku ta endliwa swahava hi mani-ke?”

Yeremiya 15:18

Kambe ku vaviseka ka mina ku kona hilaha ku nga heriki, ni mbanga ya mina a yi ongoriwi ha yini xana? Yi alela yini ku hola? Xana eka mina u ta va xihlovo lexi kanganyisaka, kumbe mati lama phyeke xana?

Yohane 3:18

La pfumelaka eka yena, a nga avanyisiwi; kambe la nga pfumeriki, wa avanyisiwa, hikuva a nga pfumelangi vito ra N'wana wa Xikwembu la nga tswariwa a ri swakwe.

Vagalatiya 4:1

Kutani ndzi ri: Loko mudyi wa ndzhaka a ha ri ntsongo, a ku na laha a nga faniki na nandza, hambi a ri yena n'wini wa hinkwaswo;

Timhaka 8:37

Filipi a ku: “Loko u pfumela hi mbilu ya wena hinkwayo, u nga pfumeleriwa.” A hlamula, a ku: “Ndza pfumela leswaku Yesu Kriste i n'wana wa Xikwembu.”