1 Yohane 4:9 - Xitsonga (Bibele)

⁹ Rirhandzu ra Xikwembu eka hina ri vonakile hakona; hi leswi Xikwembu xi rhumeke N'wana wa xona, la nga tswariwa a ri swakwe emisaveni, leswaku hi hanya ha yena.

BIBELE Mahungu Lamanene

⁹ Rirhandzu ra Xikwembu ri tikombile eka hina hi ndlela leyi: Hileswaku Xikwembu xi rhumile N'wana la nga un'we wa xona ku ta laha misaveni, leswaku hi ta kota ku hanya hikwalaho ka yena.

Testamente Leyimpsha Xichangana

⁹ Xilesvo, rirhandzu ra Xikwembu ritikomba ka hina hi ndlela leyi: Hi lesvaku Xikwembu xirhume N'wana wa xona lweyi angapsaliwa ali yexe kuta laha misaveni, lesvaku hitakota kuhanya hikolaho ka yena.

1 Yohane 4:9 Referans Kwoze

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

1 Yohane 5:11

Kutani vumbhoni byebyo, hi lebyi nge: Xikwembu xi hi nyikile vutomi lebyi nga heriki; kutani vutomi byebyo byi le ka N'wana wa xona.

Varhoma 8:32

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Yohane 6:57

Hilaha Tatana la hanyaka a ndzi rhumeke, kutani ndzi hanya ha Tatana, na yena la ndzi dyaka u ta hanya ha mina.

1 Yohane 4:10

Laha rirhandzu ri nga rona, hi leswi ku nga riki hina lava rhandzeke Xikwembu, kambe hi xona xi hi rhandzeke, kutani xi rhumile N'wana wa xona, leswaku yi va mhamba ya swidyoho swa hina.

1 Yohane 3:16

Laha hi nga tivaka rirhandzu hakona, hi leswi Yesu a hi tshikeleke vutomi bya yena; na hina, hi fanele ku tshikela vamakwerhu vutomi bya hina.

Yohane 10:10

Khamba a ri ti ntsena, loko ku nga ri ku yiva, ni ku tlhava, ni ku lovisa, mina ndzi tile leswaku tinyimpfu ti va ni vutomi, ti byi kuma hi ntalo.

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Yohane 3:18

La pfumelaka eka yena, a nga avanyisiwi; kambe la nga pfumeriki, wa avanyisiwa, hikuva a nga pfumelangi vito ra N'wana wa Xikwembu la nga tswariwa a ri swakwe.

Vaheveru 1:5

Hikuva hi yihi exikarhi ka tintsumi Xikwembu xi yi byeleke, ni siku ni rin'we, xi ku: “N'wananga hi wena, ndzi ku velekile namuntlha.” Na kambe: “Ndzi ta va tatana eka yena, kutani yena a va n'wana eka mina.”

Yohane 8:42

Yesu a ku eka vona: “Loko ngi Xikwembu a ri tata wa n'wina, a mi ta ndzi rhandza, hikuva ndzi huma eka Xikwembu, ndzi pfa ka xona; hikuva a ndzi tanga ha mina, kambe hi xona lexi ndzi rhumeke.

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Marka 12:6

Kambe, hikuva a ha ri ni n'wana wa yena a ri swakwe la rhandziwaka, na yena, a n'wi rhuma eka vona, a ri wa makumu, a ku: ‘Va ta chava n'wananga.’

1 Yohane 4:16

Kutani na hina hi swi tivile, hi va hi pfumela rirhandzu leri Xikwembu xi hi rhandzeke ha rona. Xikwembu xi ni rirhandzu, kutani la tshamaka erirhandzwini, u tshama eka Xikwembu, na xona Xikwembu xi tshama eka yena.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 6:29

Yesu a va hlamula, a ku: “Hi wona ntirho wa Xikwembu, hileswaku mi pfumela eka loyi xi n'wi rhumeke.”

Yohane 8:29

La ndzi rhumeke u na mina. Tatana a nga ndzi tshikanga ndzi ri swanga, hikuva ndzi endla hi masiku leswi n'wi tsakisaka.”

Yohane 5:23

leswaku hinkwavo va ta chava N'wana hilaha va chavaka Tatana hakona. La nga chaviki N'wana, a nga chavi na Tatana la n'wi rhumeke.

Pisalema 2:7

Ndzi ta twarisa makungu: Yehovha u te eka mina: “U n'wananga; Ndzi ku velekile namuntlha.

Genesa 22:2

Kutani xi ku: “Teka n'wanaku, loyi a nga swakwe eka wena, loyi u n'wi rhandzaka, a nga Isaka, u ya etikweni ra Moriya, u n'wi tlhavela kona egandzelweni, entshaveni yin'wana leyi ndzi nga ta ku kombisa yona.”

Yohane 9:3

Yesu a hlamula, a ku: “A ku dyohanga yena, hambi va ri vatswari va yena, kambe hileswaku mitirho ya Xikwembu yi kombisiwa ha yena.

1 Yohane 5:13

Ndzi mi tsalerile timhaka teto, n'wina lava pfumelaka eka vito ra N'wana wa Xikwembu, mi ta tiva leswaku mi ni vutomi lebyi nga heriki.