1 Yohane 4:7 - Xitsonga (Bibele)

⁷ Varhandziwa, a hi rhandzaneni, hikuva rirhandzu ri huma eka Xikwembu kutani un'wana ni un'wana la nga ni rirhandzu, u tswariwe hi Xikwembu, na swona u tiva Xikwembu.

BIBELE Mahungu Lamanene

⁷ Varhandziwa! A hi rhandzaneni, hikuva rirhandzu i ra Xikwembu, kutani un'wana ni un'wana loyi a nga ni rirhandzu ú tswariwile hi Xikwembu, naswona ú tiva Xikwembu.

Testamente Leyimpsha Xichangana

⁷ Varhandziwa, ahirhandzaneni, hikuva rirhandzu i ra Xikwembu; hi kolaho mani na mani lweyi anga ni rirhandzu apsaliwile hi Xikwembu, nasvona ativa Xikwembu.

1 Yohane 4:7 Referans Kwoze

1 Yohane 4:20

Kungakuloko un'wana a ku: “Ndzi rhandza Xikwembu,” kasi a venga makwavo, u ni vunwa; hikuva la nga rhandziki makwavo loyi a n'wi vonaka, a nga swi tivisa ku yini ku rhandza Xikwembu lexi a nga xi voniki?

1 Yohane 4:8

La nga rhandziki, a nga tivi Xikwembu; hikuva Xikwembu i rirhandzu.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

1 Yohane 2:10

La rhandzaka makwavo u tshame eku vonakaleni, kutani ku khunguvanyisa ku hava eka yena.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

2 Timotiya 1:7

Hikuva Xikwembu a xi hi nyikangi moya wa vutoya, kambe i moya wa matimba, ni wa rirhandzu, ni wa vutlhari.

1 Yohane 4:12

A ku na munhu la tshamaka a vona Xikwembu, ni siku ni rin'we; loko hi rhandzana, Xikwembu xi tshama eka hina, kutani rirhandzu ra xona ri hetisekile eka hina.

1 Yohane 2:29

Loko mi tiva leswaku u lulamile, tivani leswaku un'wana ni un'wana la endlaka leswi lulameke, u tswariwe hi yena.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Vagalatiya 4:9

Kambe sweswi, leswi mi tivaka Xikwembu, ngopfu ndzi nga ku, leswi mi nga tiviwa hi Xikwembu, xana mi tlhelela yini etimhakeni ta khale leti nga riki na matimba, ta vusiwana, leti mi rhandzaka ku tlhela mi tiboha eka tona?

Yohane 13:34

Ndzi mi vekela nawu lowuntshwa, hileswaku mi rhandzana; kukotisa leswi ndzi mi rhandzeke, rhandzanani, na n'wina.

1 Vakorinto 8:3

Kambe loko munhu a rhandza Xikwembu, u tiviwa hi xona.

1 Yohane 2:3

Kutani laha hi tivaka leswaku ha n'wi tiva, hi loko hi hlayisa milawu ya yena.

1 Yohane 2:4

La nge: “Ndza n'wi tiva,” kasi a nga hlayisi milawu ya yena wa hemba, kutani ntiyiso a wu kona eka yena.

1 Yohane 2:7

Vamakwerhu, a ndzi mi tsaleri ku lerisa lokuntshwa, kambe i ku lerisa ka khale loku ngi mi ri na kona eku sunguleni; ku lerisa kuloko ka khale i rito leri mi ri tweke.

1 Yohane 3:9

Un'wana ni un'wana la tswariweke hi Xikwembu a nga tshami a dyoha, hikuva mbewu ya Xikwembu yi tshamile eka yena; kutani a nga swi koti ku dyoha, hikuva a tswariwe hi Xikwembu.

1 Yohane 4:11

Varhandziwa, loko Xikwembu xi hi rhandzile swonghasi, na hina, hi fanele ku rhandzana.

1 Yohane 4:16

Kutani na hina hi swi tivile, hi va hi pfumela rirhandzu leri Xikwembu xi hi rhandzeke ha rona. Xikwembu xi ni rirhandzu, kutani la tshamaka erirhandzwini, u tshama eka Xikwembu, na xona Xikwembu xi tshama eka yena.

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

2 Yohane 1:5

Kutani sweswi, wena Kiria, ndza ku khongela, swi nga ri leswaku ndzi ku tsalela ku lerisa lokuntshwa, kambe hi loku ngi mi ri na kona ka ha ri eku sunguleni, hileswaku hi rhandzana.