1 Yohane 3:21 - Xitsonga (Bibele)

²¹ Varhandziwa, loko timbilu ta hina ti nga hi avanyisi, hi ni ku tshemba loku tiyeke eka Xikwembu.

BIBELE Mahungu Lamanene

²¹ Varhandziwa, loko ripfalo ra hina ri nga hi avanyisi, hi ni ku tshemba emahlweni ka Xikwembu.

Testamente Leyimpsha Xichangana

²¹ Varhandziwa, loko timbilu ta hina tingahiyavanyisi, hi ni kutshembeka loku kutiyeke ka Xikwembu.

1 Yohane 3:21 Referans Kwoze

1 Yohane 2:28

Kutani sweswi, vana, tshamani eka yena, leswaku siku a humelelaka, hi ta va ni ku tshemba loku tiyeke, hi nga tshuki hi khomiwa hi tingana emahlweni ka yena, eku humeleleni ka yena.

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

1 Yohane 5:14

Kutani ku tshemba loku tiyeke loku hi nga na kona ka xona, hileswaku, loko hi kombela lexi rhandziwaka hi xona, xa hi yingisa.

Pisalema 101:2

Ndzi ta famba endleleni leyo hlawuleka, U ta ta rini eka mina xana? Ndzi ta famba hi mbilu leyi lulameke endlwini ya mina.

1 Yohane 4:17

Laha rirhandzu ri hetisekeke hakona eka hina leswaku hi va ni ku tshemba loku tiyeke hi siku ra ku avanyisa, hileswaku lexi xi nga xona, na hina hi va xona emisaveni leyi.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Ntirho 22:26

Hikuva hi kona u nga ta kuma ku tsaka eka Lowa matimba hinkwawo. U ta yimisa mombo wa wena eka Xikwembu.

1 Vakorinto 4:4

Hikuva a ndzi tivoni nandzu wa nchumu; hambiswiritano, a ndzi vekiwanga la lulameke hakona, kambe la ndzi avanyisaka i Hosi.

Ntirho 27:6

Ndzi tikhomelela hi ku lulama ka mina, ndzi nga ka ndzi nga ku tshiki, Mbilu ya mina a yi avanyisi ni siku ni rin'we ra ku hanya ka mina.

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

Varhoma 14:22

Wena, loko u ri ni ku pfumela, u va na kona embilwini ya wena emahlweni ka Xikwembu. Ku katekile munhu loyi ripfalo ra yena ri nga n'wi avanyisiki eswilweni leswi a swi yimelaka!

Vaefesa 3:12

yeloyi hi pfumeleriweke ha yena ku tshinelela Xikwembu hi ku tshemba, hi ku pfumela eka yena.

1 Yohane 2:7

Vamakwerhu, a ndzi mi tsaleri ku lerisa lokuntshwa, kambe i ku lerisa ka khale loku ngi mi ri na kona eku sunguleni; ku lerisa kuloko ka khale i rito leri mi ri tweke.

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

1 Yohane 3:20

Hikuva loko timbilu ta hina ti hi avanyisa Xikwembu i xikulu eka timbilu ta hina, kambe xi tiva hinkwaswo.