1 Yohane 3:16 - Xitsonga (Bibele)

¹⁶ Laha hi nga tivaka rirhandzu hakona, hi leswi Yesu a hi tshikeleke vutomi bya yena; na hina, hi fanele ku tshikela vamakwerhu vutomi bya hina.

BIBELE Mahungu Lamanene

¹⁶ Hi nga tiva leswi rirhandzu ri nga swona loko hi tiva Kriste, loyi a nyiketeke vutomi bya yena hikwalaho ka hina. Kutani na hina swa hi fanela ku nyiketa vutomi bya hina hikwalaho ka vamakwerhu.

Testamente Leyimpsha Xichangana

¹⁶ Hitiva rirhandzu lesvi ringa svona loko hitiva yena lweyi anyiketeke vutomi bza yena hikolaho ka hina. Xilesvo na hina hifanela kunyiketa vutomi bza hina ka vamakwerhu.

1 Yohane 3:16 Referans Kwoze

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Yohane 13:34

Ndzi mi vekela nawu lowuntshwa, hileswaku mi rhandzana; kukotisa leswi ndzi mi rhandzeke, rhandzanani, na n'wina.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Varhoma 5:8

Kambe Xikwembu xi kombisile ngopfu rirhandzu ra xona eka hina, hileswaku loko ha ha ri vadyohi, Kriste u hi ferile.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Matewu 20:28

hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Vaefesa 5:25

N'wina, vavanuna, rhandzani vasati va n'wina, kukotisa leswi Kriste, na yena, a nga rhandza Kereke, kutani u tinyikete rifu hikwalaho ka yona,

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Varhoma 16:4

hikuva va nyikete tinhloko ta vona ku ndzi ponisa; kambe a hi mina ntsena loyi a va khensaka, kambe na tona tikereke hinkwato ta vamatiko.

1 Yohane 2:6

La vulaka leswaku u tshame eka yena, u fanele ku famba hi mukhuva lowu na yena a fambeke ha wona.

Yohane 10:15

Hi mukhuva lowu Tatana a ndzi tivaka, na mina, ndzi tiva Tatana; kutani ndzi nyiketa tinyimpfu vutomi bya mina.

Vafilipiya 2:17

Swi nga tsandza ni loko ndzi endliwa mhamba hikwalaho ka ku gandzela ka n'wina, ni ku tirhela ku pfumela ka n'wina, kona ndzi nga tsaka, ndzi va ndzi tsakisisa na n'wina hinkwenu.

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

1 Petro 1:18

Ma swi tiva leswaku mi kutsuriwile emikhuveni ya n'wina ya swahava, leyi mi yi dyondzisiweke hi vatata wa n'wina,

Vafilipiya 2:30

hikuva u tshinelele rifu hikwalaho ka ntirho wa Kriste, u tshikile vutomi bya yena, a ta hetisa mitirho leyi mi tsandzekeke ku ndzi endlela yona.

Yohane 10:11

“Hi mina murisi lonene. Murisi lonene u nyiketa tinyimpfu ta yena vutomi bya yena.

1 Vatesalonika 2:8

hi mukhuva wolowo wa ku mi rhandza ngopfu, hi anakanyile leswaku hi nga ka hi nga mi nyiki Evhangeli ya Xikwembu ntsena, kambe hi nga mi nyika ni vutomi bya hina, hikuva mi ri varhandziwa va hina swinene.

1 Yohane 2:9

La vulaka leswaku u le ku vonakaleni, kasi a ri karhi a venga makwavo, wa ha ri emunyameni, ni sweswi.

2 Vakorinto 4:12

kutani sweswi, rifu ri tirha eka hina, kambe vutomi byi tirha eka n'wina.