1 Yohane 3:15 - Xitsonga (Bibele)

¹⁵ Un'wana ni un'wana la vengaka makwavo i mudlayi; kambe ma swi tiva leswaku a ku na mudlayi loyi vutomi lebyi nga heriki byi tshamaka eka yena.

BIBELE Mahungu Lamanene

¹⁵ Un'wana ni un'wana loyi a vengaka makwavo i mudlayi, kutani ma swi tiva leswaku ku hava mudlayi loyi vutomi lebyi nga heriki byi tshamaka eka yena.

Testamente Leyimpsha Xichangana

¹⁵ Mani na mani lweyi ahambulaka makwavu i mudlayi. N'wina masvitiva lesvaku aku na mudlayi lweyi vutomi lebzingaheliki bzitshamaka ka yena.

1 Yohane 3:15 Referans Kwoze

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Yohane 8:44

N'wina mi huma eka tata wa n'wina a nga Diyavulosi, kutani mi rhandza ku endla ku navela ka tata wa n'wina. A a ri mudlayi ni le ku sunguleni, a nga tshamanga entiyisweni, hikuva a ku na ku tshembeka eka yena. Loko a vulavula mavunwa, a tisungulela swa yena, hikuva i muhembi ni tata wa mavunwa.

Timhaka 23:14

Kutani va ya eka vaprista lavakulu ni ka vakulukumba, va ku: “Hi hlambanyile hi ku tiyisa leswaku hi nga ka hi nga dyi nchumu hi nga si dlaya Pawulo.

Yakobo 1:15

Kutani ku navela, loko ku xurhile, ku tswala xidyoho, kutani xidyoho, loko xi hetisekile, xi tswala rifu.

Timhaka 23:12

Kuteloko byi xile, Vayuda van'wana va endla ximhuku, va tiboha hi ku hlambanya, va ku va nga ka va nga dyi, va nga n'wi, va nga si dlaya Pawulo.

Yohane 4:14

Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Marka 6:19

Herodiya a a venga Yohane hakona, a rhandza ku n'wi dlaya, kambe a a tsandzeka,

Matewu 5:28

Kambe mina ndzi ri eka n'wina: Munhu, hambi a nga va mani na mani, la langutaka wansati ku n'wi navela, u n'wi oswile embilwini ya yena.

Genesa 27:41

Kutani Esawu a venga Yakobo hikwalaho ka ku katekisiwa loku tata wa yena a nga n'wi katekisa hakona. Esawu a ku embilwini ya yena: “Masiku ya nkosi wa tatana ma kusuhi, kutani ndzi ta dlaya Yakobo, makwerhu.”

1 Petro 1:23

mi va lava tswariweke ra vumbirhi, ku nga ri hi mbewu leyi bolaka, kambe ku ri hi leyi nga boriki, hi rito leri hanyaka ra Xikwembu, leri tshamaka hi masiku.

Duteronoma 19:11

“Kungakuloko munhu la vengaka warikwavo, a n'wi khunguvanyisa, kutani a balekela emutini wun'wana wa leyi,

1 Yohane 2:9

La vulaka leswaku u le ku vonakaleni, kasi a ri karhi a venga makwavo, wa ha ri emunyameni, ni sweswi.

1 Yohane 2:11

Kambe la vengaka makwavo u le munyameni, na swona u famba emunyameni, kutani a nga tivi laha a yaka kona, hikuva munyama wu dlele mahlo ya yena.