1 Yohane 3:10 - Xitsonga (Bibele)

¹⁰ Hikwalaho ku vonakalaka lava nga vana va Xikwembu, ni lava nga vana va Diyavulosi. Un'wana ni un'wana la nga endliki swo lulama, a hi wa Xikwembu, kukotisa loyi a nga rhandziki makwavo.

BIBELE Mahungu Lamanene

¹⁰ Ku hambana exikarhi ka vana va Xikwembu ni vana va Diyavulosi, ku nga vonaka hi ndlela leyi: Hileswaku un'wana ni un'wana loyi a nga endliki leswo lulama, kumbe loyi a nga rhandziki makwavo, a hi wa Xikwembu.

Testamente Leyimpsha Xichangana

¹⁰ Hikolaho, kuvonekaka lava vanga vana va Xikwembu ni lava vanga vana va Diyavulosi: Mani na mani lweyi angayendliki lesvinene, lweyi angarhandziki makwavu ahi wa Xikwembu.

1 Yohane 3:10 Referans Kwoze

1 Yohane 4:8

La nga rhandziki, a nga tivi Xikwembu; hikuva Xikwembu i rirhandzu.

3 Yohane 1:11

Murhandziwa, u nga etisi swo biha, kambe u etisa leswinene. La endlaka swinene, i wa Xikwembu, kambe la endlaka swo biha, a nga vonanga Xikwembu.

1 Yohane 4:21

Kutani ku lerisa loku hi ku nyikiweke hi xona, hileswaku: “La rhandzaka Xikwembu, u rhandza ni makwavo.”

Yohane 8:44

N'wina mi huma eka tata wa n'wina a nga Diyavulosi, kutani mi rhandza ku endla ku navela ka tata wa n'wina. A a ri mudlayi ni le ku sunguleni, a nga tshamanga entiyisweni, hikuva a ku na ku tshembeka eka yena. Loko a vulavula mavunwa, a tisungulela swa yena, hikuva i muhembi ni tata wa mavunwa.

Matewu 13:38

“La byaleke mbewu leyinene, i N'wana wa Munhu; nsimu, i misava; mbewu leyinene, i vana va ku fuma; mfava i vana va lowo biha.

Yohane 8:47

Loyi a nga wa Xikwembu u yingisa marito ya Xikwembu; n'wina, a mi yingisi, hikuva a mi va Xikwembu.”

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

1 Yohane 4:6

Hina hi va Xikwembu; la tivaka Xikwembu wa hi yingisa; la nga riki wa Xikwembu a nga hi yingisi; hikwalaho hi tivaka moya lowu nga wa ntiyiso, ni moya lowu nga wa mavunwa.

Vaefesa 5:1

Hikwalaho-ke, mi va vaetisi va Xikwembu, kukotisa vana lava rhandziwaka,

1 Yohane 5:2

Laha hi tivaka leswaku hi rhandza vana va Xikwembu, hi loko hi rhandza Xikwembu, ni loko hi hlayisa ku lerisa ka xona.

1 Yohane 2:29

Loko mi tiva leswaku u lulamile, tivani leswaku un'wana ni un'wana la endlaka leswi lulameke, u tswariwe hi yena.

Timhaka 13:10

“Wena loyi u teleke ku xisa hinkwako, ni ku hemba hinkwako, n'wana Diyavulosi, nala wa hinkwaswo leswi lulameke, xana u ta tshika rini ku homboloxa tindlela ta Hosi leti lulameke xana?

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

2 SAMIELE 13:22

Kambe Abixalomu a a nga vulavuli na Aminoni leswo biha hambi swi ri leswo saseka;

Yohane 1:12

Kambe hinkwavo lava nga ri amukela, ri va nyikile matimba ya ku endliwa vana va Xikwembu, va nga lava pfumelaka hi vito ra rona;

Yohane 11:52

ku nga ri ku fela tiko ntsena, kambe hileswaku, a hlengeleta swin'we vana va Xikwembu lava hangalakeke.

Varhoma 13:8

Mi nga tshuki mi va ni nandzu eka munhu, loko wu nga ri wa ku rhandzana hikuva la rhandzaka van'wana, hi yena la hetiseke nawu.

Vakolosa 3:14

Kutani ehenhla ka sweswo hinkwaswo, mi funengela rirhandzu, ku nga ku boha ka ku hetiseka.

1 Timotiya 1:5

Hikuva laha ku lerisa ku kongomaka kona, i rirhandzu leri humaka embilwini leyi tengeke, ni le ripfalweni lerinene, ni le ku pfumeleni loku nga riki na ku kanganyisa.

1 Yohane 3:1

Vonani rirhandzu leronghasi leri Tatana a hi rhandzeke ha rona, loko hi vuriwa vana va Xikwembu! Loko misava yi nga hi tivi, hi leswi yi nga n'wi tivangiki.

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.