1 Yohane 3:1 - Xitsonga (Bibele)

¹ Vonani rirhandzu leronghasi leri Tatana a hi rhandzeke ha rona, loko hi vuriwa vana va Xikwembu! Loko misava yi nga hi tivi, hi leswi yi nga n'wi tivangiki.

BIBELE Mahungu Lamanene

¹ Ma nga vona rirhandzu lerikulu leri Tatana a hi rhandzaka ha rona, ku fika laha hi vuriwaka vana va Xikwembu; nisweswi, hi vona. Lexi endlaka leswaku misava yi nga hi tivi, i mhaka ya leswi yi nga n'wi tivangiki.

Testamente Leyimpsha Xichangana

¹ Vonani rirhandzu leronghasi leri Tatana ahinyikeke rona, lesvaku hivuliwa vana va Xikwembu. Hikolaho, misava ayihitivi; hikuva ayimutivanga yena.

1 Yohane 3:1 Referans Kwoze

Yohane 1:12

Kambe hinkwavo lava nga ri amukela, ri va nyikile matimba ya ku endliwa vana va Xikwembu, va nga lava pfumelaka hi vito ra rona;

Vagalatiya 3:26

hikuva hinkwenu mi vana va Xikwembu hi ku pfumela eka Yesu Kriste.

2 Vakorinto 6:18

Ndzi ta va tata wa n'wina, mi va vana va mina va xinuna ni va xisati, ku vurisa sweswo Hosi ya matimba hinkwawo.

Yohane 17:25

Tatana la lulameke, misava a yi ku tivanga, kambe mina ndzi ku tivile; na vona lava, va swi tivile leswaku u ndzi rhumile.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Nhlavutelo 21:7

Loyi a nga ta hlula, u ta dya ndzhaka ya swoleswo; ndzi ta va Xikwembu xa yena, yena a va n'wananga.

Varhoma 5:8

Kambe Xikwembu xi kombisile ngopfu rirhandzu ra xona eka hina, hileswaku loko ha ha ri vadyohi, Kriste u hi ferile.

Vagalatiya 3:29

Kutani loko mi ri va Kriste, hilaha mi nga rixaka ra Abrahama, mi ri vadyandzhaka, hilaha ku tshembisiweke hakona.

Varhoma 8:32

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Yohane 16:3

Va ta mi endla hinkwaswo leswi, hikuva a va tivi Tatana na mina.

Vakolosa 3:3

hikuva mi file, kutani vutomi bya n'wina byi fihliwile na Kriste eka Xikwembu.

2 SAMIELE 7:19

Ntsena a yi ri mhaka leyitsongo emahlweni ka wena, Hosi Xikwembu, kambe u vurile ni mhaka ya yindlu ya nandza wa wena ya nkarhi lowu nga ekule emahlweni; kambe mhaka leyi, oho Hosi Yehovha, xana i nawu wa vanhu xana?

Varhoma 8:21

na swona, leswi vumbiweke swi tshembile leswaku swi ta tshunxiwa evukhumbini bya ku onhaka, swi ta va eku tshunxekeni loku kwetsimaka ka vana va Xikwembu.

Yeremiya 3:19

Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

Pisalema 31:19

Ku kurile swonghasi ku kateka ka wena. Loku ku vekelaka lava ku chavaka, Loku u tirhaka hakona emahlweni ka vana va vanhu, Ni ku pfuna lava chavelaka eka wena.

Hosiya 1:10

“Kambe vunyingi bya vana va Israele byi ta kotisa sava ra lwandle leri nga ringanisiwiki, ni loko ku ri ku hlayiwa; kutaku exivandleni lexo va nga byeriwa ka xona, leswaku ‘a mi vana va mina’, hi kona ku nga vuriwa leswaku: ‘Mi vana va Xikwembu lexi hanyaka.’

Duteronoma 14:1

“Mi vana va Yehovha, Xikwembu xa n'wina: Mi nga tshuki mi titlhavela tinhlanga emirini, kambe mi nga tshuki mi byewula misisi emahlweni hikwalaho ka mufi.

Luka 20:36

hikuva va nga ka va nga ha fi, hikuva va ta fuma ni tintsumi, va va vana va Xikwembu, hi leswi va nga vana va ku pfuka.

Yohane 11:52

ku nga ri ku fela tiko ntsena, kambe hileswaku, a hlengeleta swin'we vana va Xikwembu lava hangalakeke.

Yohane 15:21

Kambe va ta mi endla hinkwaswo leswi, hikwalaho ka vito ra mina, hikuva a va tivi la ndzi rhumeke.

Varhoma 8:19

Hikuva leswi vumbiweke hinkwaswo swi langutela ku kombisiwa ka vana va Xikwembu hi ku navela lokukulu.

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

1 Yohane 3:10

Hikwalaho ku vonakalaka lava nga vana va Xikwembu, ni lava nga vana va Diyavulosi. Un'wana ni un'wana la nga endliki swo lulama, a hi wa Xikwembu, kukotisa loyi a nga rhandziki makwavo.

1 Yohane 4:17

Laha rirhandzu ri hetisekeke hakona eka hina leswaku hi va ni ku tshemba loku tiyeke hi siku ra ku avanyisa, hileswaku lexi xi nga xona, na hina hi va xona emisaveni leyi.