1 Yohane 2:7 - Xitsonga (Bibele)

⁷ Vamakwerhu, a ndzi mi tsaleri ku lerisa lokuntshwa, kambe i ku lerisa ka khale loku ngi mi ri na kona eku sunguleni; ku lerisa kuloko ka khale i rito leri mi ri tweke.

BIBELE Mahungu Lamanene

⁷ Varhandziwa: A ndzi mi tsaleri nawu lowuntshwa, kambe nawu lowa khale, lowu mi nga va na wona ku sukela eku sunguleni; nawu wa khale hi ro rito reri mi ri tweke.

Testamente Leyimpsha Xichangana

⁷ Varhandziwa: Animitsaleli Nawu lowumpsha, kambe Nawu wa khale lowu mingava na wona kusukela kusunguleni; Nawu wa khale i rito leri kusukela kusunguleni miritweke.

1 Yohane 2:7 Referans Kwoze

Levhitika 19:18

“ ‘U nga tshuki u tirihisela, u nga tshami u va ni rivengo ni vana va tiko ra wena; u ta rhandza warikwenu kukotisa loko u tirhandza: hi mina Yehovha.

1 Yohane 3:11

Hikuva mhaka leyi mi yi tweke ka ha ri eku sunguleni, hileswaku hi rhandzana;

1 Yohane 3:23

Kutani ku lerisa ka xona hileswaku hi pfumela vito ra N'wana wa xona Yesu Kriste, ni leswaku hi rhandzana hilaha xi hi leriseke hakona.

Duteronoma 6:5

“U ta rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, ni matimba hinkwawo ya wena.

Levhitika 19:34

Muluveri, la luvelaka exikarhi ka n'wina u ta va eka n'wina kukotisa un'wana wa n'wina; u ta n'wi rhandza kukotisa loko u tirhandza; hikuva a mi ri valuveri etikweni ra Egipta; hi mina Yehovha, Xikwembu xa n'wina.

1 Yohane 2:24

Loko mi ri n'wina, lexi mi xi tweke ka ha ri eku sunguleni, a xi tshame eka n'wina, na n'wina mi ta tshama eka N'wana ni le ka Tatana.

Matewu 5:43

“Mi swi twile leswaku ku vuriwile va te: ‘Rhandza warikwenu u venga la nga nala eka wena.’

Timhaka 17:19

Kutani va n'wi khoma, va n'wi yisa ehubyeni ya Areyopago, va ku: “Xana hi nga tiva dyondzo leyintshwa leyi u yi vulaka xana?

Yohane 13:34

Ndzi mi vekela nawu lowuntshwa, hileswaku mi rhandzana; kukotisa leswi ndzi mi rhandzeke, rhandzanani, na n'wina.

Vaheveru 6:9

Kambe, loko mi ri n'wina, vamakwerhu, hambi hi vulavula sweswo, hi tshemba leswi tlulaka swoleswo hi ku saseka, leswi pfunaka ku hlayiseka ka n'wina.

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

1 Yohane 3:21

Varhandziwa, loko timbilu ta hina ti nga hi avanyisi, hi ni ku tshemba loku tiyeke eka Xikwembu.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

1 Yohane 4:7

Varhandziwa, a hi rhandzaneni, hikuva rirhandzu ri huma eka Xikwembu kutani un'wana ni un'wana la nga ni rirhandzu, u tswariwe hi Xikwembu, na swona u tiva Xikwembu.

1 Yohane 4:11

Varhandziwa, loko Xikwembu xi hi rhandzile swonghasi, na hina, hi fanele ku rhandzana.

1 Yohane 4:21

Kutani ku lerisa loku hi ku nyikiweke hi xona, hileswaku: “La rhandzaka Xikwembu, u rhandza ni makwavo.”