1 Yohane 2:18 - Xitsonga (Bibele)

¹⁸ Vana, i nkarhi wa makumu kutani kukota leswi mi swi tweke leswaku Antikriste u ta ta, ni sweswi va Antikriste lavo tala va kona; hikwalaho hi tivaka leswaku i nkarhi wa makumu.

BIBELE Mahungu Lamanene

¹⁸ N'wina vana, nkarhi wa makumu wu fikile, kutani kukotisa leswi mi tweke leswaku Nala wa Kriste wa ta, sweswi Valala va Kriste lavo tala va humelerile; hikokwalaho, ha tiva leswaku i nkarhi wa makumu.

Testamente Leyimpsha Xichangana

¹⁸ Vananga, lowu hi wona nkarhi wa makumu, tani hi loko misvitwile lesvaku Antikriste wata, ni svosvi valala va Kriste lavotala vahumelelile; xilesvo hitiva lesvaku i nkarhi wa makumu.

1 Yohane 2:18 Referans Kwoze

1 Yohane 4:3

Kambe moya wun'wana ni wun'wana lowo nga vuriki leswaku Yesu Kriste u tile enyameni a hi wa Xikwembu; hi wona moya wa Antikriste, loyi mi n'wi twaka leswaku wa ta, kambe, ni sweswi, wu kona emisaveni.

2 Yohane 1:7

Hikuva vaxisi lavo tala va tile emisaveni, lava landzulaka leswaku Yesu Kriste u tile hi nyama; la vulaka sweswo, hi yena muxisi ni Antikriste.

1 Yohane 2:22

Wa mavunwa i mani, loko a nga ri la landzulaka leswaku Yesu i Kriste. La nga Antikriste hi loyi a landzulaka Tatana ni N'wana.

Matewu 24:24

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

Matewu 24:5

Hikuva lavo tala va ta ta hi vito ra mina, va ku: ‘Hi mina Kriste’; kutani va ta hambukisa lavo tala.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Marka 13:6

Hikuva lavo tala va ta ta hi vito ra mina, un'wana ni un'wana a ku: ‘Hi mina Kriste’ kambe va ta hambukisa lavo tala.

2 Petro 2:1

Na vona vafundhisi va mavunwa a va ri kona etikweni, kukotisa leswi vafundhisi va mavunwa va nga ta va kona exikarhi ka n'wina va nghenisa hitlhelo tidyondzo leti onhaka, kutani hi ku landzula Hosi leyi va kutsuleke, va ta tikokela ehenhla ka vona, ku lota loku nga hlweriki.

Matewu 24:11

Ku ta humelela vaprofeta lavo tala va mavunwa va ta hambukisa lavo tala.

Yuda 1:18

hilaha va mi byeleke leswaku, “enkarhini wa makumu, vahleki va ta va kona lava nga ta famba hi ku navela ka vona, va nga chavi Xikwembu.”

2 Petro 3:3

mi va mi rhanga hi ku tiva mhaka leyi, leswaku hi mikarhi ya makumu, vasori va ta ta hi ku vungunya, va famba hi ku navela ka vona,

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

1 Petro 1:20

loyi a nga tiviwa hi Xikwembu misava yi nga si tumbuluka, kutani a kombisiwa hi mikarhi ya ku hela hikwalaho ka n'wina,

1 Petro 1:5

hina hi laveleriwaka hi matimba ya Xikwembu, hi ku pfumela, leswaku hi ta nyikiwa ku hlayiseka loku lunghiseriweke ku humelela enkarhini wa makumu.

Yohane 21:5

Kutani Yesu a ku eka vona: “Vana, xana a mi na swakudya xana?” Va n'wi hlamula, va ku: “E-e.”

Varhoma 13:11

A hi tiyiseleni kona, hikuva ha tiva mikarhi leswaku hi wona nkarhi wa ku pfuka evurhongweni; hikuva loko ku ri namuntlha, ku hlayiseka ku kusuhi ku tlula siku hi pfumeleke.

Varhoma 13:12

Vusiku byi hundzile, dyambu ri tshinele; a hi cukumeteni hakona mitirho ya munyama, kutani hi hakarha matlhari ya ku vonakala.

1 Petro 4:7

Kambe ku hela ka hinkwaswo ku kusuhi; tlharihani hakona, mi hiteka eku khongeleni.