1 Yohane 2:10 - Xitsonga (Bibele)

¹⁰ La rhandzaka makwavo u tshame eku vonakaleni, kutani ku khunguvanyisa ku hava eka yena.

BIBELE Mahungu Lamanene

¹⁰ Loyi a rhandzaka makwavo, ú tshame eku vonakaleni, kutani kona ku hava xilo lexi khunguvanyisaka.

Testamente Leyimpsha Xichangana

¹⁰ Lweyi arhandzaka makwavu a le kuvonakaleni, ka yena aku na kukhunguvanyeka.

1 Yohane 2:10 Referans Kwoze

1 Yohane 3:14

Loko hi ri hina, ha tiva leswaku hi rhurhile eku feni ku ya nghena evutomini, hikuva hi rhandza vamakwerhu. La nga rhandziki makwavo, u tshame eku feni.

Varhoma 14:13

Loko swi ri tano, a hi tshikeni ku avanyisana, kambe avanyisani leswaku mi nga vekeri vamakwenu xikhunguvanyiso ni ribye leri wisaka.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

2 Petro 1:10

Hikwalaho, vamakwerhu, chivirikani ngopfungopfu ku tiyisa ku vitiwa ni ku hlawuriwa ka n'wina; hikuva loko mi endlisa sweswo, mi nga ka mi nga khunguvanyeki ni siku ni rin'we.

Yohane 8:31

Kutani Yesu a ku eka Vayuda lava pfumeleke eka yena: “Kungakuloko mi tiyisela eritweni ra mina, mi ta va vadyondzisiwa va mina kunene;

Matewu 18:7

“Yi ni khombo misava hikwalaho ka ku khunguvanyisa; hikuva ku khunguvanyisa ku fanele ku va kona kambe u ni khombo munhu loyi ku khunguvanyeka ku humelelaka ha yena.

Matewu 13:21

kambe a nga na timitsu endzeni ka yena; wa tiya nkarhinyana ntsena, kutani loko makhombo kumbe ku xanisa swi humelela hikwalaho ka rito, a hatlisa a khunguvanyeka.

Vafilipiya 1:10

mi ta tiva ku tsundzuka timhaka leti tlurisaka hi ku saseka; mi ri karhi mi tenga, mi nga tshuki mi khunguvanyeka, ku ko ku fika siku ra Kriste;

Pisalema 119:165

Lava rhandzaka nawu wa wena va ni ku rhula lokukulu, A ku na ku khunguvanyisa eka vona.

Yohane 11:9

Yesu a hlamula, a ku: “Xana mikarhi ya siku rin'we a hi khume na mambirhi xana? Loko munhu a famba ninhlekanhi, a nga ka a nga khunguvanyeki, hikuva u vona ku vonakala ka misava leyi;

Yohane 12:35

Kutani Yesu a ku eka vona: “Ma ha ri ni ku vonakala hi nkarhi wu nga ri wungani; Fambani loko ma ha ri ni ku vonakala, leswaku munyama wu nga ti mi kuma; hikuva la fambaka emunyameni, a nga tivi laha a yaka kona.

1 Yohane 2:11

Kambe la vengaka makwavo u le munyameni, na swona u famba emunyameni, kutani a nga tivi laha a yaka kona, hikuva munyama wu dlele mahlo ya yena.