1 Vakorinto 9:12 - Xitsonga (Bibele)

¹² Kutani loko van'wana swi va lulamela ku endlisa sweswo eka n'wina, xana ngopfungopfu a hi hina xana? Kasi a hi endlanga hi mfanelo yoleyo; kambe hi yingisela hinkwaswo hi nga ti tshuka hi sivela Evhangeli ya Kriste ha nchumu.

BIBELE Mahungu Lamanene

¹² Loko vanhu van'wana va kuma tifanelo eka n'wina, xana hina a hi na ku ti kuma ku tlula vona ke? Hambiswiritano, a hi tirhisanga tifanelo leti. Hi swi amukerile hinkwaswo, leswaku hi nga ti tshuka hi hingakanya ndlela ya Mahungu Lamanene ya Kriste.

Testamente Leyimpsha Xichangana

¹² Loko vanhu van'wana vakuma timfanelo ka n'wina, xana hina ahi na kutikuma kutlula vona ke? Hambi svilitano, ahitirhisanga timfanelo leti. Hisviyamukelile hinkwasvu, lesvaku hingatshuka hihingakanya ndlela ya Evhangeli ya Kriste.

1 Vakorinto 9:12 Referans Kwoze

2 Vakorinto 11:12

Kambe leswi ndzi swi endlaka, ndzi ta engeta ndzi swi endla, leswaku loko va ri lava lavaka nkarhi, ndzi va pfumarisa wona, leswaku emhakeni leyi va tidzunisaka ha yena, va kumiwa va ri lava fanaka na hina.

1 Vakorinto 9:18

Xana hakelo ya mina hi yihi-ke? Hi leyi: Loko ndzi vikela vanhu Evhangeli, ndzi ta va vikela hi mukhuva lowu nga tikiki, leswaku ndzi nga ti tshuka ndzi tipfuna hi mfanelo ya mina, leyi ndzi nga na yona eEvhangelini.

1 Vakorinto 9:15

Kambe, loko ndzi ri mina a ndzi tipfunanga hi xin'wana xa sweswo; kutani, hambi ndzi tsala timhaka teto, a hileswaku vanhu va ta ndzi endlisa sweswo; hikuva, loko swi ri leswaku munhu a endla ku dzunisa kuloku ka mina swahava, ndzi nga tihlawulela ku fa.

1 Vakorinto 9:2

Kambe, hambi ndzi nga ri muapostola eka van'wana eka n'wina, ndzi yena, hikuva hi n'wina mi nga mfungho wa vuapostola bya mina eHosini.

2 Vakorinto 11:20

Swi nga tsandza ni loko munhu a mi fuma, ni loko a mi dya, ni loko a mi tekela, ni loko munhu a mi phakata, ma n'wi yingisela.

2 Vakorinto 6:3

A hi khunguvanyisi vanhu ni switsongo, leswaku ntirho wa hina wu nga tshuki wu sandziwa,

1 Vakorinto 6:7

Kasi i nandzu swinene ka n'wina, loko mi ri ni mitengo exikarhi ka n'wina. Xana a swi antswi eka n'wina ku xanisiwa kutsongo? Xana a swi antswi eka n'wina ku dyeleriwa kutsongo?

Varhoma 15:22

Hi yona mhaka leyi yi ndzi siveleke hakanyingi ku ta mi endzela.

Timhaka 18:3

Kutani Pawulo a ya eka vona. Kambe leswi ngi a ri wa ntirho wun'we ni wa vona, a tshama na vona a ri karhi a tirha; hikuva ntirho wa vona a wu ri wa ku rhunga matende.

Luka 11:52

“Mi ni khombo n'wina vadyondzisi va nawu, hikuva mi tekile mpfungura wa tidyondzo, kutani a mi nghenanga, kambe mi sivela lava nghenaka.”

Nehemiya 4:8

Va pfumelelana hinkwavo ku kanela makungu ya ku hlasela Yerusalema, ni ku wu onha.

Genesa 24:56

Yena a ku eka vona: “Mi nga ndzi hlweriseni, leswi Yehovha a katekiseke pfhumba ra mina ndzi tlheriseni, ndzi muka eka n'wini wa mina.”

1 Vakorinto 9:14

Hikwalaho, Hosi yi lerisile leswaku lava vulaka Evhangeli, va ta hanya hi Evhangeli.

1 Vakorinto 9:16

Hikuva hambi ndzi vula Evhangeli, kwalaho a ndzi na lexi ndzi nga tidzunisaka ha xona, hikuva nawu wu kona lowu ndzi boheke; kutani ku ni khombo eka mina loko ndzi nga vuri Evhangeli!

1 Vakorinto 13:7

ri yingisela hinkwaswo, ri pfumela hinkwaswo, ri tshemba hinkwaswo, ri rhwala hinkwaswo.

2 Vakorinto 2:12

Kambe siku ndzi fikeke eTrowasi ku vula Evhangeli ya Kriste, hambi ndzi pfuleriwile nyangwa kona hi Hosi,