1 Vakorinto 8:9 - Xitsonga (Bibele)

⁹ Kambe tivoneleni leswaku ku tshunxeka ka n'wina ku nga wisi ehansi lava tsaneke.

BIBELE Mahungu Lamanene

⁹ Kambe tivoneleni leswaku ku ntshunxeka ka n'wina loku, ku nga hundzuki xikhunguvanyiso eka lava tsaneke.

Testamente Leyimpsha Xichangana

⁹ Kambe tivoneleni lesvaku vutshunxeki bza n'wina lebzi, bzingahundzuki xikhunguvanyiso ka lava vanga ni gome.

1 Vakorinto 8:9 Referans Kwoze

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

1 Petro 2:16

mi nga lava tshunxiweke, kambe ku tshunxeka ka n'wina ku nga tshuki ku va xisirhelelo xa ku endla swo biha, kambe mi va makhumbi ya Xikwembu.

2 Petro 2:19

Va va tshembisa ku tshunxeka, kasi vona i makhumbi ya ku bola, hikuva munhu u hundzuka khumbi ra loyi a nga hluriwa hi yena.

1 Vakorinto 10:24

Ku nga tshuki ku va ni munhu la lavaka leswi n'wi fanelaka a ri swakwe, kambe a nga lava leswi fanelaka van'wana.

1 Vakorinto 10:32

Mi nga tshuki mi khunguvanyisa Vagriki, hambi va ri Vayuda, hambi yi ri Kereke ya Xikwembu:

1 Vakorinto 9:22

Eka lava tsaneke, ndzi tiendle la tsaneke leswaku ndzi nghenisa lava tsaneke; ndzi tiendle hinkwaswo eka hinkwavo, leswaku ndzi ponisa van'wana hi leswo hinkwaswo.

1 Vakorinto 8:12

Kutani loko mi dyohela vamakwenu hi sweswo, mi tlhava ripfalo ra lava tsaneke, mi dyohela na yena Kriste.

1 Vakorinto 8:10

Hikuva loko un'wana a ku vona wena la nga ni ku tiva, u tshamisile u dya etempeleni ya swifaniso, xana ripfalo ra la tsaneke ri nga ka ri nga ti tiyisiwi ku dya swilo leswi tlhaveriweke swifaniso xana?

Nhlavutelo 2:14

Kambe ndzi ni timhaka ti nga ri tingani ehenhla ka wena: Kwalaho, u ni lava khomeke dyondzo ya Balaama, a nga dyondzisa Balaka ku veka xikhunguvanyiso emahlweni ka vana va Israele, va ta dya leswi nga tlhaveriwa swifaniso swa swikwembu, ni ku endla vuoswi;

2 Vakorinto 11:21

Ndzi vurisa sweswo hi tingana, kukotisa loko ngi hi tsanile; kambe hinkwaswo leswi munhu a nga chaviki ku swi vula (ndzi vula sweswo hi vuhunguki), na mina a ndzi nga chavi ku swi vula.

1 Vakorinto 10:29

Kambe loko ndzi vula ripfalo, a hi ra wena, kambe i ra un'wana; hikuva ku tshunxeka ka mina ku nga avanyisiwa hi ku yini hi ripfalo ra un'wana xana?

Varhoma 15:1

Kutani hina va matimba, hi fanele ku rhwala ku hluleka ka lava tsaneke, kambe hi nga tshuki hi lava leswi tsakisaka hina ntsena.

Ezekiele 14:3

“N'wana wa munhu, vanhu valavo va namarhele swikwembu swa vona hi timbilu ta vona, va vekile emahlweni ka vona ribye ra ku khunguvanyisa, leri va dyohisaka. Xana ndzi ta va yingisa-ke?

Esaya 57:14

Va ta ku: “Boxani, boxani, lunghisani ndlela, Susani xikhunguvanyiso xihi ni xihi endleleni ya tiko ra mina!

Esaya 35:3

Nyikani mavoko lama tsaneke matimba, mi va mi tiyisa matsolo lama rhekarhekaka!

Levhitika 19:14

“ ‘U nga tshuki u rhuketela la feke tindleve, u nga tshuki u veketela emahlweni ka lowo fa mahlo xilo lexi nga n'wi khunguvanyisaka; u ta chava Xikwembu xa wena: hi mina Yehovha.

Matewu 18:10

“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

Ezekiele 44:12

Leswi va ri tirheleke emahlweni ka swikwembu swa rona swa tingana, va khunguvanyisa yindlu ya Israele eku hombolokeni; hikwalaho ndzi nga va yimisela voko ra mina ra xinene, ku vula Hosi Yehovha, ndzi hlambanya, ndzi ku: Va ta rhwala ku homboloka ka vona.

1 Vakorinto 10:28

Kambe loko munhu a mi byela, a ku: “leswi, swi tlhaveriwe swifaniso,” mi nga tshuki mi dya hikwalaho ka loyi a mi tsundzuxeke, ni hikwalaho ka ripfalo; hikuva misava i ya Hosi, ni ku tala ka yona.

2 Vakorinto 6:3

A hi khunguvanyisi vanhu ni switsongo, leswaku ntirho wa hina wu nga tshuki wu sandziwa,

2 Vakorinto 11:29

Un'wana loko a tsanile, na mina a ndzi tsananga xana? Un'wana loko a khunguvanyeka, a hileswaku na mina ndzi tshwile xana?

Vakolosa 2:8

Tilanguteleni leswaku munhu a nga tshuki a mi koka hi filosofi ni mavunwa ya swahava, hi ku landzelela mikhuva ya vanhu ni timhaka to rhanga ta misava, ku nga ri ha Kriste.