1 Vakorinto 8:1 - Xitsonga (Bibele)

¹ Loko swi ri swilo leswi tlhaveriweke swifaniso, ha swi tiva leswaku hinkwerhu hi ni ku tiva. Kambe ku tiva ku ni ku tikukumuxa, kasi rirhandzu ra akisa.

BIBELE Mahungu Lamanene

¹ Hi mhaka ya swakudya leswi humeseriwaka swikwembu swa hava, hi tala ku vula leswaku hi ni vutivi hinkwerhu. Kambe vutivi byo tano byi nyika munhu ku tikurisa, kasi rirhandzu ra aka.

Testamente Leyimpsha Xichangana

¹ Hi mhaka ya svakuja lesvihumeseliwaka svikwembu sva hava, hitala kuvula lesvaku hi ni vutivi hinkwerhu. Kambe vutivi bzotano bzinyika munhu kutikulisa, kasi rirhandzu rayaka.

1 Vakorinto 8:1 Referans Kwoze

1 Vakorinto 8:7

Kambe ku tisa a ku kona eka hinkwavo, hikuva van'wana, ni sweswi, va ha dya leswi tlhaveriweke swifaniso, va ri ni ripfalo, hikuva va ringanisa leswaku swifaniso swi ni mhaka, kutani ripfalo ra vona leri tsaneke ri ni thyaka kwalaho.

Varhoma 14:3

La dyaka hinkwaswo a nga tshuki a sola la nga dyiki hinkwaswo, kutani la nga dyiki hinkwaswo, na yena, a nga tshuki a avanyisa la dyaka hinkwaswo, hikuva Xikwembu xi n'wi amukele.

Esaya 5:21

Va ni khombo lava tiendlaka lavo tlhariha emahlweni ya vona lava titshembaka emiehleketweni ya vona!

Nhlavutelo 2:14

Kambe ndzi ni timhaka ti nga ri tingani ehenhla ka wena: Kwalaho, u ni lava khomeke dyondzo ya Balaama, a nga dyondzisa Balaka ku veka xikhunguvanyiso emahlweni ka vana va Israele, va ta dya leswi nga tlhaveriwa swifaniso swa swikwembu, ni ku endla vuoswi;

1 Vakorinto 8:4

Loko ku ri ku dya leswi tlhaveriweke swifaniso, ha swi tiva leswaku xifaniso a hi nchumu emisaveni, hikuva a ku na xikwembu ximbe loko xi nga ri xin'we ntsena.

1 Vakorinto 8:2

Loko munhu a ringanisa leswaku u tiva nchumu, a nga si wu tiva hilaha a faneleke ku tiva hakona.

Varhoma 15:14

Loko ndzi ri mina, vamakwerhu, ndza tshemba leswaku na n'wina mi tele vunene, ni leswaku mi tele ku tiva hinkwako; mi tiva ni ku tsundzuxana.

Vaefesa 4:16

yeloyi miri hinkwawo wa yena lowu hlanganeke swinene, ni ku tiyisana swinene hi ku hlangana ka swirho swa wona, wu kuma ku kula hi matimba lama enetaka xirho xin'wana ni xin'wana, leswaku wu akiwa erirhandzwini.

1 Vakorinto 15:34

Pfukani, mi hanya hi ku lulama, mi nga tshuki mi dyoha, hikuva van'wana a va na ku tiva ka Xikwembu; ndzi vula sweswo ku mi khomisa tingana.

Timhaka 15:29

ku nga ku chava leswi tlhaveriweke swifaniso, ni ngati, ni leswi feke hi xihluku, ni vuoswi; loko mi titsona swilo leswi, mi ta va mi endle swinene. “Salani hi ku tsaka!”

Esaya 47:10

A wu tshemba mona wa wena, u ku: “A ndzi voniwi hi munhu!” Vutlhari ni vutivi bya wena a byi ku xisa, u te embilwini ya wena: “Mina, mina ntsena!”

Tinhlayo 25:2

Va vitana tiko emagandzelweni ya swikwembu swa vona, kutani tiko ri dya, ri khinsama emahlweni ka swikwembu swa vona.

1 Vakorinto 10:28

Kambe loko munhu a mi byela, a ku: “leswi, swi tlhaveriwe swifaniso,” mi nga tshuki mi dya hikwalaho ka loyi a mi tsundzuxeke, ni hikwalaho ka ripfalo; hikuva misava i ya Hosi, ni ku tala ka yona.

Timhaka 21:25

Loko va ri vamatiko lava pfumeleke, hi va tsalele loko hi avanyisile leswaku va nga tshuki va bohiwa hi leswo tano, ntsena va chava leswi nga tlhaveriwa swifaniso, ni ngati, ni leswi nga dlawa hi xihluku, ni vuoswi.”

Timhaka 15:10

Kutani sweswi, mi ringela yini Xikwembu loko mi veka enhan'wini ya vadyondzisiwa mpingu lowu vatata wa hina, hambi hi ri hina, hi hlulekeke ku wu rhwala xana?

Nhlavutelo 2:20

Kambe ndzi ni mhaka ehenhla ka wena: U pfumelela Yezabele, nsati loyi a tivulaka muprofeta, ku dyondzisa ni ku hambukisa malandza ya mina, leswaku va endla vuoswi, va dya ni leswi nga tlhaveriwa swifaniso swa swikwembu.

Vakolosa 2:18

Munhu a nga tshuki a mi tekela hakelo hi ku rhandza ka yena, wo nge a swi endla hi ku titsongahata ni ku gandzela tintsumi; a tinghenisa eka leswi a nga swi vonangiki, hi ku tikurisela swahava hi ku anakanya ka nyama ya yena;

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

1 Vakorinto 5:6

A mi na mfanelo ya ku tidzunisa. Xana a mi swi tivi leswaku comelanyana xi kukumuxa mbila hinkwayo xana?

1 Vakorinto 5:2

Kasi mi tikurisile! Kasi a mi rilanga, leswaku ku susiwa exikarhi ka n'wina loyi a endleke sweswo!

1 Vakorinto 4:18

Kutani van'wana eka n'wina va tikurisile kukota loko ndzi nga ha ti ta eka n'wina; kasi ndzi ta ta hi ku hatlisa, loko Hosi yi swi rhandza;

1 Vakorinto 4:10

Hina, hi swihunguki hikwalaho ka Kriste; kambe n'wina mi tlharihile eka Kriste, hina ha tsana, n'wina mi ni matimba; n'wina mi ni ku twala, kambe hina ha soriwa.

1 Vakorinto 1:5

hikuva mi nyikiwe hi yena swilo hinkwaswo, eku vulavuleni hinkwako ka marito, ni le ku tiveni hinkwako,

Varhoma 14:22

Wena, loko u ri ni ku pfumela, u va na kona embilwini ya wena emahlweni ka Xikwembu. Ku katekile munhu loyi ripfalo ra yena ri nga n'wi avanyisiki eswilweni leswi a swi yimelaka!

Varhoma 14:14

Ndza swi tiva, ndzi va ndzi kholwa ha Hosi Yesu, leswaku a ku na xilo lexi nyameke hi xiviri xa xona; kambe kungakuloko munhu a anakanya leswaku xilo xin'wana xi nyamile, xi nyamele yena.

Varhoma 14:10

Kambe wena u avanyisela yini makwenu? Kumbe wena u solela yini makwenu? Kasi hinkwerhu hi ta yima eku avanyisiweni ka Xikwembu.

Varhoma 12:16

Mi namarhelana kun'we hi mbilu yin'we; mi nga tshuki mi navela leswi tlakukeke, kambe xaxamelani ni lava titsongahataka; mi nga tivoni lavo tlhariha.

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Varhoma 14:19

A hi laveni hikwalaho timhaka leti humesaka ku rhula, ni leti hi nga akisanaka kun'we ha tona.

1 Vakorinto 4:6

Kambe, vamakwerhu, ndzi fanisa timhaka teto ha mina na Apolosi hikwalaho ka n'wina, hi kona mi nga ta dyondza ha hina leswaku mi nga tshuki mi ehleketa hi mukhuva lowu tlurisaka laha ku tsariweke, leswaku ku nga tshuki ku va na un'we exikarhi ka n'wina la tikurisaka eka un'wana, ku yimela un'wana.

1 Vakorinto 10:15

Ndzi vulavula na n'wina kukotisa vanhu lava nga ni ku anakanya; avanyisani, n'wina vini, leswi ndzi swi vulaka.