1 Vakorinto 7:5 - Xitsonga (Bibele)

⁵ Mi nga tshuki mi tsonana, loko ku nga ri hi ku pfumelelana, hi nkarhi wun'wana, loko mi rhandza ku titsona swakudya ni ku khongela, kutani ndzhaku, mi tlhela mi hlangana, Satana a nga ti tshuka a mi ringa hi ku navela ka n'wina loku mi hlulaka.

BIBELE Mahungu Lamanene

⁵ Mi nga tshuki mi alelana, ehandle ka loko kumbexana mi nga alelana nkarhinyana, ku ri hi ku twanana, loko mi lava ku tinyiketa eku khongeleni kutani endzhaku mi tlhela mi vuyelelana. Sathana a nga tshuki a mi ringa hikwalaho ka ku tsandzeka ka n'wina ku tikhoma.

Testamente Leyimpsha Xichangana

⁵ Mingatshukeni miyalelana, kungava loko kuli hi kupfumelelana, kumbexana mingayalelana nkamanyana, kuli hi kutwanana, loko milava kutinyiketa kukhongeleni kutani ndzhaku mitlhela mivuyelelana. Sathana angatshuki amiringa hikolaho ka kutsandzeka ka n'wina kutikhoma.

1 Vakorinto 7:5 Referans Kwoze

Eksoda 19:15

Muxe a ku ta tiko: “Tilunghiseleni siku ra vunharhu; mi nga tshuki mi vundzamana ni vavasati.”

Yuwele 2:16

Hlengeletani tiko mi endla nhlengeleto leyi hlawuriweke! Rhambani swikoxa, rhambani ni swihlangi, hambi swi ri leswi an'waka emaveleni! Loyi a ha ku tekaka nsati a a hume endlwini ya yena ni loyi a ha ku tekiwaka a hume ekamareni ya yena.

Matewu 19:11

Kambe a ku eka vona: “A hi hinkwavo lava nga ni ku twisisa ka mhaka yoleyo, kambe hi vona ntsena lava nyikiweke vona.

1 Vatesalonika 3:5

Ndzi ri, hikwalaho ka ku hluriwa hi ku navela, ndzi rhumile Timotiya, a ta tiva timhaka ta ku pfumela ka n'wina; hi ku chava leswaku kumbe muringi u mi ringile, kutani mitirho ya hina yi hundzuke swahava.

Matewu 4:10

Kambe Yesu a ku eka yena: “Suka Satana hikuva ku tsariwile va ku: ‘U ta khinsamela Hosi, Xikwembu xa wena u tirhela xona ntsena.’ ”

Zakariya 7:3

ni ku vutisa vaprista va yindlu ya Yehovha wa tinyimpi ni vaprofeta, leswaku: “Xana ndza ha ta rila ni ku titsona swakudya hi n'hweti ya vuntlhanu tanihi leswi ndzi swi endleke hi malembe layo nghasi?”

Eksoda 21:10

Loko a teke nsati un'wana, a nga tshuki a hunguta nchumu eka swakudya, ni tinguvu, ni le ka timfanelo ta vukati.

1 Vakorinto 7:4

Miri wa nsati a wu le ku fumeni ka yena, kambe wu le ku fumeni ka nuna; ni miri wanuna a wu le ku fumeni ka yena, kambe wu le ku fumeni ka nsati wa yena.

Matewu 17:21

Kambe rixaka leri ra mademona, a ri humi loko ku nga ri hi ku khongela, ni ku titsona swakudya.”