1 Vakorinto 7:12 - Xitsonga (Bibele)

¹² Kambe loko va ri van'wana, ndza va byela ndzi ri mina, yi nga ri Hosi, ndzi ri: Loko un'wana makwerhu a ri ni nsati la nga pfumeriki, a nga tshuki a n'wi tshika, loko wansati a rhandza ku tshama na yena;

BIBELE Mahungu Lamanene

¹² Loko va ri lavan'wana, mina — ku nga ri Hosi — ndzi ri: Loko makwerhu un'wana eHosini a ri ni nsati la nga riki mupfumeri, kutani loko nsati loyi a nkhensa ku ya emahlweni a hanya na yena, nuna wa kona a nga n'wi tshiki;

Testamente Leyimpsha Xichangana

¹² Loko vali lavan'wana, mina kungali Hosi nili: Loko mun'we ka vamakwerhu Hosini ali ni nsati lweyi angaliki mupfumeli, kutani loko nsati lweyi apfumela kuya mahlweni ahanya na yena, nuna wakona angamutshiki;

1 Vakorinto 7:12 Referans Kwoze

2 Vakorinto 11:17

Lexi ndzi nga tidzunisaka ha xona, a ndzi xi vuri hi mukhuva wa Hosi, kambe ndzi vurisa leswo ngi ndzi hungukile.

1 Vakorinto 7:6

Ndzi vula sweswo hi ku mi twela vusiwana, ku nga ri hi ku lerisa;

1 Vakorinto 7:25

Loko yi ri mhaka ya vanhwana, kona, a ndzi na nawu wa Hosi, ntsena ndzi vula mhaka hilaha ndzi nga munhu la tsetseleriweke hi Hosi leswaku ndzi tshembiwa.

1 Vakorinto 7:11

Ni loko a n'wi tshikile, a a titshamele a nga tekiwi, kumbe a vuyelana ni nuna wa yena; na yena wanuna, a nga tshuki a tshika nsati wa yena.

1 Vakorinto 7:13

kambe wansati la nga ni nuna la nga pfumeriki, loko a pfumela ku tshama na yena, a nga tshuki a n'wi tshika.

1 Vakorinto 7:27

Loko u tibohile eka wansati, u nga tshuki u lava ku tshunxeka. Loko u nga tibohanga eka wansati, u nga tshuki u lava nsati.