1 Vakorinto 7:11 - Xitsonga (Bibele)

¹¹ Ni loko a n'wi tshikile, a a titshamele a nga tekiwi, kumbe a vuyelana ni nuna wa yena; na yena wanuna, a nga tshuki a tshika nsati wa yena.

BIBELE Mahungu Lamanene

¹¹ Hambiswiritano loko a tshuka a hambanile ni nuna, a a tshamise sweswo a nga ha tekiwi, kumbe a a tlhele a vuyelelana ni nuna wa yena; nuna na yena a nga tshuki a tshika nsati.

Testamente Leyimpsha Xichangana

¹¹ Hambi svilitano loko atshuka ahambana ni nuna, aatshamise svosvo angahatekiwi, kumbe aatlhele avuyelelana ni nuna wa yena; nuna na yena angatshuki atshika nsati.

1 Vakorinto 7:11 Referans Kwoze

Yeremiya 3:1

Va te: “Kungakuloko wanuna, a tshika nsati wa yena, kutani nsati yeloyi a suka eka yena, a ya tekiwa hi nuna un'wana, xana nuna wa yena a nga tlhela a n'wi teka xana? Tiko leri ri nga ka ri nga nyamisiwi hi ku endla sweswo-ke? Loko u ri wena, u tinyiketile vuoswi ni swigangu leswo tala xana u ta tlhelela eka mina-ke?” ku vula Yehovha.

1 Vakorinto 7:10

Loko va ri lava tekaneke, ndza va lerisa, ndzi nga ri mina, kambe i Hosi, ndzi ri: Wansati a nga tshuki a tshika nuna wa yena.

Esaya 50:1

Yehovha u vula a ku: “Ri kwihi papila ra ku tshika mana wa n'wina leri ndzi n'wi tshikeke ha rona xana? Kumbe ndzi mi xavisele mani wa lava ndzi nga va ni nandzu eka vona? Vonani, mi xavisiwile hikwalaho ka swidyoho swa n'wina, mana wa n'wina u hlongoriwile hikwalaho ka swivi swa n'wina!

Duteronoma 22:19

Kambe leswi a lumbeteke wanhwana wa Israele hi xilo lexo biha, va ta n'wi rihisa hi tixikele ta dzana ta silivhere, va ti nyika tata wa wansati loyi; kutani u ta va nsati wa yena hi masiku hinkwawo ya yena, a nga ka a nga n'wi hlongoli.

Marka 10:2

Kutani Vafarisi va ta eka yena, va n'wi vutisa hi ku n'wi ringa, va ku: “Xana wanuna a nga pfumeleriwa ku tshika nsati wa yena-ke?”

Matewu 5:32

Kambe mina ndzi ri eka n'wina: Munhu, hambi a ri mani na mani, la tshikaka nsati wa yena, loko ku nga ri hi mhaka ya vuoswi, a n'wi endla leswaku a hundzuka muoswi; kutani un'wana ni un'wana la tekaka loyi a tshikiweke, u ni vuoswi.

Marka 10:12

Ni wansati, loko a tshika nuna wa yena, kutani a tekiwa hi un'wana, wa oswa.”

Luka 16:18

“Un'wana ni un'wana la tshikaka nsati wa yena, a teka un'wana, wa oswa; kutani la tekaka la tshikiweke hi nuna wa yena, wa oswa.

1 Vakorinto 7:12

Kambe loko va ri van'wana, ndza va byela ndzi ri mina, yi nga ri Hosi, ndzi ri: Loko un'wana makwerhu a ri ni nsati la nga pfumeriki, a nga tshuki a n'wi tshika, loko wansati a rhandza ku tshama na yena;