1 Vakorinto 7:10 - Xitsonga (Bibele)

¹⁰ Loko va ri lava tekaneke, ndza va lerisa, ndzi nga ri mina, kambe i Hosi, ndzi ri: Wansati a nga tshuki a tshika nuna wa yena.

BIBELE Mahungu Lamanene

¹⁰ Kambe lava tekaneke, ndza va lerisa — ndzi nga ku, va lerisiwa hi Hosi, ku nga ri hi mina — ndzi ri, nsati a nga tshuki a hambana ni nuna.

Testamente Leyimpsha Xichangana

¹⁰ Kambe lavatekaneke, na valerisa, kungali mina, kambe yili Hosi, nili: Nsati angatshuki ahambana ni nuna.

1 Vakorinto 7:10 Referans Kwoze

Matewu 5:32

Kambe mina ndzi ri eka n'wina: Munhu, hambi a ri mani na mani, la tshikaka nsati wa yena, loko ku nga ri hi mhaka ya vuoswi, a n'wi endla leswaku a hundzuka muoswi; kutani un'wana ni un'wana la tekaka loyi a tshikiweke, u ni vuoswi.

Luka 16:18

“Un'wana ni un'wana la tshikaka nsati wa yena, a teka un'wana, wa oswa; kutani la tekaka la tshikiweke hi nuna wa yena, wa oswa.

1 Vakorinto 7:15

Kambe la nga pfumeriki, loko a tshika la pfumeleke, u fanele ku n'wi tshika; loko swi ri tano makwerhu wa wanuna, kumbe wa wansati, a nga ka a nga bohiwi. Kambe Xikwembu xi hi vitanele ku rhuleni.

Yeremiya 3:20

Kambe kukotisa wansati la dyelelaka nakulobye hi ririmi, mi ndzi dyelele hi mukhuva wolowo, n'wina va yindlu ya Israele, ku vula Yehovha.’ ”

1 Vakorinto 7:12

Kambe loko va ri van'wana, ndza va byela ndzi ri mina, yi nga ri Hosi, ndzi ri: Loko un'wana makwerhu a ri ni nsati la nga pfumeriki, a nga tshuki a n'wi tshika, loko wansati a rhandza ku tshama na yena;

1 Vakorinto 7:25

Loko yi ri mhaka ya vanhwana, kona, a ndzi na nawu wa Hosi, ntsena ndzi vula mhaka hilaha ndzi nga munhu la tsetseleriweke hi Hosi leswaku ndzi tshembiwa.

1 Vakorinto 7:6

Ndzi vula sweswo hi ku mi twela vusiwana, ku nga ri hi ku lerisa;

1 Vakorinto 7:40

Hambiswiritano, hi nomu wa mina, ndzi ri: Loko a titshamela ntsena, a nga tsaka ku tlurisa. Kambe ndzi ringanisa leswaku na mina ndzi ni Moya wa Xikwembu.

Marka 10:2

Kutani Vafarisi va ta eka yena, va n'wi vutisa hi ku n'wi ringa, va ku: “Xana wanuna a nga pfumeleriwa ku tshika nsati wa yena-ke?”

1 Vakorinto 7:11

Ni loko a n'wi tshikile, a a titshamele a nga tekiwi, kumbe a vuyelana ni nuna wa yena; na yena wanuna, a nga tshuki a tshika nsati wa yena.