1 Vakorinto 5:3 - Xitsonga (Bibele)

³ Loko ndzi ri mina, hambi ndzi nga ri kona hi miri, kambe leswi ndzi nga kona exikarhi ka n'wina hi moya, ndzi avanyisile munhu la endleke mhaka leyo tano, kukotisa loko ngi ndzi ri kona.

BIBELE Mahungu Lamanene

³ Loko a ri mina, hambiloko hi miri ndzi ri kule na n'wina, hi moya ndzi kona; kutani ndzi ve ndzi n'wi avanyisa munhu loyi a endleke mhaka leyo chavisa leyi, wonge hi loko ndzi ri kona.

Testamente Leyimpsha Xichangana

³ Loko ali mina, hambilesvi hi xiviri ninga kule na n'wina, hi moya nikona; kutani nive ni kuyavanyisa munhu lweyi ayendleke mhaka leyochavisa leyi, kufana ni loko nili kona koseyo.

1 Vakorinto 5:3 Referans Kwoze

Vakolosa 2:5

Hikuva hambi ndzi nga ri kona hi nyama, hi moya, ndzi na n'wina; kutani ndzi tsakile loko ndzi vona ku lulama ka n'wina, ni ku tiya ka ku pfumela ka n'wina eka Kriste.

1 Vatesalonika 2:17

Loko hi ri hina vamakwerhu, hi avene na n'wina nkarhinyana, hi mombo ku nga ri hi mbilu, hi naverile ngopfu ku ta vona mombo wa n'wina hi ku navela lokukulu.

2 Vakorinto 13:2

A ndzi tshama ndzi mi byela eku sunguleni, ni sweswi ndza ha mi byela ra vumbirhi, ndzi ku: Kukota leswi ndzi tshamaka ndzi endla eka n'wina loko ndzi ri kona, kambe sweswi a ndzi nga ri kona, ndzi tsalela lava dyoheke eku sunguleni, ni van'wana hinkwavo, leswaku, loko ndzi tlhela ndzi ta, ndzi nga ka ndzi nga ha tsetseleri munhu,

2 Vakorinto 10:11

La vulaka sweswo a nga anakanya leswaku, lexi hi nga xona hi marito etiepistoleni ta hina, loko hi nga ri kona, ha ha ri xona emitirhweni, siku hi nga kona.

2 Vakorinto 10:1

Loko ndzi ri mina, Pawulo, ndza mi khongotela hi vunene ni tintswalo ta Kriste, ndzi nga yena yeloyi va nge ndza titsongahata loko ndzi ri exikarhi ka n'wina; kambe loko ndzi nga ri kona, ndzi mi endlela hi matimba;

1 Vakorinto 5:12

Hikuva ndzi ni mhaka yihi ku avanyisa lava nga ehandle? Xana n'wina a mi va avanyisi ha yini lava nga endzeni?