1 Vakorinto 5:10 - Xitsonga (Bibele)

¹⁰ a hileswaku mi avanele makumu ni swipombolo swa misava leyi, kumbe ni lava navelaka rifuwo, ni makhamba, ni lava gandzelaka swifaniso, hikuva loko ngi swi ri tano, a mi ta fanela ku huma emisaveni.

BIBELE Mahungu Lamanene

¹⁰ a ndzi nga vuli nikutsongo ku hambana ni vanhu va misava leyi lava nga vaoswi, kumbe lava nga ni makwanga, kumbe vaxisi, kumbe lava gandzelaka swikwembu swa hava; e-e, hikuva loko mi endla sweswo, a swi ta vula leswaku mi rhurha emisaveni leyi.

Testamente Leyimpsha Xichangana

¹⁰ aningavuli nikutsongo kuhambana ni vanhu va misava leyi lavanga vawosvi, kumbe lavanga ni makwanga, kumbe vayivi, kumbe lavagandzelaka svikwembu sva hava; ihim, hikuva loko miyendla svosvo, asvitahlaya lesvaku mirhurha misaveni leyi.

1 Vakorinto 5:10 Referans Kwoze

1 Vakorinto 10:27

Loko un'wana wa lava nga pfumeriki a mi rhamba eswakudyeni, kutani mi rhandza ku ya, dyanani hinkwaswo leswi vekiwaka emahlweni ka n'wina, mi nga vutisi nchumu hikwalaho ka ripfalo.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

1 Yohane 4:5

Vona i va misava; hikwalaho va vulavulaka hi swa misava; kutani misava ya va yingisa.

Vafilipiya 2:15

leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

Vaefesa 2:2

leswi khale mi nga famba ka swona, hi maendlelo ya misava leyi, loko ma ha fumiwa hi hosi leyi fumaka matimba ya mimpfhuka, wu nga moya lowu tirhaka sweswi, eka vanhu lava tiarisaka;

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

1 Vakorinto 1:20

U kwihi ntlhari xana? U kwihi mutsari xana? Mukaneti wa mikarhi leyi u kwihi-ke? Xana Xikwembu a xi endlanga vutlhari bya misava leyi vuhunguki xana?

Yohane 8:23

A ku eka vona: “N'wina, mi va la hansi; mina, ndzi wa le henhla; n'wina, mi va misava leyi; mina, a ndzi wa misava leyi.

1 Yohane 4:7

Varhandziwa, a hi rhandzaneni, hikuva rirhandzu ri huma eka Xikwembu kutani un'wana ni un'wana la nga ni rirhandzu, u tswariwe hi Xikwembu, na swona u tiva Xikwembu.

Yohane 17:9

Ndza va khongelela; a ndzi khongeleri misava, kambe ndzi khongelela lava u ndzi nyikeke vona, hikuva i va wena.

Yohane 17:6

“Vito ra wena ndzi ri tivisile vanhu lava u ndzi nyikeke vona emisaveni; a va ri va wena, kutani u ndzi nyikile vona, kutani va hlayisile rito ra wena.

Yohane 15:19

Loko ngi mi ri va misava, ingi misava yi rhandzile swa yona; kambe leswi mi nga riki va misava kambe leswi ndzi mi hlawuleke emisaveni, hikwalaho, misava ya mi venga.

Luka 18:11

Mufarisi a a yimile hitlhelo rin'wana a khongerisa sweswo, a ku: ‘Xikwembu, ndza ku khensa hikuva a ndzi fani na vanhu van'wana, va nga makhamba ni swidyohi ni vaoswi, ku kota munhu loyi wa muluvisi.

1 Vakorinto 5:9

Ndzi mi tsalele e-epistoleni ya mina leswaku mi nga tshuki mi tolovelana ni swipombolo;

1 Vakorinto 5:11

Kambe sweswi, ndzi mi tsalela leswaku mi nga tshuki mi tolovelana ni la tivulaka makwenu, kambe a ri muoswi, kumbe la navelaka rifuwo, ni loko a ri la gandzelaka swikwembu swahava, ni loko a ri mulumbeti, kumbe mupyopyi, kumbe khamba; mi nga tshuki mi dya ni lowo tano.