1 Vakorinto 4:6 - Xitsonga (Bibele)

⁶ Kambe, vamakwerhu, ndzi fanisa timhaka teto ha mina na Apolosi hikwalaho ka n'wina, hi kona mi nga ta dyondza ha hina leswaku mi nga tshuki mi ehleketa hi mukhuva lowu tlurisaka laha ku tsariweke, leswaku ku nga tshuki ku va na un'we exikarhi ka n'wina la tikurisaka eka un'wana, ku yimela un'wana.

BIBELE Mahungu Lamanene

⁶ Hikwalaho ka n'wina, vamakwerhu eHosini, leswi hinkwaswo ndzi swi tekile swi ri leswi kongomaka mina na Apolosi leswaku hi va swikombiso, mi ta dyondza leswi marito lawa ya vulaka swona lama nge: “U nga tluri leswi tsariweke.” Nakona ku nga vi na un'we wa n'wina la tikurisaka hi ku tsakela un'wana a sandza un'wanyana.

Testamente Leyimpsha Xichangana

⁶ Hikolaho ka n'wina, vamakwerhu Hosini, lesvi hinkwasvu nisvitekile svili lesvikongomaka mina na Apolosi lesvaku hiva svikombiso, mitajondza lesvi marito lawa mahlayaka svona lawa mange: “Ungatluli lesvitsaliweke.” Nakona kungavi na mun'we wa n'wina lweyi atikulisaka hi kutsakela mun'we anyenya mun'wana.

1 Vakorinto 4:6 Referans Kwoze

2 Vakorinto 11:4

Hikuva loko ku fika un'wana eka n'wina, a mi dyondzisa Yesu un'wana, a nga ri loyi hi mi dyondziseke yena, ni Moya wumbe, wu nga ri lowu mi wu amukeleke, ni Evhangeli yimbe, yi nga ri leyi mi yi amukeleke, a mi ta swi yingisa swinene.

2 Vakorinto 12:19

Xana, ni sweswi, mi ri, ha ha ri karhi ha tilandzula eka n'wina xana? E-e; hi vulavula emahlweni ka Xikwembu hi le ka Kriste; kutani hinkwaswo leswo, varhandziwa, hi mi lavela ku akisana ha swona.

2 Vakorinto 12:6

Kasi loko ndzi rhandza ku tidzunisa, ndzi nga ka ndzi nga endli hi vuhunguki, hikuva leswi ndzi swi vulaka hi leswi tiyeke; kambe leswo ndza swi tshika leswaku munhu a nga tshuki a ndzi veka vukulukumba lebyi tlurisaka leswi a ndzi voneke ndzi ri na swona, hambi swi ri leswi a ndzi yingiseke ndzi vulaka swona.

Vakolosa 2:18

Munhu a nga tshuki a mi tekela hakelo hi ku rhandza ka yena, wo nge a swi endla hi ku titsongahata ni ku gandzela tintsumi; a tinghenisa eka leswi a nga swi vonangiki, hi ku tikurisela swahava hi ku anakanya ka nyama ya yena;

1 Vatesalonika 1:5

Hikuva Evhangeli ya hina a yi tangi eka n'wina hi marito ntsena, kambe yi tile hi matimba ni Moya lowo Kwetsima, ni ku khorwisa lokukulu, hi laha mi tivaka hakona mahanyelo ya hina eka rikwenu hikwalaho ka n'wina.

Varhoma 12:3

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.

2 Vakorinto 10:7

Xana mi languta nghohe xana? Kungakuloko un'wana eka n'wina a tshemba leswaku i wa Kriste, a a anakanye kambe leswaku, kukota leswi yena a nga wa Kriste, na hina hi va Kriste.

2 Vakorinto 4:15

Hikuva hinkwaswo swi endleriwe n'wina hileswaku, tintswalo, loko ti ri karhi ti andza, ti tala hi ku khensa ka lavo tala, eku dzuniseni ka Xikwembu.

1 Vakorinto 8:1

Loko swi ri swilo leswi tlhaveriweke swifaniso, ha swi tiva leswaku hinkwerhu hi ni ku tiva. Kambe ku tiva ku ni ku tikukumuxa, kasi rirhandzu ra akisa.

1 Vakorinto 5:6

A mi na mfanelo ya ku tidzunisa. Xana a mi swi tivi leswaku comelanyana xi kukumuxa mbila hinkwayo xana?

1 Vakorinto 3:19

Hikuva vutlhari bya misava leyi, i vuhunguki emahlweni, ka Xikwembu!

2 Timotiya 2:10

Hikwalaho ka swona, ndzi yingisela hinkwaswo hikwalaho ka lava hlawuriweke, leswaku na vona, va ta kuma ku hanyisiwa loku nga eka Yesu Kriste, swin'we ni ku twarisiwa loku nga heriki.

2 Vakorinto 10:15

A hi tidzunisi hi leti nga hi ringaniki, yi nga mitirho ya van'wana, kambe hi tshembile leswaku ku pfumela ka n'wina, loko ku ri karhi ku kula, hi ta hundzela emahlweni ngopfu eku averiweni loku hi lerisiweke,

2 Vakorinto 10:12

Hikuva hi chava ku tiringanisa ni ku hlambanyisa ni van'wana lava tisaselaka; kasi vona loko va tipima ha voxe, ni loko va tiringanisa ha voxe, a va endli hi ku anakanya.

1 Vakorinto 13:4

Rirhandzu ri ni ku yingisela, ri tele vunene, rirhandzu a ri na mona; rirhandzu a ri na ku tinyungubyisa; a ri tikukumuxi,

1 Vakorinto 9:23

Kambe ndzi endlisa sweswo hikwalaho ka Evhangeli, leswaku, na mina, ndzi va ni ku averiwa kona.

1 Vakorinto 5:2

Kasi mi tikurisile! Kasi a mi rilanga, leswaku ku susiwa exikarhi ka n'wina loyi a endleke sweswo!

1 Vakorinto 3:21

Loko swi ri tano, munhu a nga tshuki a tidzunisa hi vanhu, hikuva hinkwaswo i swa n'wina;

1 Vakorinto 1:31

leswaku hilaha ku tsariweke hakona: “La tidzunisaka, a a tidzunisele eHosini.”

1 Vakorinto 1:19

Hikuva ku tsariwile leswaku: “Ndzi ta herisa vutlhari bya lavo tlhariha; ndzi ta hundzula ku tiva ka vativi swahava.”

1 Vakorinto 1:12

Ndzi vula sweswo, hikuva un'wana ni un'wana eka n'wina u ri: “Mina, ndzi wa Pawulo”; “Mina, ndzi wa Apolosi”; “Mina, ndzi wa Kefasi”; “Mina-ke, ndzi wa Kriste.”

Esaya 2:22

Hikwalaho-ke, tshikani ku tshemba munhu la nga ni ku hefemula ntsena etinhompfini ta yena, hikuva munhu u pfuna yini xana?

Pisalema 146:3

Mi nga titshembeleni tihosi, Hambi va ri vana va vanhu lava hlulekaka ku ponisa,

Pisalema 8:4

Ndzi ku: “Munhu wa ku fa i yini, leswaku u n'wi anakanya? Ni n'wana wa munhu, leswaku u n'wi endzela xana?”

Timhaka 18:24

Kambe Muyuda un'wana, loyi va nge i Apolosi, la velekiweke eAleksandriya, wanuna wa matimba eku vulavuleni ni le Matsalweni, a fika eEfesa.

Timhaka 19:1

Apolosi, kakuloko a ri Korinto, Pawulo a tsemakanya matiko ya eAsiya hitlhelo ra le henhla, a ta eEfesa;

2 Vakorinto 12:20

Hikuva ndza chava leswaku, siku ndzi fikaka ndzi ta mi kuma mi nga kotisi leswi ndzi swi rhandzaka, kutani, na mina, mi ta ndzi kuma kukotisa leswi mi nga swi rhandziki; kutani, kumbexana ndzi ta kuma timholovo, ni rilondzo ni ku hambana ni mahlevo, ni ku lumbetana, ni ku dzumadzuma, ni ku tikurisa, ni madzolonga;