1 Vakorinto 3:3 - Xitsonga (Bibele)

³ Hikuva leswi mona ni ku hambana swa ha riki kona exikarhi ka n'wina, xana a mi va nyama-ke? Xana a mi yi hi mikhuva ya vanhu-ke?

BIBELE Mahungu Lamanene

³ hikuva ma ha fana ni vanhu ntsena. Hikuva, loko mavondzo ni ku holova swi ri kona exikarhi ka n'wina, xana a mi fani ni vanhu ntsena ke? Xana a mi hanyi tanihi vona ke?

Testamente Leyimpsha Xichangana

³ hikuva mahali va nyama ntsena. Hikuva, loko mavondzo ni kuholova svili kona xikarhi ka n'wina, xana amifani ni vanhu ntsena ke? Xana amihanyi kufana na vona ke?

1 Vakorinto 3:3 Referans Kwoze

Yakobo 3:16

Hikuva laha ku chivirika loko biha ni ku tengisana ku nga kona, na kona, ku va ni madzolonga, ni timhaka hinkwato leta tingana.

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Vagalatiya 5:15

Kambe, kungakuloko mi lumana ni ku dyanana, tilanguteleni leswaku mi nga hetani.

2 Vakorinto 12:20

Hikuva ndza chava leswaku, siku ndzi fikaka ndzi ta mi kuma mi nga kotisi leswi ndzi swi rhandzaka, kutani, na mina, mi ta ndzi kuma kukotisa leswi mi nga swi rhandziki; kutani, kumbexana ndzi ta kuma timholovo, ni rilondzo ni ku hambana ni mahlevo, ni ku lumbetana, ni ku dzumadzuma, ni ku tikurisa, ni madzolonga;

1 Vakorinto 11:18

Hikuva eku sunguleni, loko mi hlengeletana ekerekeni, ndzi twa leswaku ku hambana ku kona eka n'wina; kambe, tlhelo rin'wana, ndzi pfumela leswaku swi tano;

1 Vakorinto 1:11

hikuva, vamakwerhu, ndzi byeriwile hi va ka Klowe, leswaku ku kanetana ku kona exikarhi ka n'wina.

Varhoma 13:13

A hi fambeni hi mukhuva lowu fanelaka, kukota vanhu lava fambaka ninhlekanhi, ku nga ri hi mahlomi ni ku pyopyiwa, ni vuoswi, ni vumbhisa, ni timholovo, ni mona;

1 Petro 4:2

leswaku a nga ha hanyeli ku navela ka vanhu, kambe a hanyela ku rhandza ka Xikwembu, emikarhini leyi seleke ya ku hanya enyameni.

Hosiya 6:7

Kambe vona va tlule ntwanano kukotisa Adama; laha, va ndzi endlele vuntswaka.

1 Vakorinto 1:10

Kambe ndza mi khongotela, vamakwerhu, hi vito ra Hosi ya hina Yesu Kriste, ndzi ri: Vulani mhaka yi ri yin'we: Ku hambana ku nga tshuki ku va kona exikarhi ka n'wina, ntsena mi hlangana eku anakanyeni kun'we, ni le ku ehleketeni kun'we;

1 Vakorinto 3:4

Xana loko un'wana a ku: “Mina ndzi wa Pawulo,” un'wana a ku: “Mina ndzi wa Apolosi”; xana a mi va nyama xana?