1 Vakorinto 3:16 - Xitsonga (Bibele)

¹⁶ Xana a mi swi tivi leswaku mi tempele ya Xikwembu, ni leswaku Moya wa Xikwembu wu akile eka n'wina xana?

BIBELE Mahungu Lamanene

¹⁶ Xana a mi tivi leswaku mi tempele ya Xikwembu, ni leswaku Moya wa Xikwembu wu akile eka n'wina xana?

Testamente Leyimpsha Xichangana

¹⁶ Xana amisvitivi lesvaku mi tempele ya Xikwembu, ni lesvaku Moya wa Xikwembu wuyakile ka n'wina ke?

1 Vakorinto 3:16 Referans Kwoze

1 Vakorinto 6:19

Xana a mi swi tivi leswaku miri wa n'wina i tempele ya Moya lowo Kwetsima, lowu nga kona eka n'wina, lowu mi wu nyikiweke hi Xikwembu,

Ezekiele 36:27

Ndzi ta veka endzeni ka n'wina moya wa mina ndzi endla leswaku mi famba eku leriseni ka mina, mi va mi hlayisa milawu ya mina ni ku endla ha yona.

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

Varhoma 8:11

Kutani Moya wa la nga pfuxa Yesu eku feni, loko wu akile eka n'wina, la pfuxeke Kriste eku feni u ta pfuxa ni miri wa n'wina lowu faka, hi Moya lowu akeke eka n'wina.

Yohane 14:17

wu nga moya wa ntiyiso, lowu misava yi nga hluleka ku wu amukela, hikuva a yi wu voni, a yi wu tivi; kambe n'wina ma wu tiva, hikuva wu tshama na n'wina, kutani wu ta va ka n'wina.

Varhoma 8:9

Kambe n'wina, a mi hanyi enyameni, kambe mi hanya eMoyeni, loko kunene Moya wa Xikwembu wu akile eka n'wina. Kungakuloko munhu a nga ri na Moya wa Kriste, a hi wa yena.

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

2 Timotiya 1:14

U hlayisa hi Moya lowo Kwetsima lowu akeke eka hina, leswinene leswi u vekeriweke swona.

Vaheveru 3:6

kambe Kriste u tshembekile kukotisa n'wana eku fumeni ka yindlu ya yena, kutani yindlu ya yena hi hina, loko kunene hi hlayisa hi ku tiya ku ya fika emakumu, ku tshemba ka hina loku hi tidzunisaka hikwalaho ka kona, hi nga siveriwi ha nchumu.

1 Yohane 4:12

A ku na munhu la tshamaka a vona Xikwembu, ni siku ni rin'we; loko hi rhandzana, Xikwembu xi tshama eka hina, kutani rirhandzu ra xona ri hetisekile eka hina.

Varhoma 6:3

Xana a mi swi tivi leswaku hina hinkwerhu lava hi khuvuriweke eka Yesu Kriste, hi khuvuriwile erifuni ra yena xana?

1 Vakorinto 9:24

Xana a mi swi tivi leswaku loko va ri lava tsutsumaka eku siyisaneni, va tsutsuma hinkwavo, kambe ku amukela un'we hakelo? Tsutsumani hakona leswaku mi ta yi kuma.

1 Vakorinto 9:13

Xana a mi swi tivi leswaku lava tirhaka leswi kwetsimaka, va dya leswo kwetsima, ni leswaku lava tirhaka ealitarini, va dya swa alitari xana?

1 Vakorinto 6:9

Xana a mi swi tivi leswaku lavo biha va nga ka va nga dyi ndzhaka ya ku fuma ka Xikwembu xana?

1 Vakorinto 6:16

E-e, ni ku ringa! Xana a mi swi tivi leswaku la tihlanganisaka ni mbiri u tiendla miri wun'we na yona xana? Hikuva va te: “Vambirhi yi ta va nyama yin'we ntsena!”

1 Vakorinto 5:6

A mi na mfanelo ya ku tidzunisa. Xana a mi swi tivi leswaku comelanyana xi kukumuxa mbila hinkwayo xana?

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

Varhoma 6:16

Xana a mi swi tivi leswaku loko mi tiendla makhumbi ya un'wana ku n'wi yingisa, mi makhumbi ya loyi mi n'wi yingisaka, hambi ya vudyoho lebyi yisaka eku feni, hambi ya ku yingisa loku yisaka eku lulameni?

1 Vakorinto 3:9

Hikuva hi vatirhikulobye ni Xikwembu; kutani n'wina mi nsimu ya Xikwembu, mi yindlu ya Xikwembu.

1 Vakorinto 3:17

Loko munhu a onha tempele ya Xikwembu, Xikwembu xi ta n'wi onha; hikuva tempele ya Xikwembu yi kwetsimile, kutani tempele yoleyo, hi n'wina.

1 Timotiya 3:15

hambi ndzi nga hlwela, u ta tiva hilaha swi faneleke ku endliwa hakona endlwini ya Xikwembu lexi hanyaka, yi nga mhandze, ni masungulo ya ntiyiso.