1 Vakorinto 2:6 - Xitsonga (Bibele)

⁶ Kambe hi vula vutlhari exikarhi ka lava hetisekeke, byi nga riki vutlhari bya misava leyi, ni bya tihosi ta misava leyi, leti helaka;

BIBELE Mahungu Lamanene

⁶ Hambiswiritano, hi vulavula hi swa vutlhari exikarhi ka lava kuleke emoyeni, byi nga ri vutlhari bya minkarhi leyi, kumbe bya tihosi ta minkarhi leyi, hikuva va le ku herisiweni;

Testamente Leyimpsha Xichangana

⁶ Hambi svilitano, hivulavula hi sva vutlhari xikarhi ka lavakuleke moyeni, bzingali vutlhari bza minkama leyi, kumbe bza tihosi ta minkama leyi, hikuva va le kuhelisiweni;

1 Vakorinto 2:6 Referans Kwoze

Vaheveru 5:14

kambe swakudya leswi tiyeke i swa vakulukumba, va nga lava tivaka ku avanyisa leswo saseka ni leswo biha, hikuva va swi toloverile.

Yakobo 3:15

A hi byona vutlhari lebyi xikaka hi le henhla, kambe i bya misava, i bya vumunhu, ni bya mademona.

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

1 Vakorinto 2:8

byi nga lebyi tihosi ta misava leyi, hambi yi ri yin'we, yi nga byi tiviki; hikuva loko a ti byi tivile, ingi ti nga vambangi Hosi ya ku vonakala.

1 Vakorinto 1:28

kambe Xikwembu xi tihlawulele swahava emisaveni, leswi soriwaka, ni leswi nga riki kona, leswaku swi herisa leswi nga kona,

Vakolosa 4:12

Epafra, warikwenu, ni nandza wa Kriste, wa mi rungula; a karhi a mi lwela hi masiku emikhongelweni ya yena, leswaku mi va lava hetisekeke, ni lava kholwaka eku rhandzeni hinkwako ka Xikwembu.

Vaefesa 2:2

leswi khale mi nga famba ka swona, hi maendlelo ya misava leyi, loko ma ha fumiwa hi hosi leyi fumaka matimba ya mimpfhuka, wu nga moya lowu tirhaka sweswi, eka vanhu lava tiarisaka;

Matewu 5:48

Sweswo-ke, na n'wina, mi hamba mi hetiseka, kukotisa Tata wa n'wina la nga etilweni a hetisekeke.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Pisalema 33:10

Yehovha u onha makungu ya vamatiko; Wa endla mianakanyo ya matiko swahava.

Ntirho 12:21

Xi chela xisandzu ehenhla ka tihosana, Xi tshunxa vamba ra lava matimba.

Ntirho 12:19

Xi yisa vaprista ekhotsweni, Xi wisa ehansi lava matimba.

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Yakobo 3:2

hikuva hinkwerhu ha hoxa eka leswo tala; kungakuloko un'wana a nga hoxi eku vulavuleni, loyi, i munhu la hetisekeke, la tivaka ku tifuma miri hinkwawo.

2 Vakorinto 13:11

Eku heteleleni, vamakwerhu, ndzi ri: Titsakeleni, tilaveleni ku hetiseka, mi chavelelana; mi va ni ku anakanya kun'we; mi tshama hi ku rhula; kutani Xikwembu xa rirhandzu ni xa ku rhula xi ta va na n'wina.

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

1 Vakorinto 2:13

Kambe timhaka leti, a hi ti vuri hi marito lama dyondzisiwaka hi vutlhari bya vanhu, kambe hi marito lama dyondzisiwaka hi Moya lowo Kwetsima, hi ri karhi hi vula swa Moya hi marito ya moya.

1 Vakorinto 2:1

Loko ndzi ri mina, vamakwerhu, nkarhi ndzi fikeke exikarhi ka n'wina ku mi tivisa vumbhoni bya Xikwembu a ndzi fikanga hi ku vulavula loku tlakukeke, ni loko ku ri hi vutlhari.

Luka 16:8

Kutani n'wini wa yena a dzunisa mulanguteri lowo biha, hikuva a a endlile hi vutlhari. Hikuva vana va misava leyi, va tlurisa vana va ku vonakala hi vutlhari erixakeni ra vona.

Matewu 19:21

Yesu a ku eka yena: “Loko u rhandza ku va la hetisekeke, famba u ya xavisa leswi u nga na swona, u avela swisiwana kwalaho u ta va ni xuma etilweni, kutani u ta, u ndzi landza.”

Matewu 13:22

Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Esaya 40:23

Hi yena la endlaka tihosi xilo xa hava, ni vaavanyisi va misava xilo lexi nga riki xa nchumu.

Pisalema 37:37

Xiya la tengeke, u languta la lulameke; Hikuva munhu wa ku rhula u ni vatukulu;

Pisalema 146:4

Ku hefemula ka vona loko ku hela, va tlhelela entshurini; Kutani hi siku rolero makungu ya vona ma ta hela.

1 Vakorinto 3:1

Loko ndzi ri mina, vamakwerhu, ndzi hlulekile ku vulavula na n'wina kukotisa loko ingi mi ri va Moya; kambe ndzi vulavule na n'wina kukotisa loko ingi mi ri va nyama, ni swihlangi eka Kriste.

1 Vakorinto 12:8

Hikuva un'wana u nyikiwa hi Moya marito ya vutlhari; un'wana u nyikiwa marito ya ku tiva hi Moya wolowo;

2 Vakorinto 4:3

Kambe, kungakuloko Evhangeli ya hina yi fihliwile, yi fihleriwa lava lovaka,

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Vaheveru 6:1

Hikwalaho, a hi tshikeni tidyondzo ta masungulo ta rito ra Kriste, hi kongoma eku hetisekeni, hi nga tlheli hi veka kambe masungulo ya ku tshika mitirho leyi feke, ni ya ku pfumela eka Xikwembu,