1 Vakorinto 16:1 - Xitsonga (Bibele)

¹ Loko wu ri nhlengo lowu hlengeleteriwaka vakwetsimi, mi ta endla hilaha ndzi leriseke hakona etikerekeni ta Galatiya.

BIBELE Mahungu Lamanene

¹ Loko wu ri nhlengo lowu humeseriwaka vahlawuriwa va Xikwembu, na n'wina mi ta endla hilaha ndzi leriseke tikereke ta Galatiya hakona.

Testamente Leyimpsha Xichangana

¹ Loko wuli nhlengo lowuhumeseliwaka vahlawuliwa va Xikwembu, na n'wina mitayendla hilaha ni leleteke tikereke ta Galatiya hakona.

1 Vakorinto 16:1 Referans Kwoze

1 Yohane 3:17

Kambe kungakuloko munhu a ri ni swilo swa vutomi bya misava, kutani a vona makwavo a pfumala, kutani a n'wi pfalela mbilu ya yena, rirhandzu ra Xikwembu ri nga tshamisisa ku yini eka yena?

Varhoma 12:13

Pambulelani vakwetsimi loko va pfumala, mi va ni ku gingirika ku amukela vaendzi.

Vagalatiya 2:10

ntsena va hi khongoterile leswaku hi tsundzuka swisiwana, kutani leswo, ndzi swi xiyile ku swi endla.

Timhaka 24:17

“Kutani ndzhaku ka malembe layo tala, ndzi tile ku ta neha swo nyika eka tiko ra rikwerhu, ni ku humesa timhamba.

Filemoni 1:7

Ntsena makwerhu, hi ni ku khensa ni ku chaveleriwa lokukulu erirhandzwini ra wena, hikuva timbilu ta vakwetsimi ti rhurhise hi wena.

Filemoni 1:5

hilaha ndzi yingisaka ku pfumela ka wena eka Hosi Yesu, ni rirhandzu ra wena eka vakwetsimi hinkwavo,

Vaheveru 6:10

Hikuva Xikwembu a xi hombolokanga; xi nga ka xi nga rivali ntirho wa n'wina, ni rirhandzu leri mi ri kombiseke hikwalaho ka vito ra xona, loko mi pfunile vakwetsimi, ni sweswi, ma ha va pfuna.

Timhaka 11:30

Kunene va endlisa sweswo, va swi rhumela eka vakulukumba hi mavoko ya Barnaba na Sawulo.

Timhaka 16:6

Kutani va tsemakanya Frigiya, ni tiko ra Galatiya, hikuva Moya lowo Kwetsima a wu va alela ku vula rito le Asiya.

Vagalatiya 1:2

Ni vamakwerhu hinkwavo lava nga na mina; Eka tikereke ta le Galatiya:

Timhaka 18:23

Loko a xwile kona masiku man'wana, a suka, a endzela hi ku tlhandlamana ka wona, matiko ya Galatiya, ni ya Frigiya, a ri karhi a tiyisa vadyondzisiwa hinkwavo.

Timhaka 11:28

Un'wana wa vona, loyi va nge i Agabo, a yima, a profeta hi Moya leswaku ndlala leyikulu yi ta wa emisaveni hinkwayo; kunene yi humelele enkarhini wa Klawudiyo-Khezari.

Timhaka 9:41

Kambe Petro a n'wi khoma hi voko, a n'wi yimisa; kuteloko a vitanile vakwetsimi ni tinoni, a va nyika yena a hanyile.

Timhaka 9:13

Kambe Ananiya a hlamula, a ku: “Hosi, ndzi twile hi lavo tala timhaka ta munhu yeloyi hilaha a tluriseke hi ku endla swo biha eka vahlawuriwa va wena eYerusalema.

1 Vakorinto 4:17

Hikwalaho ndzi mi rhumeleke Timotiya, n'wananga la rhandziwaka, la tshembekaka eHosini leswaku a mi tsundzuxa tindlela ta mina eka Kriste, ni laha ndzi dyondzisaka hinkwako ekerekeni yin'wana ni yin'wana.

1 Vakorinto 11:34

kutakuloko un'wana a ri ni ndlala, a a dye ekaya, mi nga ti tshuka mi hlengeletelana eku avanyisiweni. Loko ti ri tin'wanyana, tona, ndzi ta ti lunghisa loko ndzi fikile.

1 Vakorinto 16:15

Ndza ha mi khongotela, vamakwerhu, hikuva ma swi tiva leswaku va yindlu ya Stefanasi, hi vona lava nga mativula ya Akaya, ni leswaku va tinyiketile swinene ku tirhela vakwetsimi.