1 Vakorinto 15:2 - Xitsonga (Bibele)

² leyi mi ponisiwaka ha yona loko mi yi hlayisa hilaha ndzi mi byeleke hakona; loko ngi a mi pfumelangi eka yona mahala.

BIBELE Mahungu Lamanene

² ma karhi ma ponisiwa ha wona, loko kunene mi hlayisa vumbhoni bya mina eka wona, ni loko ku pfumela ka n'wina eka wona ku nga vanga ka hava.

Testamente Leyimpsha Xichangana

² mikarhi miponisiwa hi yona, loko kunene mihlayisa vumboni bza mina ka yona, ni loko kupfumela ka n'wina, ka yona kungavanga ka hava.

1 Vakorinto 15:2 Referans Kwoze

Vaheveru 3:6

kambe Kriste u tshembekile kukotisa n'wana eku fumeni ka yindlu ya yena, kutani yindlu ya yena hi hina, loko kunene hi hlayisa hi ku tiya ku ya fika emakumu, ku tshemba ka hina loku hi tidzunisaka hikwalaho ka kona, hi nga siveriwi ha nchumu.

Vaheveru 2:1

Hikwalaho, hi fanele ku tiyisela hi ku tlurisisa eka timhaka leti hi ti yingiseke, leswaku hi nga ti tshiki ti khaluta.

Vaheveru 3:14

Hikuva hi averiwile Kriste, loko ntsena hi hlayisa hi ku tiya, ku ya fika emakumu, ku tshemba loku hi nga sungula hakona,

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

Vaefesa 2:8

Hikuva mi hlayisekile hi tintswalo, hi ku pfumela, kutani leswo a swi humi ka n'wina, i ku nyika ka Xikwembu;

1 Vakorinto 1:18

Hikuva mhaka ya xihambano, i vuhunguki eka lava lovaka; kambe eka hina lava hlayisekaka, i matimba ya Xikwembu.

Yakobo 2:26

Hikuva kukota loko miri lowu nga riki na moya wu file, hi mukhuva wolowo, na kona ku pfumela loku nga riki na mitirho, ku file.

Yakobo 2:14

Vamakwerhu, swi pfuna yini loko munhu a ku: “Ndzi ni ku pfumela,” a nga ri na mitirho; xana ku pfumela ka yena ku nga n'wi hlayisa xana?

Vaheveru 10:23

ni miri wa hina wu hlantswiwile hi mati lama tengeke. A hi tiyiseleni eku tivuleni ka ku tshemba ka hina, hi nga ri na ku tsekatseka, hikuva la hi tshembiseke wa tshembeka.

Luka 8:13

Lava nga haxiwa emaribyeni, hi lava ingi loko va yingisile va amukela rito hi ku tsaka, kambe va pfumala timitsu, va pfumela hi nkarhi wun'wana ntsena; siku ra ndzingo, loko ri fika va tshika.

Yakobo 2:17

Hi mukhuva wolowo, na kona ku pfumela loku nga riki na mitirho ku tiferile.

Vaheveru 4:14

Hikwalaho, leswi hi nga ni muprista lonkulu ngopfu, la tsemakanyeke matilo, a nga Yesu, N'wana wa Xikwembu, a hi tiyiseleni eka lexi hi tivuleke xona.

2 Vatesalonika 2:15

Hikwalaho, vamakwerhu, yimani, mi tiya, mi hlayisa timhaka leti mi ti dyondzisiweke, hambi ku ri hi milomu, hambi ku ri hi epistola ya hina.

Vagalatiya 3:4

Xana ku xaniseka lokonghaso, mi ku yingisele mahala xana? Loko kunene swi ri mahala!

2 Vakorinto 6:1

Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Swivuriso 4:13

Khoma dyondzo, u nga yi tshiki, U yi hlayisa; hikuva i vutomi bya wena.

Swivuriso 3:1

N'wananga, u nga rivali nawu wa mina, Mbilu ya wena a yi hlayise ku lerisa ka mina;

2 Vakorinto 2:15

Hikuva eka Xikwembu hi ri ku nun'hwela loku nandzihaka ka Kriste, exikarhi ka lava hlayisekaka ni ka lava lovaka;

1 Vakorinto 15:14

Kungakuloko Kriste a nga pfukanga, ku dyondzisa ka hina i ka hava, ni ku pfumela ka n'wina i ka hava.

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

Varhoma 11:22

Hikwalaho, tsundzuka tintswalo ta Xikwembu, ni tihanyi ta xona; tihanyi ehenhla ka lava weke, ni tintswalo ehenhla ka wena, loko u tiyisela etintswalweni teto; hikuva loko u nga tiyiseri kona, u ta tsemiwa, na wena.

Timhaka 8:13

Na yena Simoni a pfumela, kutani a khuvuriwa, a namarhela Filipi; kambe a hlamala ngopfu hi ku vona swikombiso ni masingita lamakulu lama endliwaka.

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

Swivuriso 23:23

Xava ntiyiso u nga wu xavisi, Hambi byi ri vutlhari, ni dyondzo ni ku anakanya.

1 Vakorinto 11:2

Ndza mi khensa, vamakwerhu, hikuva mi ndzi tsundzuka eka hinkwaswo, na swona mi hlayisa tidyondzo hi laha ndzi mi nyikeke tona hakona.