1 Vakorinto 14:3 - Xitsonga (Bibele)

³ Kambe loko a ri la profetaka, u byela vanhu leswi va akisaka, ni leswi va khongotelaka, ni leswi va chavelelaka.

BIBELE Mahungu Lamanene

³ Kasi loyi a vulaka Rito, ú byela vanhu marito lawa ya akisaka, ni lawa ya tiyisaka, ni lawa ya chavelelaka.

Testamente Leyimpsha Xichangana

³ Kasi lweyi aprofetaka, abzela vanhu marito lawa mayakisaka, ni lawa matiyisaka, ni lawa machavelelaka.

1 Vakorinto 14:3 Referans Kwoze

1 Vakorinto 14:12

Kutani sweswi, leswi mi lavaka ku chivirikela tinyiko ta Moya, lavani ku andzeriwa ngopfu, kereke yi ta akisiwa hakona.

1 Timotiya 4:13

U tinyiketa ku hlaya, ni ku khongotela, ni ku dyondzisa, ndzi ko ndzi ta.

Yuda 1:20

Kambe loko mi ri n'wina, varhandziwa, tiakeleni ehenhla ka ku pfumela ka n'wina loku kwetsimaka hi ku tlurisa, mi ri karhi mi khongela hi Moya lowo Kwetsima,

Tito 1:9

la namarhelaka rito hilaha dyondzo yi kombaka hakona a ta lulamela ku khongotela hi dyondzo leyi hanyisaka, ni ku laya vakaneti.

Vaefesa 6:22

Hikwalaho ndzi n'wi rhumeke ka n'wina, a ta mi tivisa ta ku hanya ka hina, a ta chavelela ni timbilu ta n'wina.

2 Timotiya 4:2

Huwelela rito, u phikelela hi nkarhi, ni loko wu nga ri nkarhi; u laya, u tshinya, u khongotela hi ku yingisela hinkwako, ni ku dyondzisa.

Tito 2:6

Na vona vavanuna lavantshwa, u va khongotela ku va ni ku anakanya;

1 Vakorinto 14:31

Hikuva mi nga profeta hinkwenu hi ku landzelelana leswaku hinkwavo vadyondzisiwa, hinkwavo va tiyisiwa.

1 Vakorinto 14:26

Xana swi to yini, vamakwerhu? Ndzi ri, hi masiku hinkwawo, loko mi hlengeletene, un'wana ni un'wana eka n'wina, loko a ri ni pisalema, ni loko yi ri dyondzo, hambi ti ri tindzimi tin'wana, hambi ku ri ku kombisiwa, kumbe ku hlamusela, hinkwaswo a swi endleriwe ku akisana.

Varhoma 14:19

A hi laveni hikwalaho timhaka leti humesaka ku rhula, ni leti hi nga akisanaka kun'we ha tona.

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Tito 2:9

Byela makhumbi leswaku va yingisa veni va vona, va va tsakisa etimhakeni hinkwato, va nga kanetani na vona,

1 Vatesalonika 2:3

Hikuva ku dyondzisa ka hina a ku nga ri ku hemba; hambi ku ri ka thyaka, hambi ma ri mano,

1 Vakorinto 10:23

“Hinkwaswo swa pfumeleriwa,” kambe a hi hinkwaswo leswi nga ni vunene; “hinkwaswo swa pfumeleriwa,” kambe hinkwaswo a swi akisi.

1 Petro 5:12

Ndzi mi tsalele marito ma nga ri mangani ha Silvano loyi ndzi n'wi ringanisaka leswaku i makwerhu la tshembekeke, ndzi ri karhi ndzi mi khongotela, ni ku tiyisa vumbhoni leswaku tintswalo ta xiviri ta Xikwembu, hi toleto mi yimeke eka tona.

Vaheveru 13:22

Kambe ndza mi khongotela, vamakwerhu, leswaku mi amukela swinene marito lawa ya ku khongotela, hikuva ndzi mi tsalerile hi marito ma nga ri mangani.

Vaheveru 10:25

Hi nga tshuki hi tshika nhlengeletano ya hina hi mukhuva wa van'wana, kambe hi khongotelana, ngopfu leswi mi vonaka siku ri tshinelaka.

Tito 2:15

Vula timhaka leti, u khongotela, u tshinya hi matimba hinkwawo; munhu a nga tshuki a ku sandza.

1 Timotiya 6:2

Kutani lava nga ni veni va vapfumeri, va nga tshuki va va tsan'wa, leswi va nga vamakwavo; kambe va va tirhela ngopfu kwalaho, hikuva i vapfumeri ni varhandziwa, kutani va va endlela swinene. Dyondzisa timhaka teti, u khongotela ha tona.

1 Timotiya 1:4

ni leswaku va nga tshuki va namarhela mitsheketo, ni swivongo leswi nga heriki, leswi humesaka ku tengisana, ku nga ri ku akisa yindlu ya Xikwembu leyi nga eku pfumeleni, ndza ha tiyisa swona.

2 Vatesalonika 3:12

Lavo tano hi va kombela, ni ku va khongotela hi Hosi ya hina, Yesu Kriste, leswaku va tirha hi ku rhula, va ta tiva ku dya swakudya leswi nga swa vona.

1 Vatesalonika 4:18

Hikwalaho-ke chavelelanani hi marito walawo.

1 Vatesalonika 4:1

Loko swi ri tano vamakwerhu, ha mi khongelela ni ku mi khongotela hi Hosi Yesu leswaku, kukota leswi mi dyondzeke eka hina hilaha mi faneleke ku famba hakona, ni ku tsakisa Xikwembu, swi endleni hi ku tlurisisa.

1 Vatesalonika 3:2

kutani hi rhumile Timotiya, makwerhu, nandza wa Xikwembu eEvhangelini ya Kriste, leswaku a ta mi tiyisa ni ku mi khongotela hikwalaho ka ku pfumela ka n'wina;

1 Vatesalonika 2:11

Kutani ma swi tiva leswaku hi endlerile un'wana ni un'wana wa n'wina, tanihi tatana a endlelaka vana va yena;

Vakolosa 4:8

Ndza n'wi rhuma eka n'wina hikwalaho, leswaku a ta tiva timhaka ta n'wina, a ta chavelela timbilu ta n'wina,

Vaefesa 4:29

Ku nga tshuki ku huma emilon'wini ya n'wina rito ra tingana, hambi ri ri rin'we, kambe a ku hume rito ro nandziha ra ku akisa hi mfanelo, ri nga rito leri humeselaka lava yingisaka vunene byin'wana.

2 Vakorinto 2:7

kambe sweswi, mi fanele ku n'wi tsetselela ni ku n'wi chavelela leswaku a nga tshuki a dyiwa hi gome leri tlurisaka.

2 Vakorinto 1:4

lexi hi chavelelaka emakhombyeni hinkwawo ya hina, leswaku lava nga emakhombyeni, hambi ma ri wahi ni wahi, hi ta tiva ku va chavelela hi ku chavelela loku na hina hi chaveleriwaka hakona hi Xikwembu;

1 Vakorinto 14:17

Kunene u khensa swinene, kambe van'wana a va akisiwi hakona.

1 Vakorinto 8:1

Loko swi ri swilo leswi tlhaveriweke swifaniso, ha swi tiva leswaku hinkwerhu hi ni ku tiva. Kambe ku tiva ku ni ku tikukumuxa, kasi rirhandzu ra akisa.

Varhoma 15:2

Munhu un'wana ni un'wana wa hina a tsakise makwavo, a n'wi lavela leswinene leswi akisaka.

Varhoma 12:8

la hananaka, a a hanane hi mbilu leyo tenga; la lerisaka, a a lerise hi ku xiya; la endlaka mitirho ya tintswalo, a a endle hi ku tsaka.

Timhaka 15:32

Kambe Yuda na Silasi, hikuva a va ri vaprofeta na vona, va khongotela vamakwavo hi marito layo tala, ni ku va tiyisa.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Luka 3:18

Kutani a tshama a va khongotela hi timhaka tin'wana leto tala, a ri karhi a byela vanhu ta Evhangeli.

Vaheveru 3:13

kambe mi khongotelana hi masiku hinkwawo, ka ha hlayiwa leswaku: “Namuntlha” leswaku ku nga ti va na un'we exikarhi ka n'wina la tinonon'hwisaka hi ku xisiwa ka vudyoho.

Timhaka 4:36

Yena Yose, la nga thyiwa Barnaba hi vaapostola, hileswaku N'wana wa ku Chavelela, loyi ingi a ri Mulevhi la tswariweke eKipra,