1 Vakorinto 13:9 - Xitsonga (Bibele)

⁹ Hikuva ha tiva hitlhelo rin'we, kambe ha profeta hitlhelo rin'we ntsena;

BIBELE Mahungu Lamanene

⁹ Hikuva vutivi bya hina a byi hetisekanga, ni matimba ya hina yo vula Rito a ma hetisekanga;

Testamente Leyimpsha Xichangana

⁹ Hikuva vutivi bza hina abzihetisekanga, ni matimba ya hina ya kuprofeta amahetisekanga;

1 Vakorinto 13:9 Referans Kwoze

1 Vakorinto 13:12

Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.

1 Vakorinto 8:2

Loko munhu a ringanisa leswaku u tiva nchumu, a nga si wu tiva hilaha a faneleke ku tiva hakona.

1 Vakorinto 2:9

Kambe kukota leswi tsariweke leswaku: “Timhaka teto, tihlo a ri si ti vona, ndleve a yi si ti twa, a ti humelelanga embilwini ya munhu; timhaka teto, Xikwembu xi ti lunghisele lava xi va rhandzaka.”

Pisalema 139:6

Ku tiva loko, i mahlori eka mina, Ku tlakukile ngopfu ku tlurisa, ndzi tsandzeka ku ku fikela.

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Swivuriso 30:4

I mani la tlhandlukeleke etilweni a tlhela a xikela kona? I mani la fumbarheleke mheho hi swandla swa yena? La hlengeleteke mati hinkwawo engubyeni ya yena, i mani xana? I mani loyi a tumbuluxeke matlhelo hinkwawo ya misava? Vito ra yena i mani? I mani vito ra n'wana wa yena loko u n'wi tiva?

Pisalema 40:5

Wena Yehovha, Xikwembu xanga, u andzisile ngopfu Masingita ni makungu ya wena ehenhla ka hina; Swa hi hlula ku ma hlaya emahlweni ka wena. Hambi ndzi rhandza ku ma hlaya ni ku ma vula, Ntsengo wa wona wu tlula leswi nga hlayiwaka.

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Varhoma 11:34

“Hikuva i mani la nga tivaka ku anakanya ka Hosi, kumbe i mani la nga mutsundzuxi wa yona?”

Ntirho 26:14

Vona, sweswo i vuhandle bya tindlela ta xona, Hi twa tingomela letitsanana ta xona ntsena; Loko ti ri tindlati ta matimba ya xona, i mani la nga ti twaka xana?”

1 Vakorinto 13:10

kambe siku ku fikaka ku hetiseka, hilaha leswi nga swa tlhelo rin'we swi nga ta herisiwa.