1 Vakorinto 13:12 - Xitsonga (Bibele)

¹² Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.

BIBELE Mahungu Lamanene

¹² Sweswi hi vona hi riphume exivonini; kambe enkarhini wolowo, hi ta langutana hi mahlo; sweswi vutivi bya mina a byi hetisekanga, kambe enkarhini wolowo ndzi ta tiva hi ku hetiseka, tanihi leswi Xikwembu na xona xi ndzi tiveke hi ku hetiseka.

Testamente Leyimpsha Xichangana

¹² Svosvi hivona hi riphume tani hi le ka xivonivoni; kambe nkameni wolowo, hitalangutana hi mahlo; svosvi vutivi bza mina abzihetisekanga, kambe nkameni wolowo nitativa hi kuhetiseka, tani hi lesvi Xikwembu na xona xinitivaka hi kuhetiseka.

1 Vakorinto 13:12 Referans Kwoze

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

Vafilipiya 3:12

Swi nga ri leswaku ndzi tekile hakelo, kumbe swi ri leswaku ndzi hetisekile; kambe ndzi ri karhi ndzi tsutsuma leswaku ndzi yi khoma; kutani, hikwalaho ka swona, na mina ndzi khomiwile hi Kriste.

Nhlavutelo 22:4

va ta vona mombo wa xona; vito ra xona ri ta tsariwa emimombyeni ya vona.

Yakobo 1:23

Hikuva munhu loko a ri mutwi wa rito, a nga ri muendli wa rona, u fana ni munhu la langutaka exivonivonini nghohe leyi a tswariweke a ri na yona;

2 Vakorinto 5:7

(hikuva hi famba hi ku pfumela, ku nga ri hi ku swi vona),

Matewu 5:8

Ku katekile lava nga ni timbilu leti tengeke, hikuva va ta vona Xikwembu.

1 Vakorinto 8:3

Kambe loko munhu a rhandza Xikwembu, u tiviwa hi xona.

Varhoma 8:18

Hikuva ndzi ringanisa leswaku nhlomulo wa nguva leyi, a wu faneri ku ringanisiwa ni ku kwetsima loku ku nga ta kombisiwa eka hina.

Tinhlayo 12:8

ndzi vulavula na yena hi nomu, ndzi tikombisa eka yena kunene, ku nga ri hi xifaniso, kutani a vona xivumbeko lexinene xa Yehovha. A mi chavanga ha yini ku hleva nandza wa mina, Muxe xana?”

Genesa 32:30

Yakobo a thya xivandla xexo vito ra Penuwele (mombo wa Xikwembu); hikuva a a ku: “Ndzi vone Xikwembu emombyeni, kambe vutomi bya mina byi hlayisekile.”

Matewu 18:10

“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

Yohane 10:15

Hi mukhuva lowu Tatana a ndzi tivaka, na mina, ndzi tiva Tatana; kutani ndzi nyiketa tinyimpfu vutomi bya mina.

Eksoda 33:11

Yehovha a tshama a vulavula na Muxe va langutene, kukota munhu loko a vulavula ni nakulobye; kutani Muxe a tlhelela emixaxeni; kambe Yoxuwa, n'wana wa Nuni, nandza wa yena wa jaha, a a nga suki endlwini.

Ezekiele 17:2

“N'wana wa munhu, vulavula ni yindlu ya Israele hi ntsheketo ni xifaniso,

Ntirho 19:26

Hambi nhlonge ya mina yi onhakile, u ta pfuka; Ndzi ta vona Xikwembu ndzi nga ha ri enyameni.

Ntirho 36:26

Xikwembu i xikulu, kambe hi nga ka hi nga tivisisi vukulu bya xona; Ntsengo wa malembe ya xona a wu hlayiwi.

1 Vakorinto 13:11

Loko ndza ha ri xihlangi, a ndzi vulavula kukota xihlangi, a ndzi anakanya kukota xihlangi, a ndzi ringanyeta kukota xihlangi; kambe siku ndzi hundzukeke wanuna, ndzi tshikile swa vuhlangi.