1 Vakorinto 13:1 - Xitsonga (Bibele)

¹ Hambiloko ndzi nga vulavula tindzimi ta vanhu ni ta tintsumi, kambe ndzi nga ri na rirhandzu; ndzi kotisa nanga leyi yimbaka, hambi swi ri swiphambati leswi pfumaka.

BIBELE Mahungu Lamanene

¹ Hambi ndzi nga vulavula tindzimi ta vanhu ni ta tintsumi, kambe ndzi nga ri na rirhandzu, ndzi fana ni xingelengele lexi rilaka, kumbe swiphambati swa nsimbhi loko swi bananisiwa.

Testamente Leyimpsha Xichangana

¹ Hambi ningavulavula tindzimi ta vanhu ni ta tintsumi, kambe ningali na rirhandzu, nifana ni nsimbi leyipfumaka, kumbe sviphambati sva nsimbi loko svibananisiwa.

1 Vakorinto 13:1 Referans Kwoze

1 Timotiya 1:5

Hikuva laha ku lerisa ku kongomaka kona, i rirhandzu leri humaka embilwini leyi tengeke, ni le ripfalweni lerinene, ni le ku pfumeleni loku nga riki na ku kanganyisa.

1 Petro 4:8

Ngopfungopfu mi tiyisela eku rhandzaneni, hikuva rirhandzu ri ta funengeta swidyoho leswo tala.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

1 Vakorinto 13:8

Rirhandzu ri nga ka ri nga heri, ni siku ni rin'we. Kasi loko byi ri vuprofeta byi ta hela, na tona tindzimi ti ta tshika ku va kona, ni ku tiva ku ta hela.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

1 Vakorinto 8:1

Loko swi ri swilo leswi tlhaveriweke swifaniso, ha swi tiva leswaku hinkwerhu hi ni ku tiva. Kambe ku tiva ku ni ku tikukumuxa, kasi rirhandzu ra akisa.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Varhoma 14:15

Kambe loko u khomisa makwenu tingana hi swakudya, kwalaho a ku fambi hi rirhandzu. U nga tshuki u lovisa hi swakudya swa wena loyi Kriste a n'wi feleke.

Matewu 25:45

Hilaha a nga ta va hlamula, a ku: ‘Ndzi vurisile ndzi ri eka n'wina: Loko mi nga swi endlanga eka un'wana wa lavatsongo, a mi swi endlanga, ni le ka mina.’

1 Vakorinto 12:8

Hikuva un'wana u nyikiwa hi Moya marito ya vutlhari; un'wana u nyikiwa marito ya ku tiva hi Moya wolowo;

1 Vakorinto 12:16

Ni loko ndleve yi ku: “Leswi ndzi nga riki tihlo, a ndzi wa miri”; xana a hi ya miri xana?

2 Vakorinto 12:4

u tekeriwe eParadeyisini a ha hanya, a twa timhaka leti nga vulekiki, leti munhu a nga ka a nga ti vuri.

Pisalema 150:5

Xi dzuniseni hi madzandzana ya mpfumawulo lowu twakalaka! Xi dzuniseni hi tingoma ta mpfumawulo lowu pfumaka!

Marka 16:17

Hi wona masingita lama nga ta endliwa hi lava pfumeleke: Va ta hlongola mademona hi vito ra mina, va ta vulavula tindzimi letintshwa;

1 Vakorinto 12:10

un'wana u nyikiwa mitirho ya masingita; un'wana u nyikiwa ku profeta; un'wana ku avanyisa mimoya; un'wana u nyikiwa ku tiva tinxaka ta tindzimi; un'wana u nyikiwa ku hlamusela tindzimi.

1 Vakorinto 14:2

Hikuva loyi a vulavulaka tindzimi tin'wana a nga vulavuri na munhu, u vulavula na Xikwembu ntsena; hikuva a ku na la n'wi yingisaka, loko a vulavula emoyeni wa yena leswi nga tiviwiki.

1 Vakorinto 14:4

La vulavulaka tindzimi u tiakisa a ri swakwe; kambe la profetaka u akisa Kereke.

1 Vakorinto 14:5

Ndzi nga rhandza leswaku mi vulavula tindzimi hinkwenu, kambe ndzi nga swi rhandza ku tlurisa loko mi profeta. Hikuva la profetaka, u tlula la vulavulaka tindzimi, loko ku nga ri loko a hundzula, leswaku Kereke yi ta kuma ku akisiwa kona.

Nhlavutelo 14:2

Kutani ndzi twa rito leri humaka etilweni leri fanaka ni mpfumawulo wa mati layo tala, ni mpfumawulo wa ku pfuma lokukulu ka tilo; kutani rito rero ndzi ri tweke ri fana ni rito ra lava yimbelelaka hi tiharipa loko va ba tiharipa ta vona.