1 Vakorinto 12:8 - Xitsonga (Bibele)

⁸ Hikuva un'wana u nyikiwa hi Moya marito ya vutlhari; un'wana u nyikiwa marito ya ku tiva hi Moya wolowo;

BIBELE Mahungu Lamanene

⁸ Un'wana ú nyikiwa hi Moya ku vulavula swa vutlhari, un'wana ú nyikiwa ku vulavula swa vutivi, hi ku ya hi Moya wolowo;

Testamente Leyimpsha Xichangana

⁸ Mun'we anyikiwa hi Moya kuvulavula sva vutlhari, mun'wana anyikiwa kuvulavula sva vutivi, hi kuya hi Moya wolowo;

1 Vakorinto 12:8 Referans Kwoze

Swivuriso 2:6

Hikuva Yehovha hi yena la nyikaka vutlhari; Ku tiva ni ku twisisa swi huma enon'wini wa yena.

2 Vakorinto 8:7

Kambe kukotisa loko mi taleriwile hi leswo tala, hi ku pfumela, hi marito, hi ku tiva, hi ku gingirika ematlhelweni hinkwawo, hi rirhandzu leri mi hi rhandzaka ha rona, kunene mi fanele ni ku andzeriwa hi ku endla loku ka tintswalo.

1 Vakorinto 1:5

hikuva mi nyikiwe hi yena swilo hinkwaswo, eku vulavuleni hinkwako ka marito, ni le ku tiveni hinkwako,

Pisalema 143:10

Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Nehemiya 9:20

U va nyikile moya wa wena lowunene ku va tlharihisa, a ku tsonangi milomu ya vona manna ya wena, u va nyika ni mati ya ku nwa.

1 Vakorinto 13:8

Rirhandzu ri nga ka ri nga heri, ni siku ni rin'we. Kasi loko byi ri vuprofeta byi ta hela, na tona tindzimi ti ta tshika ku va kona, ni ku tiva ku ta hela.

Matewu 13:11

A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Ntirho 32:8

Kambe i moya lowu nga ka munhu, Ni ku huhutela ka Lowa matimba hinkwawo leswi nyikaka ku twisisa;

Eksoda 31:3

ndzi n'wi chelele moya wa Xikwembu, ni vutlhari, ni ku tiva mitirho ya tinxakaxaka,

1 Vakorinto 13:2

Kutani hambi ndzi nga nyikiwa vuprofeta, ni loko ndzi tiva swihundla hinkwaswo ni vutlhari hinkwabyo; hambi ndzi ri ni ku pfumela hinkwako, ndzi ko ndzi tlakusa tintshava; kambe ndzi nga ri na rirhandzu, a ndzi nchumu.

Daniele 2:21

Hi xona lexi hundzuluxaka mikarhi ni tinguva, lexi susaka tihosi, ni lexi ti tlakusaka, lexi nyikaka tintlhari vutlhari, ni mano eka lava nga ni ku twisisa.

Timhaka 6:3

Loko swi ri tano, vamakwerhu, hlawulani vavanuna va ntlhanu na vambirhi exikarhi ka n'wina, lava dzuniwaka, lava teleke Moya lowo Kwetsima ni vutlhari, leswaku hi va veka entirhweni lowo.

Varhoma 15:14

Loko ndzi ri mina, vamakwerhu, ndza tshemba leswaku na n'wina mi tele vunene, ni leswaku mi tele ku tiva hinkwako; mi tiva ni ku tsundzuxana.

1 Vakorinto 2:11

Hikuva munhu hi wihi la tivaka swa munhu, loko wu nga ri moya wa munhu lowu nga eka yena? Swi tano ni timhaka ta Xikwembu; a ku na munhu la ti tivaka, loko wu nga ri Moya wa Xikwembu.

1 Vakorinto 2:16

“Hikuva i mani la tivaka ku anakanya ka Hosi, a ta yi dyondzisa?” Kambe hina, hi ni ku anakanya ka Kriste.

1 Vakorinto 14:6

Kutani sweswi, vamakwerhu, loko ndzi ta eka n'wina, ndzi vulavula tindzimi, ndzi ta mi pfuna hi mukhuva wihi, loko ndzi nga vulavuri na n'wina hi ku mi pfuletela timhaka, hambi ku ri hi ku tiva, hambi ku ri hi vuprofeta, hambi ku ri hi dyondzo.

1 Vakorinto 14:26

Xana swi to yini, vamakwerhu? Ndzi ri, hi masiku hinkwawo, loko mi hlengeletene, un'wana ni un'wana eka n'wina, loko a ri ni pisalema, ni loko yi ri dyondzo, hambi ti ri tindzimi tin'wana, hambi ku ri ku kombisiwa, kumbe ku hlamusela, hinkwaswo a swi endleriwe ku akisana.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

2 Vakorinto 2:14

A ku dzunisiwe Xikwembu lexi hi nyikaka ku hlula ha Kriste hi mikarhi hinkwayo, lexi nga eka hina ku nun'hwela ka ku tiva ka xona hinkwako.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

2 Vakorinto 6:6

ni le ku tengeni, ni le ku tiveni; hi ku yingisela, hi vunene, hi moya lowo saseka, hi rirhandzu leri nga riki na ku xisa, hi rito lerinene, hi matimba ya Xikwembu;

2 Vakorinto 11:6

Kungakuloko ndzi nga tlharihanga hi marito, a swi tano hi ku tiva; kambe hi tivikanile exikarhi ka n'wina hi matlhelo hinkwawo, ni le swilweni hinkwaswo.