1 Vakorinto 10:1 - Xitsonga (Bibele)

¹ A ndzi swi rhandzi, vamakwerhu, loko mi nga swi tivi leswaku vatatana hinkwavo va tshamile ehansi ka papa, hinkwavo va perile lwandle;

BIBELE Mahungu Lamanene

¹ Vamakwerhu, ndzi lava leswaku mi twisisa leswi humeleleke eka vatata wa hina: Hinkwavo a va sirheleriwa hi papa, hinkwavo va perile Lwandle lero Tshwuka.

Testamente Leyimpsha Xichangana

¹ Vamakwerhu, nilava lesvaku mitwisisa lesvihumeleleke ka vatatana va hina: Hinkwavu avasirheleliwa hi refu, hinkwavu vapelile lwandle Leropshuka.

1 Vakorinto 10:1 Referans Kwoze

Eksoda 14:29

Kambe vana va Israele va famba exikarhi ka lwandle, laha ku omeke, mati ma va endlerile tintshava hi matlhelo mambirhi.

Pisalema 105:39

U phurumule papa ku va sirhela, Ni ndzilo ku va voningela nivusiku.

Vaheveru 11:29

Hi ku pfumela, va perile Lwandle ro Tshwuka kukotisa loko ku ri esaveni, kutani Vaegipta va ringeta ku endlisa sweswo, va nwela ematini.

1 Vakorinto 14:38

Kutani loko un'wana a tialela ku ti tiva, a a tialele.

Pisalema 78:53

Xi va byisa hi ku lulama, kutani a va tshukangi nchumu, Kambe lwandle ri funengeta valala va vona.

Pisalema 66:6

Xi hundzuluxile lwandle, ri va misava leya ku oma; Va perile nambu hi milenge: Ku va laha hi titsakelaka eka xona.

Nehemiya 9:19

hi ku tsetselela ka wena lokukulu, a ku va tshikanga mananga; ku nembelela ka papa a ku tshikangi ku va ungamela ninhlekanhi loko va famba hi ndlela, nivusiku, ku nembelela ka ndzilo a ku tshikanga ku voninga ndlela leyi va faneleke ku famba ha yona.

Yoxuwa 4:23

Hikuva Yehovha Xikwembu xa n'wina, xi phyisile mati ya Yordani emahlweni ka n'wina mi ko mi pela,

Duteronoma 1:33

lexi fambeke emahlweni ka n'wina, endleleni, ku mi lavisa magovela, ni ku mi kombisa ndlela, xi ri endzilweni nivusiku, kambe ninhlekanhi xi ri epapeni.

Tinhlayo 33:8

va suka emahlweni ka Hahiroto, va hundza exikarhi ka lwandle, tlhelo ra mananga, kutani va famba masiku manharhu emananga ya Etamu, va ya gova eMara.

Tinhlayo 14:14

kutani va swi byerile vaaki va tiko leri. Va swi twile leswaku wena Yehovha u le xikarhi ka tiko leri, ni leswaku u va kombisa mombo wa wena; ni leswaku papa ra wena ri tshama ehenhla ka vona, ni leswaku u famba emahlweni ka vona u ri epapeni ninhlekanhi, nivusiku kambe u ri mbulukweni wa ndzilo.

Eksoda 40:34

Kutani papa ri funengeta Yindlu ya nhlengeletano, kutani ku kwetsima ka Yehovha ku tata Yindlu.

1 Vakorinto 12:1

Loko ti ri tinyiko ta Moya, vamakwerhu, a ndzi rhandzi leswaku mi kohla ha nchumu.

Varhoma 4:11

Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

Vagalatiya 3:29

Kutani loko mi ri va Kriste, hilaha mi nga rixaka ra Abrahama, mi ri vadyandzhaka, hilaha ku tshembisiweke hakona.

Varhoma 11:21

Hikuva, leswi Xikwembu xi nga tsetselelangiki marhavi ya xiviri, xi nga ka xi nga ku tsetseleri, na wena.

Yohane 4:20

Vatata wa hina va gandzerile entshaveni leyi, kutani n'wina mi ku, xivandla lexi va fanelaka ku gandzela eka xona, i Yerusalema.”

Varhoma 1:13

Kutani, vamakwerhu, a ndzi swi rhandzi loko mi nga swi tivi leswaku ndzi kanerile hakanyingi ku ta eka n'wina, ndzi ta kha mihandzu yin'wana exikarhi ka n'wina, kukota leswi ndzi swi endleke ematikweni man'wanyana; kambe ndzi hlulekile ku fika sweswi.