1 Vakorinto 1:9 - Xitsonga (Bibele)

⁹ Xikwembu xa tshembeka, lexi mi vitaneleke ku hlangana ni N'wana wa xona, Yesu Kriste, Hosi ya hina.

BIBELE Mahungu Lamanene

⁹ Xikwembu xa tshembeka, xona lexi xi mi vitaneleke ku va ni xinakulobye ni N'wana wa xona Yesu Kriste Hosi ya hina.

Testamente Leyimpsha Xichangana

⁹ Xikwembu xatshembeka, xona lexi ximivitaneleke kuva miva ni kuhlangana ni N'wana wa xona Yesu Kriste, Hosi ya hina.

1 Vakorinto 1:9 Referans Kwoze

2 Vatesalonika 3:3

Kambe Hosi ya tshembeka, hi yona leyi nga ta mi tiyisa ni ku mi sirhelela eka lowo biha.

Vaheveru 10:23

ni miri wa hina wu hlantswiwile hi mati lama tengeke. A hi tiyiseleni eku tivuleni ka ku tshemba ka hina, hi nga ri na ku tsekatseka, hikuva la hi tshembiseke wa tshembeka.

Duteronoma 7:9

U ta tiva leswaku i Yehovha, Xikwembu xa wena, la nga Xikwembu, Xikwembu lexi tshembekaka, lexi hlayisaka ntwanano wa xona ni tintswalo, ku fika etinxakeni ta khume ra madzana, eka lava n'wi rhandzaka, ni ka lava hlayisaka milawu ya yena;

1 Yohane 1:3

lexi hi xi voneke, lexi hi xi tweke, hi lexi hi mi byelaka xona, leswaku, na n'wina, mi va ni ku hlangana na hina; kambe ku hlangana ka hina na Tatana ku kona, ni le ka N'wana wa yena, Yesu Kriste.

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

Esaya 49:7

U vula sweswo Yehovha, Mukutsuri ni Muhlawuleki wa Israele, eka loyi a soriweke hi vanhu, la nyenyiweke hi tiko, eka khumbi ra lava fumaka u ri: “Tihosi ti ta n'wi vona ti va ti pfuka, ni tindhuna ti ta khinsama hikwalaho ka Yehovha la tshembekaka, ni hikwalaho ka Mukwetsimi wa Israele la ku hlawuleke.”

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

1 Yohane 1:7

Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

Pisalema 100:5

Hikuva u ni tintswalo, vunene bya yena i bya masiku, Ni ku tshembeka ka yena etinxakeni ta tinxaka.

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

2 Vakorinto 1:18

Kambe Xikwembu xi tiva leswaku marito ya hina eka n'wina a ma hundzukanga, leswaku ma ve ina ni e-e;

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

1 Yohane 4:13

Leswi hi tivaka ha swona leswaku hi tshama eka xona, na xona eka hina, hi loko xi hi nyikile moya wa xona.

Vaheveru 11:11

Hi ku pfumela, na yena, Sara u nyikiwile matimba ya ku veka mbewu, hambi a khalutele hi nkarhi, hikuva a a ringanisile leswaku la n'wi tshembiseke wa tshembeka.

Varhoma 9:24

hikwalaho xi hi vitaneke, ku nga ri exikarhi ka Vayuda ntsena, kambe ni le xikarhi ka vamatiko.

Varhoma 8:30

Kutani lava xi va hlawuleke eku sunguleni, xi engetile xi va vitana; kutani lava xi va vitaneke xi engete xi va khanisa kutani lava xi va khaniseke, xi vuya xi va dzunisa.

Esaya 25:1

Oho Yehovha! U Xikwembu xa mina, ndzi ta ku dzunisa; ndzi ta twarisa vito ra wena, hikuva u endlile leswi hlamarisaka. Makungu ya wena ya khale ma tshembeka, ma tiyile.

Vagalatiya 2:20

Ndzi vambiwile na Kriste, kutani ndzi hanya, ndzi nga ri mina, kambe i Kriste la hanyaka eka mina, kutani sweswi, loko ndza ha hanya enyameni, ndzi hanya eku pfumeleni ka N'wana wa Xikwembu, la ndzi rhandzeke, a vuya a tinyiketela mina.

Vaheveru 3:14

Hikuva hi averiwile Kriste, loko ntsena hi hlayisa hi ku tiya, ku ya fika emakumu, ku tshemba loku hi nga sungula hakona,

2 Vatesalonika 2:14

xi mi vitanele swona hi Evhangeli ya hina leswaku mi fuwa ku vonakala ka Hosi ya hina Yesu Kriste.

Yohane 17:21

swi ri leswaku hinkwavo va va un'we kukotisa leswi wena, Tatana, u nga eka mina, na mina ndzi nga ka wena; na vona va endla un'we na hina, leswaku misava yi ta pfumela leswaku u ndzi rhumile.

Esaya 11:5

Ku lulama ku ta va vamba ra xisuti xa yena, ku tshembeka ku ta va vamba ra matsheve ya yena.

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Vaefesa 3:6

xi nga leswaku vahedeni i vadyandzhaka swin'we ni Vaisraele va miri wu ri wun'we va ni ku averiwa kun'we eku tshembiseni ka Yesu Kriste eEvhangelini,

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Vagalatiya 1:15

Kambe siku swi tsakiseke Xikwembu lexi nga ndzi hlawula, ndza ha ri ekhwirini ra manana, xi va xi ndzi vitana hi tintswalo ta xona,

1 Vakorinto 10:16

Xinwelo xa ku kateka lexi hi xi khensaka, xana a hi ku hlangana ni ngati ya Kriste xana? Ni xinkwa lexi hi xi phemaka, xana a hi ku hlangana ni miri wa Kriste xana?

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Varhoma 11:17

Kambe loko marhavi man'wana ma phatluriwile, kutani wena, mutlhwari wa nhova, u tlhomiwile eka wona, kutani u hlanganisiwile ni rimitsu, u phameriwa mafurha ya mutlhwari wa le kaya,

1 Vatesalonika 2:12

ha mi khongotela leswaku mi famba hi mukhuva lowu dzunisaka Xikwembu lexi mi vitaneleke eku fumeni ka xona, ni le ku vonakaleni ka xona.

Vakolosa 1:24

Sweswi, ndzi titsakela emaxangwini lama ndzi humelelaka hikwalaho ka n'wina, kutani ndzi hetisa emirini wa mina, leswi seleke swa ku xaniseka ka Kriste, hikwalaho ka miri wa yena yi nga Kereke.

2 Timotiya 2:13

Loko hi nga tshembeki, yena kambe wa tshembeka, hikuva a nga swi koti ku tilandzula.