1 Vakorinto 1:30 - Xitsonga (Bibele)

³⁰ Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

BIBELE Mahungu Lamanene

³⁰ Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Testamente Leyimpsha Xichangana

³⁰ Hi kuyendla ka xona, mi le ka Kriste Yesu, kutani hi xona Xikwembu lexingayendla lesvaku Kriste ava vutlhari ka hina; ha yena hiyendliwa lavalulameke, hihundzuka vakwetsimi va Xikwembu, hiva ni kukutsuliwa.

1 Vakorinto 1:30 Referans Kwoze

Vaefesa 1:7

ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Varhoma 8:1

Kutani sweswi, a ka ha ri na ku avanyisiwa eka lava nga ka Yesu Kriste.

1 Vakorinto 1:2

eka kereke ya Xikwembu leyi nga eKorinto, lava kwetsimisiweke eka Yesu Kriste, lava vitaniweke vakwetsimi, ni ka hinkwavo lava khongelaka ematlhelweni hinkwawo vito ra Hosi ya hina Yesu Kriste, yi nga Hosi ya vona ni ya hina;

Vaefesa 2:10

Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

Vakolosa 1:14

yeloyi hi nga ni ku kutsuriwa ha yena, ku nga ku rivaleriwa ka swidyoho.

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yeremiya 33:16

Hi masiku walawo, Yuda u ta pona, na Yerusalema, a tiakela hi ku tsaka, kutani hi rona vito leri va nga ta n'wi vula ha rona: ‘Yehovha ku lulama ka hina!’

Swivuriso 2:6

Hikuva Yehovha hi yena la nyikaka vutlhari; Ku tiva ni ku twisisa swi huma enon'wini wa yena.

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Vagalatiya 1:4

la tinyiketeke hikwalaho ka ku dyoha ka hina, a ta hi simula emisaveni ya sweswi, leyo biha, hi ku rhandza ka Xikwembu la nga Tata wa hina;

1 Vakorinto 1:24

kambe eka lava vitaniweke, hambi va ri Vayuda, hambi va ri Vagriki, Kriste i matimba ya Xikwembu, ni vutlhari bya Xikwembu;

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Vaefesa 5:26

leswaku a yi kwetsimisa, loko a yi basisile hi ku yi khuvula hi mati hi rito ra yena,

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

1 Vakorinto 12:8

Hikuva un'wana u nyikiwa hi Moya marito ya vutlhari; un'wana u nyikiwa marito ya ku tiva hi Moya wolowo;

Yohane 17:8

Hikuva ndzi va nyikile marito lawa u ndzi nyikeke wona; kutani va ma amukerile, va swi tivile swinene leswaku ndzi huma eka wena, kambe va pfumerile leswaku hi wena loyi u ndzi rhumeke.

Vaheveru 9:12

u nghenile kan'we exikwetsimisweni, ku nga ri hi ngati ya swiphongo ni ya marhole, kambe hi ngati ya yena hi xiviri; kutani u kumile ku kutsula loku nga heriki.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Vaefesa 1:14

moya lowu, i xirhangana xa ndzhaka ya hina, hi kondza hi kuma ku kutsuriwa ka lava Xikwembu xi tifuweleke vona, ku va eku dzuniseni ka ku kwetsima ka xona.

1 Vakorinto 12:27

Loko mi ri n'wina mi miri wa Kriste; un'wana ni un'wana mi swirho swa yena.

Varhoma 8:23

Kambe a hi swona ntsena, kambe hina hi nga ni swirhangana swa Moya, na hina hi hefemuteka endzeni ka hina, hi langutela ku vekiwa vana, ku nga ku kutsuriwa ka miri wa hina.

Varhoma 8:9

Kambe n'wina, a mi hanyi enyameni, kambe mi hanya eMoyeni, loko kunene Moya wa Xikwembu wu akile eka n'wina. Kungakuloko munhu a nga ri na Moya wa Kriste, a hi wa yena.

Varhoma 5:21

swi va leswaku, kukotisa loko ku dyoha ku fumile hi rifu, tintswalo na tona ti fumisa sweswo hi ku lulama loku yisaka evutomini lebyi nga heriki, ha Yesu Kriste, Hosi ya hina.

Varhoma 5:19

Hikuva kukotisa leswi lavo tala va endliweke vadyohi hi ku ka munhu un'we a nga yingisanga, hi mukhuva wolowo, lavo tala va ta vekiwa lava lulameke hi ku yingisa ka un'we.

Varhoma 4:25

a nga yena la nyiketiweke hikwalaho ka ku dyoha ka hina, kutani u pfuxiwile hikwalaho ka ku khanisiwa ka hina.

Varhoma 4:6

Kukota loko na yena Davhida a vula ku kateka ka munhu loyi Xikwembu xi n'wi hlayaka la lulameke ku nga ri hi mitirho, loko a ku:

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

Luka 21:15

hikuva mina ndzi ta mi nyika nomu ni vutlhari lebyi, lava tivekaka valala va n'wina, va nga ta tsandzeka ku byi hlamula ni ku byi kaneta.

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Hosiya 13:14

Ndzi ta va kutsula exivandleni xa vafi ndzi va lamulela eku feni. Wena, rifu, ndzhombo wa wena wu kwihi? Wena, sirha, ku hlula ka wena ku kwihi? A ndzi voni hilaha ndzi nga hundzukaka hakona!

Daniele 2:20

Daniele a vulavula, a ku: “A ku khensiwe vito ra Xikwembu hi mikarhi ni mikarhi leyi nga heriki, hikuva vutlhari ni matimba swi le ka xona.

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

1 Yohane 5:6

Yesu Kriste, hi yena la nga ta hi mati ni ngati; ku nga ri hi mati ntsena, kambe hi mati ni ngati; kutani moya, hi yona mbhoni, hikuva Moya i ntiyiso.

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.

Vaefesa 1:10

leswaku mikarhi leyi vekiweke hi xona, loko yi herile, xi ta hlengeleta hinkwaswo eka Kriste, hambi swi ri swa le matilweni, hambi swi ri swa laha emisaveni.

1 Vakorinto 12:18

Kutani sweswi Xikwembu xi veke xirho xin'wana ni xin'wana emirini, hilaha xi rhandzeke hakona.

Varhoma 16:11

Ndzi runguleleni Herodiyoni, xaka ranga. Ndzi runguleleni va yindlu ya Narkiso, lava nga le Hosini.

Varhoma 16:7

Ndzi runguleleni Androniko na Yuniya, maxaka ya mina, lava tshamaka va bohiwa na mina, kambe va twakele exikarhi ka vaapostola, na swona va ndzi rhangele eka Kriste.

Varhoma 12:5

hi mukhuva wolowo, na hina, hambi hi tele, hi miri wun'we eka Kriste, kutani un'wana ni un'wana i xirho xa van'wana.

Varhoma 11:36

Hikuva swilo hinkwaswo swi hume eka yena, swi kona eka yena, kambe swi endleriwa yena! Ku kwetsima a ku ve eka yena hilaha ku nga heriki! Amen!

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Yohane 17:26

Ndzi va tivisile vito ra wena, kutani ndza ha ta va tivisa rona, leswaku rirhandzu leri u ndzi rhandzeke ha rona, ri va eka vona, na mina ndzi va eka vona.”

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Swivuriso 8:5

N'wina, varivali, dyondzani mano; Na n'wina, vahunguki, mi lava ku twisisa.

Swivuriso 1:20

Vutlhari byi huwelela ehandle, Byi tlakusa rito emitsendzeleni,

2 Vakorinto 12:2

Ndzi tiva munhu eka Kriste, la tshamaka a tekeriwa etilweni ra vunharhu, sweswi ku hundze malembe ya khume na mune, (kambe xana u tekeriwe hi miri, a ndzi swi tivi; kumbe u siye miri, na kona, a ndzi swi tivi, swi tiviwa hi Xikwembu).

Esaya 11:2

Moya wa Yehovha wu ta tshama ehenhla ka yena, moya wa vutlhari ni wa mianakanyo, moya wa ntsundzuxo ni wa matimba, moya wa ku tiva ni wa xichavo xa Yehovha.

Luka 11:49

Hikwalaho, vutlhari bya Xikwembu byi vurile, byi ku: ‘Ndzi ta va rhumela vaprofeta ni vaapostola, va ta dlaya van'wana eka vona, va xanisa van'wana,’

1 Vakorinto 4:15

Hikuva, hambi mi nga va ni vadyondzisi va dzana ra madzana eka Kriste, vatata wa n'wina a va talanga; hikuva hi mina loyi ndzi mi tswaleke eka Yesu Kriste hi Evhangeli.

1 Vatesalonika 5:23

Xikwembu xa ku rhula a xi mi basise swinene, xi mi endla lava hetisekeke hinkwenu, leswaku hinkwaswo leswi nga eka n'wina, moya, ni mbilu, ni miri, swi hlayiseriwa ku vuya ka Hosi ya hina, Yesu Kriste, swi basile.