1 Vakorinto 1:20 - Xitsonga (Bibele)

²⁰ U kwihi ntlhari xana? U kwihi mutsari xana? Mukaneti wa mikarhi leyi u kwihi-ke? Xana Xikwembu a xi endlanga vutlhari bya misava leyi vuhunguki xana?

BIBELE Mahungu Lamanene

²⁰ Yi kwihi ntlhari xana? Ú kwihi mutsari xana? Loyi a tsakelaka ku phikisana na van'wana hi swa misava leyi, ú kwihi ke? Xana Xikwembu a xi kombanga leswaku vutlhari bya misava leyi i vuhunguki ke?

Testamente Leyimpsha Xichangana

²⁰ Yi kwihi ntlhari ke? A kwihi mutsali xana? Lweyi atsakelaka kuphikizana ni van'wana hi sva misava leyi, a kwihi ke? Xana Xikwembu axikombanga lesvaku vutlhari bza misava leyi i vuhunguki ke?

1 Vakorinto 1:20 Referans Kwoze

Varhoma 1:22

Va ri va tlharihile, kasi va hundzuke va rihuhu;

Ntirho 12:17

Xi yisa valerisi ekhotsweni, va ri lava phangiweke, Xi hungukisa vaavanyisi,

1 Vakorinto 3:19

Hikuva vutlhari bya misava leyi, i vuhunguki emahlweni, ka Xikwembu!

1 Vakorinto 1:19

Hikuva ku tsariwile leswaku: “Ndzi ta herisa vutlhari bya lavo tlhariha; ndzi ta hundzula ku tiva ka vativi swahava.”

Esaya 44:25

Ndzi endle ku bvumbha ka vangoma xilo xa hava, ndzi hlanyisa va bvumbhi, ndzi tlherisele ndzhaku tintlhari, ndzi hundzula vutlhari bya tona vuphukuphuku.

Ntirho 12:24

Xi susa ku twisisa ka tihosi ta matiko, Xi ti rhendzelekisa emananga laha ndlela ku nga hava;

1 Vakorinto 2:6

Kambe hi vula vutlhari exikarhi ka lava hetisekeke, byi nga riki vutlhari bya misava leyi, ni bya tihosi ta misava leyi, leti helaka;

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

Esaya 33:18

Mbilu ya wena yi ta anakanya ku chava ka yona, u ta ku: “U kwihi mutsari? U kwihi la pimaka mali? U kwihi loyi ngi a hlaya makhokholo?”

Ntirho 12:20

Lava tivaka ku vulavula, xi va pfumata timhaka; Xi tekela vakulu ku twisisa.

2 SAMIELE 17:23

Kuteloko Ahitofele a vonile leswaku makungu ya yena a ma yingisiwanga, a pana mbhongolo ya yena, a pfuka a famba karikwavo, emutini wa yena, kutani kuteloko a lerisile va yindlu ya yena timhaka ta yena, a tisunga; sweswo a fa, a lahliwa esirheni ra tata wa yena.

2 SAMIELE 17:14

Abixalomu ni vanhu hinkwavo va Israele va ku: “Makungu ya Huxayi, Muariki, ma tlula hi vutlhari makungu ya Ahitofele.” Kambe Yehovha a a kanerile ku onha makungu lamanene ya Ahitofele, leswaku khombo ri tela Abixalomu.

2 SAMIELE 16:23

Hi masiku lawa, timhaka leti vuriwaka hi Ahitofele a ti ringanisiwa ni rito ra Xikwembu. A swi ri tano ni makungu hinkwawo ya Ahitofele, hambi ku ri eka Davhida, hambi eka Abixalomu.

2 SAMIELE 15:31

Kutani va ya byela Davhida, va ku: “Ahitofele u nghenile eka vanhu lava yimaka na Abixalomu.” Kutani Davhida a ku: “Yehovha, wanga hundzuluxa makungu ya Ahitofele!”

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

Matewu 13:22

Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Yohane 12:31

Sweswi, ku avanyisa ka misava leyi, ku kona; kutani hosi ya misava leyi, yi ta hlongoleriwa ehandle.

Timhaka 17:18

Kambe tintlhari tin'wana ta dyondzo ya Epikuro ni ya Switoyika, va hlamulana na yena; kutani van'wana va ku: “Xana xivulavuri lexi, xi ri yini?” Van'wana va ku: “Wa ngi i mufundhisi wa swikwembu swin'wana,” hikuva a a va byela ta Yesu ni ta ku pfuka ka vafi.

Varhoma 1:20

Hikuva leswi nga voniwiki swa Xikwembu, ma nga matimba ya xona lama nga heriki, ni vukwembu bya xona, swi vonake ngopfu, ka ha ri mpfhuka misava yi tumbuluka, loko ku tsundzukiwa mitirho ya xona, ku va leswaku va pfumala ku tilandzula.

1 Vakorinto 1:26

Tsundzukani ku vitaniwa ka n'wina vamakwerhu, hikuva vavutlhari hi mukhuva wa nyama a va talanga, ni vamatimba a va talanga, ni vakulukumba a va talanga;

1 Vakorinto 1:27

kambe Xikwembu xi tihlawulele swihunguki swa misava, leswaku swi khomisa va vutlhari tingana; ni leswi tsaneke swa misava, Xikwembu xi tihlawulele swona, ku khomisa vamatimba tingana;

1 Vakorinto 1:28

kambe Xikwembu xi tihlawulele swahava emisaveni, leswi soriwaka, ni leswi nga riki kona, leswaku swi herisa leswi nga kona,

1 Vakorinto 2:8

byi nga lebyi tihosi ta misava leyi, hambi yi ri yin'we, yi nga byi tiviki; hikuva loko a ti byi tivile, ingi ti nga vambangi Hosi ya ku vonakala.

1 Vakorinto 3:18

Munhu a nga tshuki a tikanganyisa. Loko un'wana exikarhi ka n'wina a tiringanisa leswaku u tlharihile emisaveni leyi, u fanele ku hundzuka xihunguki, leswaku a ta va lowa vutlhari.

1 Vakorinto 6:2

Xana a mi swi tivi leswaku vakwetsimi va ta avanyisa misava? Kutani loko misava yi avanyisiwa hi n'wina, xana a swi mi lulamelanga ha yini ku avanyisa mitengo leyitsongo xana?

1 Vakorinto 11:32

kambe loko hi avanyisiwa, hi layiwa hi Hosi leswaku hi nga tshuki hi biwa kun'we ni misava.

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.