1 Vakorinto 1:19 - Xitsonga (Bibele)

¹⁹ Hikuva ku tsariwile leswaku: “Ndzi ta herisa vutlhari bya lavo tlhariha; ndzi ta hundzula ku tiva ka vativi swahava.”

BIBELE Mahungu Lamanene

¹⁹ Hikuva ku tsariwile leswaku: “Ndzi ta onha vutlhari bya tintlhari, ndzi bakanya vutivi bya vativi.”

Testamente Leyimpsha Xichangana

¹⁹ Hikuva kutsaliwile lesvaku: “Nitawonha vutlhari bza tintlhari, nibakanya vutivi bza tintivi.”

1 Vakorinto 1:19 Referans Kwoze

Esaya 29:14

Hikwalaho, ndzi ta endla ehenhla ka tiko leri, mitirho leyi hlamarisaka ni masingita; ku tiva ka tintlhari ta vona ku ta hela, ni ku twisisa ka va mano va vona ku ta lova.”

Yeremiya 8:9

Lavo tlhariha va ta khomiwa hi tingana, va ta rhurhumela, kutani va ta khomiwa va sandzile rito ra Yehovha, va ni vutlhari byihi-ke?

1 Vakorinto 3:19

Hikuva vutlhari bya misava leyi, i vuhunguki emahlweni, ka Xikwembu!

Esaya 19:11

Tindhuna ta Sowani ta hlanya, vatsundzuxi lavo tlhariha va Faro i swihunguki. Mi nga vurisa ku yini eka Faro, mi ku: “Ndzi n'wana wa tintlhari, ndzi n'wana wa tihosi ta khale?”

Esaya 19:3

Moya wa Egipta wu ta titivala, ndzi ta herisa makungu ya vona, va ta ya hlahluva eka swikwembu swahava, ni ka vangoma, ni ka vona lava vutisaka vafi, ni ka vabvumbi.

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

1 Vakorinto 4:6

Kambe, vamakwerhu, ndzi fanisa timhaka teto ha mina na Apolosi hikwalaho ka n'wina, hi kona mi nga ta dyondza ha hina leswaku mi nga tshuki mi ehleketa hi mukhuva lowu tlurisaka laha ku tsariweke, leswaku ku nga tshuki ku va na un'we exikarhi ka n'wina la tikurisaka eka un'wana, ku yimela un'wana.

1 Vakorinto 4:10

Hina, hi swihunguki hikwalaho ka Kriste; kambe n'wina mi tlharihile eka Kriste, hina ha tsana, n'wina mi ni matimba; n'wina mi ni ku twala, kambe hina ha soriwa.