1 Vakorinto 1:18 - Xitsonga (Bibele)

¹⁸ Hikuva mhaka ya xihambano, i vuhunguki eka lava lovaka; kambe eka hina lava hlayisekaka, i matimba ya Xikwembu.

BIBELE Mahungu Lamanene

¹⁸ Dyondzo ya xihambano i vuhunguki eka lava lovaka; kambe eka hina lava ponisiwaka i matimba ya Xikwembu.

Testamente Leyimpsha Xichangana

¹⁸ Jondzo ya xihambanu i vuhunguki ka lavalovaka; kambe ka hina lavaponisiwaka i matimba ya Xikwembu.

1 Vakorinto 1:18 Referans Kwoze

1 Vakorinto 2:14

Kambe munhu wa nyama a nga amukeri timhaka ta Moya wa Xikwembu; hikuva eka yena, i vuhunguki; kutani wa hluleka ni ku ti tiva, hikuva ti anakanyiwa hi Moya.

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

2 Vatesalonika 2:10

ni ku kanganyisa hinkwako ka ku homboloka ka lava lovaka, hikuva a va amukelangi ni ku rhandza ntiyiso leswaku va hanyisiwa.

2 Vakorinto 4:3

Kambe, kungakuloko Evhangeli ya hina yi fihliwile, yi fihleriwa lava lovaka,

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

1 Vakorinto 3:19

Hikuva vutlhari bya misava leyi, i vuhunguki emahlweni, ka Xikwembu!

1 Vatesalonika 1:5

Hikuva Evhangeli ya hina a yi tangi eka n'wina hi marito ntsena, kambe yi tile hi matimba ni Moya lowo Kwetsima, ni ku khorwisa lokukulu, hi laha mi tivaka hakona mahanyelo ya hina eka rikwenu hikwalaho ka n'wina.

1 Vakorinto 2:2

Hikuva a ndzi anakanyanga ku ta tiva nchumu exikarhi ka n'wina, loko a nga ri Yesu Kriste, na swona Yesu Kriste la vambiweke.

Timhaka 13:41

‘Vonani n'wina vasori, hlamalani, mi va mi lova, hikuva ndzi ta tirha ntirho emikarhini ya n'wina, ntirho lowu mi nga ka mi nga wu pfumeri, hambi un'wana a mi byela wona.’ ”

Vaheveru 4:12

Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

2 Vakorinto 10:4

Hikuva matlhari ya hina a hi ya nyama, kambe ma ni matimba ha Xikwembu ku wisa makhokholo,

1 Vakorinto 15:2

leyi mi ponisiwaka ha yona loko mi yi hlayisa hilaha ndzi mi byeleke hakona; loko ngi a mi pfumelangi eka yona mahala.

Timhaka 17:32

Kambe loko va twa mhaka ya ku pfuka ka vafi, van'wana va hleka van'wana va ku: “Ha ha ta tlhela hi ku yingisa kambe emhakeni leyi.”

Timhaka 17:18

Kambe tintlhari tin'wana ta dyondzo ya Epikuro ni ya Switoyika, va hlamulana na yena; kutani van'wana va ku: “Xana xivulavuri lexi, xi ri yini?” Van'wana va ku: “Wa ngi i mufundhisi wa swikwembu swin'wana,” hikuva a a va byela ta Yesu ni ta ku pfuka ka vafi.

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

1 Vakorinto 4:10

Hina, hi swihunguki hikwalaho ka Kriste; kambe n'wina mi tlharihile eka Kriste, hina ha tsana, n'wina mi ni matimba; n'wina mi ni ku twala, kambe hina ha soriwa.

Vaheveru 12:2

hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.