1 Timotiya 6:9 - Xitsonga (Bibele)

⁹ Kambe lava rhandzaka ku fuwa, va wela emiringweni, ni le ntlhan'wini, ni le ku naveleni loko tala ka vuphukuphuku loku onhaka, loku nwerisaka vanhu eku loveni ni le ku lahlekeni.

BIBELE Mahungu Lamanene

⁹ Kambe lava navelaka rifuwo, va wela endzingweni, emintlhan'wini ya ku navela leswo tala leswi nga pfuniki nchumu, ku nga ku navela loku ku dlayisaka vanhu, ni ku va peta ekhombyeni ni le ku loveni.

Testamente Leyimpsha Xichangana

⁹ Kambe lavanavelaka rifuwo, vawela ndzingweni, mintlhan'wini ya kunavela lesvotala lesvingapfuniki nchumu, kunga kunavela loku kudlayisaka vanhu, ni kuvapeta khombzeni ni le kuloveni.

1 Timotiya 6:9 Referans Kwoze

Swivuriso 15:27

La navelaka bindzu ra ku phanga u karhata yindlu ya yena, Kambe la vengaka tinyiko u ta hanya.

1 Timotiya 3:7

Swi fanele na kona leswaku a va ni vumbhoni lebyinene, lebyi humaka eka lava nga ehandle, leswaku a nga weli eku rhukiweni ni le ntlhan'wini wa Diyavulosi.

Timhaka 8:20

Kambe Petro a ku eka yena: “Mali ya wena a yi love na wena, leswi u nga ehleketa leswaku ku nyika ka Xikwembu ku xaviwa hi mali!

Matewu 13:22

Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Yuda 1:11

Va ni khombo, hikuva va fambile hi ndlela ya Kayini, kutani va hambukile hi ku tsutsumela hakelo kukotisa Balaama, kutani va tilovisile hi ku kaneta loku kotisaka ka Kora.

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Vaefesa 4:22

hileswaku, loko ku ri ku famba ka n'wina ka khale, mi tintshunxa eka munhu wa khale, la onhiweke hi ku navela loku dyelelaka,

Marka 4:19

kambe ku vilela hi swa misava leyi, ni ku xisiwa hi rifuwo, ni ku navela ka swilo swin'wana, ku nghena eka vona ku tsondzela rito, kutani ri nyumba.

Matewu 26:15

a ku: “Mi ta ndzi nyika yini, na mina ndzi ta mi nyiketa yena?” Kutani va n'wi hlayela mali ya makume manharhu.

Matewu 19:22

Kambe jaha leri, loko ri twa ku vulavula loku, ri famba ri ri ni gome ngopfu hikuva a ri fuwile ngopfu.

Swivuriso 22:16

La xanisaka xisiwana u engetela rifuwo ra xona, La nyikaka mufuwi, u n'wi wisa evusiwaneni.

Swivuriso 21:6

Ku tihlengeletela rifuwo hi ririmi ro hemba, I hunguva leyi hangalakaka ya vanhu lava tsutsumaka eku feni.

Swivuriso 20:21

Ndzhaka leyi kumiwaka hi ku dyoha eku sunguleni, Yi nga ka yi nga katekisiwi eku heleni.

2 Timotiya 2:26

leswaku loko va tlhelele eku tlhariheni, va ta huma entlhan'wini wa Diyavulosi, loyi va phasiweke hi yena ku ya endla ku rhandza ka yena.

1 Timotiya 1:9

a ri karhi a tiva leswaku nawu a wu vekeriwanga la lulameke kambe lavo homboloka, ni lava alaka ku yingisa, ni lava nga riki na xichavo, ni vadyohi, ni lava nga khongeriki, ni lava sandzaka, ni lava dlayaka vatata wa vona ni vamana wa vona,

Luka 21:35

hikuva ri ta wela hinkwavo lava akeke emisaveni kukota xirimbana.

Zakariya 11:5

ni lava xavisaka tona va ku: ‘A ku dzunisiwe Yehovha! Hikuva ndzi mufuwi!’ ... Ni leti varisi va tona va nga ti tsetseleriki.

Esaya 5:8

Va ni khombo lava engetelaka tindlu eka tindlu, lava hlanganisaka masimu hi masimu, mpfhuka wu ko wu hela, mi va n'wina mi ri swenu vini va tiko!

Swivuriso 23:4

U nga tikarhati ku hlengeleta rifuwo, Tshika ku anakanya rona.

Pisalema 11:6

U ta nisela lavo homboloka mitlhamu, ni ndzilo ni xivavula; Mheho leyi hisaka, i xinwelo lexi va xi averiweke.

Yoxuwa 7:11

Israele u dyohile, u tlurile ntwanano wa mina lowu ndzi va leriseke wona kambe va tekile leswo yila, va swi yivile va va, va swi fihla etinhundzwini ta vona.

Duteronoma 7:25

“Mi ta hisa endzilweni swifaniso leswi vatliweke swa swikwembu swa vona; u nga tshuki u navela silivhere ni nsuku lowu nga ehenhla ka swona, kambe u nga tshuki u titekela swona leswaku wu nga tshuki wu va ntlhamu eka wena, hikuva swa yila emahlweni ka Yehovha, Xikwembu xa wena.

Tinhlayo 31:8

Va dlaya ni tihosi ta Midiyani a ri Evhi, na Rekemu, na Suru, na Huru, na Reba, ti ri tihosi ta ntlhanu ta Midiyani; va dlaya hi tlhari na Balaama, n'wana Beyori.

Matewu 6:19

“Mi nga tshuki mi tihlengeletela xuma emisaveni, laha tinsumba ni ku kurha swi dyaka kona, ni laha makhamba ma boxaka kona ma yiva.

Luka 12:21

Swi tano ni ka yena loyi a tihlengeletelaka xuma, kambe a nga fuweri Xikwembu.”

1 Timotiya 6:10

Hikuva rirhandzu ra rifuwo i rimitsu ra vudyoho hinkwabyo; van'wana, hi ku ri navela, va lahlekeriwe hi ku pfumela, kutani va titlhavile hi mahlomulo layo tala.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Tito 2:12

ti hi dyondzisa leswaku hi tshika ku sandza swa Xikwembu, ni ku navela ka misava, hi ta hanya emikarhini ya sweswi hi ku tikhoma, ni ku lulama, ni vukhongeri,

1 TIHOSI 21:6

Yena a ku: “Hi leswi ndzi vulavuleke na Naboto wa Yizriele, ndzi ku eka yena: ‘Ndzi xavisele vhinya ya wena, kumbe loko u swi rhandza, ndzi ta ku nyika nsimu ya vhinya ematshan'weni ya yona.’ Kambe u te: ‘Ndzi nga ka ndzi nga ku nyiki nsimu ya mina.’ ”